MONGO HAKIMU 5:23 - KITABI HABARI MOPIOHE

²³ “Laa̒anatiyalo Meros, wau tahi tomelea todelomio,” ualo Malai̒kati lo Eeya “sababu timongolio diila lonao̒ mai helomantu odelo pahalawani tahemo hipate ode Eeya.”

MONGO HAKIMU 5:23 Iomraidhean Croise

JABURU 94:16

Tatoonu tamoduulua olaatia monto taa momaahu parenta? Tatoonu tamo tiwambao̒ odelaatia moluwali taa hemohutu u moleeto?

YEREMIA 48:10

Malaa̒-laa̒anatilo taa u diila moponao̒ tuugasi monto Eeya wolo tio̒otutua. Malaa̒-laa̒anatilo tio tadiila momahuta wamilo wau momate-mateelo mao̒.

MATIUSI 25:41

Lapatao̒ ti Olongia boito mamo tahuda mao̒ ode tau-tauwala to ambahu oloihi-Lio, ‘Pohinggilo mao̒ monteea tamoleeto daa̒! Tuwotolo mota ode tulu udiilalo mate, u mapilohetu ode Ibilisi wau mamaa-lai̒katilio!

ROMA 15:18

Watia buheli mobisala mai odito bo tomimbihu wolo u mapilohutu li Isa Almasi lotimbulude olaatia u mopowali tau-tauwala tadiila Yahudi modungohe to Allahu Taa̒ala. Watia helohutu uito wolo loi̒ya boli wolo huhutu,

1 KORINTUS 16:22

Taa udiila motolia̒ngo to Eeya, huliilo mao̒ tio laa̒laa̒nati! Maranatha – Eeya lomongo watotia, podunggalo mai!

1 KORINTUS 3:9

Amiaatia yito tau-tauwalo tapee̒-pee̒enta hipo kalajawa ode Allahu Taa̒ala; wau timongoli yito debo odelo halabolu lo Allahu Taa̒ala. Mongo wutato yito debo odelo hudungu lo Allahu Taa̒ala olo.

2 KORINTUS 6:1

Sababu amiaatia hemo kalaja pee̒-pee̒enta wolo Allahu Taa̒ala, yi halapuo lamiaatia lou̒ tio̒otutua diila mao̒ polemea limongoli opopiohu hilaa lo Allahu Taa̒ala boito.

MONGO HAKIMU 13:3

Bo todulahee tuwau malai̒kati lo Eeya lopobilohe batanga olio wau lotahuda, “Ngotilonggadu botie yio̒ diila loo̒ toduo walao̒, bo diilalo mohiheo yio̒ mao̒mbodaa̒ mai, wau mamoo̒tapu walao̒ talolai̒.

MONGO HAKIMU 2:1

Malai̒kati lo Eeya lonao̒ lonto Gilgal ode Bokhimi wau lotahuda mao̒ ode tau-tauwalo Isirai̒lu, “Wau̒ malo polualai olimongoli lonto Masiri, wau lodelo olimongoli ode lipu u mapilo danti-U̒ odeli nenemoya limongoli. Matilahuda-U̒ mai olo, ‘Buuhuta danti towolota-U̒ woli mongoli diila tabuntoo-U̒.

MONGO HAKIMU 21:5

Lapatao̒ timongolio helo tulete susuu-kuwaalo bangusa lo Isirai̒lu wolo woluo tadiila lonao̒ lotia̒mbu helotaalua wolo Eeya to Mispa omoo̒omolu. (Tou̒ boito timongolio malo tadia deu̒ taa udiila modungohe titiango ode Mispa musi hukuu-maniyolo mate.)

MONGO HAKIMU 21:8

Yi timongolio helo tulete wolo woluo nopolemboa̒ lonto suku bangusa lo Isirai̒lu tadiila lonao̒ lotia̒mbu to Mispa. Wau timongolio loo̒dungga deu̒ lonto tau-tauwalo Yabesh to Gilead, diaaluo penu boli ngotaa mao̒ tamalonao̒ mola ode Mispa.

MONGO HAKIMU 4:6

Tou̒ dulahee tuwau tio lopoa̒hu tau lotiangai olei Barak, walae̒e Abinoam, lonto kota Kedesi tomadala Naputali. Lapatao̒ tio loloi̒ya mao̒ odelei Barak, “Uti-utieelo palenta mai lo Eeya, Allahu Taa̒ala lo Isirai̒lu, olemu: ‘Ambua mao̒ mopulu lolihu lota mongo lolai̒ lonto suku Naputali wau Jebulon, wau delowalo mola timongolio ode Hui̒dee Tabor.

MONGO HAKIMU 5:13

Tagaaga boli buheli tai̒lo labita monao̒ mai ode tau̒walio, timongolio monao̒ mai, wau dapa-dapato u mohipate to Olio.

MONGO HAKIMU 6:11

Todulahee tuwau malai̒kati lo Eeya lonao̒ mai ode kota lo Opra, lapatao̒ lotihuhuloo̒ towalungo bungo lo terpentin, miliki lei Yoas, ngotaalio lo Kaumu Abiejer. Walai̒o tai̒lunte Gideon, donggo hemo pomolotao̒ pale totambati hepo mitodela angguru. Tio helohutu uito tuua̒ao̒-tuua̒ao̒ alihu diila oontonga taulo Midian.

MONGO HAKIMU 8:5

Lapatao̒ timongolio leidungga mota ode Sukot. Mota teto tei Gideon loloi̒ya mao̒ ode ulipu lokota, “Tulungia mai wohia mao̒ ode tauu̒ ngoi̒di ua̒alo. Timongolio moongolo daa̒ hiambola ami donggo hemo hilapita olei Jebah wolei Salmuna, mongo olongia lo Midian boito.”

MONGO HAKIMU 8:6

Bo mongo tau̒wa to Sukot boito lolametao̒, “Aa, timongoli debo diipo loo̒ wau̒upao̒ olei Jebah wolei Salmuna, wau timongoli malohile ua̒alo! Pongoola tahidudua̒ olemu boito musi wohiyalo ua̒alo?”

MONGO HAKIMU 8:8

Lapatao̒ tei Gideon lotolongao̒ nonao̒olio tulusi leidungga mola to Pnuel. Mola teto olo tio helohile ua̒alo ode taulio. Bo totameto taulo Pnuel tutuuwauwa wolo totameto taulo Sukot.

BOHULO SEMUEL 17:47

wau ngoa̒amila taa tewe mamoo̒onto deu̒ Eeya diila momalalu wamilo wau totobuo̒ u mopoa̒ahu umati-Lio. Tiolo tamolantu mai dalalo popaatea botie wau Tio mamohudu olimongoli ode delomo uluu̒ lami.”

BOHULO SEMUEL 18:17

Tei Saul lolanjana mao̒ alihu tei Dauda pateelio lotau Pilisitini mate-mateelo mao̒ todelomo popaatea alihu diila tio lohihilao talomate olio yila-yilateelo mao̒. Oditolio tou̒ dulahee tuwau loloi̒ya tei Saul odelei Dauda, “Ti Merab puusiliu̒ tamohuhula daa̒, maponikaau̒ mai wolemu, asali yio̒ mopo biloheo̒ obobuhelimu todelomo motuuhua duo̒lo Eeya.”

BOHULO SEMUEL 25:28

Maa̒apuwalo mai totala lowatotia. Eeya tantu mamopowali mao̒ oli Tuani lowatotia wau wali mola li Tuani lowatotia olongia lo Isirai̒lu, sababu ti Tuani lowatotia mopaatea duo̒lo Eeya; wau ti Tuani lowatotia diila tamohutu u moleeto ngotupa lo tutumulo.

BOHULO SEMUEL 26:19

Baginda, dungohilo mai tuboo lowatotia botie. Wonu humaya Eeya talo poa̒hu mai oli Baginda alihu u moluwali olo watotia, yi tuwaulio lou̒ mopodewo bake mamowali moo̒oleo̒ omuluka lo Eeya olo watotia. Bo wonu humaya talo poa̒hu mai oli Baginda boito yito manusia, pohileaala dua̒ timongolio laa̒anatia mai lo Eeya! Sababu akiibati lohuhutu limongolio boitolo, watotia mapilo lontulio lonto huta miliki lo Eeya wau bolo pakusa musi monao̒ ode lipu wewo tou̒toonu watotia musi moi̒baadati to dedee-waalo deli.