MONGO HAKIMU 5:31 - KITABI HABARI MOPIOHE

³¹ Pohileaala dua̒ mumuu-suuwaalo Eeya, yaa Eeya, mate debo odelo tei Sisera, bo ngoa̒amila sahaabati lo Eeya ilotilapulo debo odelo mato lodulahu to dulente! Lapatao̒ uito, mai̒laamani lomola lipu boito wopato pulu lotaunu mola hiheolio.

MONGO HAKIMU 5:31 Iomraidhean Croise

OLUO LO SAMUEL 18:31

Lapatao̒ malei dungga mai wato lei Yoab boito, wau loloi̒ya mao̒ odeli olongia, “Watotia lodelo mai habari mopiohe odeli Baginda! Todulahee botie Eeya malo poo̒haama oli Baginda to ngoa̒amila tahi pomintaa̒wa tingolo.”

OLUO LO SAMUEL 18:32

Ti Olongia malohintu mao̒ olio, “Wolo tei Absalom walao̒ tabohuotau boito loa̒ahu?” Lapatao̒ wato boito lolametao̒, “Potala ngoa̒amila musu li Baginda, ngoa̒amila taa u hipo mintaa̒wa tingolo odeli Baginda moo̒dungga paladu u tutuuwauwa debo odelo walao̒ tabohulotau boito.”

OLUO LO SAMUEL 23:4

Tio debo odelo tinelo dulahu heli lobutu mai to molaliyonu daa̒ tou̒ heengo lobaangai. Tio debo odelo tinelo dulahu mobaanga daa̒ lopalutao̒ didi moo̒hutu huo̒yooto moidu gaaga molilingga.”

JABURU 19:6

didimodupo tio motinelai debo odelo bulaintiti talolai̒ yilumualai lonto huwaliilio, debo odelo pahalaawani taleengahu lolumulao̒ nonao̒olio.

JABURU 20:8

Woluo taa u hemo pongaku kaleta lo popaatealio, woluo olo taa u hemo pongaku wadalaalio. Bo ito mopongaku kawasa lo Eeya, Allahu Taa̒alanto.

JABURU 37:6

Eeya mamopo ilaalo otatapu wau olootolo hilaamu debo odelo tinelo, wau otuulidu hilaamu debo odelo dulahu.

JABURU 89:36

Pee̒enta u ohiheolo mao̒ Wau̒ motadia domi tanggulu-U̒ u mantali; Wau̒ diila tamo himbulo to olei Dauda.

JABURU 89:37

Tambati huhuloa̒ li olongialio mamoo̒ taahangi ngotilonggadu mato lodulahu donggo woluo, wawaalia mola walao̒ wombulio mamo tihuloa̒a teto.

JABURU 91:14

Tahuda lo Eeya, “Taa u ilohilao ola-U̒ mapoa̒ahuwo-U̒, tamomasisi ola-U̒ maduo̒la-U̒.

JABURU 92:10

Otaawa lo mongowatotia musu lo Eeya mapo binasaalo, yaa Eeya, ngoa̒amila taa moleeto mapo bubuu-alaalio.

JABURU 92:9

sababu Eeya, yaa Eeya, okawasa ohiheo-hiheolo mao̒.

JABURU 97:10

Wuu timongoli tai̒lohilao to Eeya, lonui̒lo u moleeto! Sababu moduo̒lai tutumulo umati-Lio, Eeya molopata olimongolio monto kawasa lotaa momaahu palenta.

JABURU 97:8

Ulipu lo Sion wau kokoo-tawaalo Yehuda sanangi tou̒ moo̒dungohe putuusani lo Eeya.

PILOTIMUA̒TA 20:6

Bo Wau̒ mopo bilohei ponu-U̒ ode helihu-lihua wali mai lotau-tauwalo tahipo tolia̒ngowa ola-U̒ wau modungohe palentaa-U̒.

POHUMAYA 4:18

Dalalo lotaa moleeto modio̒lomo debo odelo tontoyoo̒mio lou̒ hui. Timongolio meiteduo̒ wau modehu lou̒ diila otaawa limongolio. Bolii̒o mao̒, dalalo u polibaya lotaa mopiohe boito debo odelo pobutua mai lodulahu; hihiiheo mao̒ lebe hemobaango tunggula pulitio mamobaangodaa̒.

DANIALI 12:3

Mongotau̒a taa biijaki maa motinelo debo odelo tinelo hulungo. Wau timongolio taa maa longaajali to taa dadaata u lohutu wolo u mopiohe wau aadili, maa motinelo debo odelo popooliamaalo u o hiiheo-hiiheolo mao̒.”

HOSEA 6:3

Sababu uito duloolo ito motolopani u tio̒otutua motota to Eeya. Tio tantu mamei dungga mai ode olanto debo odelo u mapobutua mai mato lodulahu, wau debo odelo didi u mopobata mai huta to pulito sembo lo polodidi.”

MATIUSI 13:43

Wau tahi pohutua kahandaki lo Allahu Taa̒ala mamotinelo debo odelo mato lodulahu todelomo Dunia Bohu lo Allahu Taa̒ala, ti Paapa limongolio. Oditolio wonu obulonga, podungohu!”

ROMA 8:28

Otaawanto deu̒ Allahu Taa̒ala mongatulu mai totoonulalo sua̒li, tilinggula mongohi tilapulo umopiohe ode tau-tauwalo tamo tolia̒ngo o-Lio wau tatilia-Ngio motuuu̒de wolo lanjana-Lio.

1 KORINTUS 8:3

Bo taa u otu-otutuulo mao̒ motolia̒ngo to Allahu Taa̒ala, tio otaawa lo Allahu Taa̒ala.

EPESUS 6:24

Pohileaala dua̒ Allahu Taa̒ala mobalakati Wutato ngoa̒amila tamo tolia̒ngo Eeyanto Isa Almasi wolo tolia̒ngo udiila mowali mooli. Hulumati lamiaatia, Paulus 17

TINGULI 6:5

Tolia̒ngi mao̒ to Eeya Allahu Taa̒ala limongoli wolo lealeaatu lo hilaamu: Pobilohe mao̒ uito todelomo dudelo lo tutumuli mongoli wau todelomo huhutu limongoli.

TINGULI 7:9

Eelai mao̒ deu̒ Eeya Allahu Taa̒ala limongoli yito tatuwa-tuwaulo Allahu Taa̒ala, wau Tio Allahu Taa̒ala utatapu wau molotolo hilao. Eeya mopoo̒polu dantilio wau mopobilohei ponu-Lio utatapu tunggula ngolihu mola wali ode taa u motolia̒nga o-Lio wau modungohe totoonulalo palentaa-Lio.

YAKOBUS 1:12

Potisanangilo tutu taa sabali tou̒ tio odungga loimontala. Sababu lapatao̒ tio moo̒ tahangi toimontala boito, tio mamolimo wuupalio, deu̒ito-yito tutumulo u mapilo danti mai lo Allahu Taa̒ala totau-tauwalo tamo tolia̒ngo Allahu Taa̒ala.

YAKOBUS 2:5

Poo̒toloma mao̒! Mongo wutato taa otolia̒ngo! Taa mosikini todunia botie, tilulaoto Allahu Taa̒ala u mowali taa kaya todelomo iimani. Tau-tauwala boito mamowali ngaalaa̒ umati lo Allahu Taa̒ala debo odelo u pilodanti mai lo Allahu Taa̒ala totaa motolia̒nga o-Lio.

1 PETRUS 1:8

Timongoli motolia̒nga o-Lio, eleponu muloololio mai timongoli diila loo̒onto o-Lio. Wau timongoli palacaya to o-Lio eleponu botia timongoli diila moo̒onto olio. Uito sababuulio timongoli motiwengahe, wau molaasa hilaa meengahe u udaa̒ wau diilalo mowali loi̒yaalo.

WAHI 1:16

Uluu̒-Lio olowala dihudihu pitu poliyama, wau monto ngango-Lio yilumualai wamilo tuwau molalito u omato duluo. Baya-Lio motinelo debo odelo mato lodulahu tou̒ mohulonu tutu.

WAHI 18:20

Wuu sologa, poti wengahulo mola to oa̒antulu lokota boito! Wuu umati lo Allahu Taa̒ala, mongo rasulu, mongo nabi, poti wengahulo mola! Sababu Allahu Taa̒ala malo hukuumani mai olio odelo toli tou̒ wolo umaa pilohutulio limongoli!

WAHI 6:10

Timongolio hiwaatia̒ wolo suala moo̒ohuu̒, “Oo Eeya Taa Laba-labaalo kawasa, tamantali wau otutu! Ngoolo mao̒ poli hiheolio bolo Eeya momutoa̒i tuanga dunia wau mohukuumani olimongolio sababu malomate yila-yilateelo mao̒ tomongo watotia?”

MONGO HAKIMU 3:11

Yi mai̒laamani lipu boito wopato pulu lotaunu mola hiheolio. Lapatao̒ tei Otniel yilate.

MONGO HAKIMU 3:30

Todulahee boito Moab ilolaahe lo Isirai̒lu, yi oditolio maa ilaamanilo mola lipu boito walu lopulu lotaunu mola hiheolio.