MONGO HAKIMU 5:2 - KITABI HABARI MOPIOHE

² Pujiaalo mola Eeya, sababu papaa-halawaniyalo Isirai̒lu mai̒lo teekati u mohipate, wau ulipu wolo ihilasi monao̒ u mopaatea.

MONGO HAKIMU 5:2 Iomraidhean Croise

OLUO TAWARI 17:16

Taa otolulio yito tei Amasia walae̒e Jikhri; tio lotitau̒wa to tadulo hetuto lolihu lota pajule. (Tei Amasia yito ngotaalio lo tamohutu u hitua-tuawua wolo iloheela lohilao tahe motiwato to Eeya.)

NEHEMIA 11:2

To wolota limongolio woluo ta iloheela lohilao motitatapu to Yerusalemu wau timongolio hepiluji lo ulipu.

JABURU 103:2

Pujiaalo mola Eeya, wuu jiwa laatia, diila mao̒ lipata totoonulalo opopiohu Eeya!

JABURU 110:3

To dulahu yio̒ meidungga wolo kawasa, to huludu umantali, ulipumu momaju wolo iloheela lohilao. Debo odelo wambulo tou̒ dimodupo, mongo bohulotau monao̒ mai ode olemu.

JABURU 136:15

Bo olongia lo Masiri wau suludadulio pilopoa̒humo Eeya; ponu lo Eeya ohiheo-hiheolo mao̒ diila opulitio.

JABURU 18:47

Eeya tumutumulo! Ilopujialo mola tamooduulua olau̒! Pou̒daa̒alo mola odudaa̒ lo Allahu Taa̒ala tahe lopoa̒ahu olau̒!

JABURU 48:11

Tanggulo Eeya masa masaahuru wau hepujiolo to ngoilanggubu dunia, Eeya hemomalenta wolo aadili.

JABURU 94:1

Yaa Allahu Taa̒ala, Eeyaalo Allahu Taa̒ala tamolontuli, ambunguolo poi̒laalolo mai polo tontuli lo Eeya, yaa Eeya.

JABURU 97:8

Ulipu lo Sion wau kokoo-tawaalo Yehuda sanangi tou̒ moo̒dungohe putuusani lo Eeya.

1 KORINTUS 9:17

Wonu humayaalio watia moponao̒ lokalaja boito modudua̒ tou̒ otohilaa lowatia lohihilao, yi watia mowali mohalapu u moo̒tapu wuupa. Bo watia mopohabari Habari Mopiohe boito tumbao̒ sababu pilowajibu. Watia pilalentai lo Allahu Taa̒ala u mohutu uito.

2 KORINTUS 8:12

Wonu timongoli iloheela lohilao mongohi, yi Allahu Taa̒ala mamololimo uilohi limongoli boito patopatoa̒ tou̒ wolo udiaaluo toli mongoli.

2 KORINTUS 9:7

Timii̒du tau musi mongohi modudua̒ oleela hilaalio. Tio diila mowali mongohi lou̒ panggu-panggu meaalo kalana pakusa, sababu Allahu Taa̒ala momonu taa u mongohi wolo hilaa sanangi.

TINGULI 32:43

Wuu babaa-ngusawalo, pujiaalo umati lo Eeya, sababu Eeya mohukuumani ngoa̒amila tamomate-mateelo mao̒ olimongolio. Tio momalasi niyati to musu-Lio bo mongambungu mao̒ dusa lo umati-Lio.”

TINGULI 33:21

Huta ulaba-labaalo mopiohu hamaalio duo̒lo batangalio tayadu lotau̒wa uiludu ode limongolio. Timongolio moponao̒ totoonulalo palenta wau butoo̒ lo Eeya tou̒ mongo tau̒wa motia̒mbu pee̒-pee̒enta.”

PILIPI 2:13

sababu Allahu Taa̒ala lohihilao tamokalaja mai todelomo batanga limongoli u mohutu olimongoli iloheela lohilao mowali mopo sanangi hilaa lo Allahu Taa̒ala.

PILEMON 1:14

Bo watia diila mohuto motohilaa wolo-wolo wonu Wutato diipo akolo. Watia lebe motohilaa Wutato mohutu uito wolo iloheela lohilao lohihilao; watia diila motohilaa momakusa olemu.

WAHI 18:20

Wuu sologa, poti wengahulo mola to oa̒antulu lokota boito! Wuu umati lo Allahu Taa̒ala, mongo rasulu, mongo nabi, poti wengahulo mola! Sababu Allahu Taa̒ala malo hukuumani mai olio odelo toli tou̒ wolo umaa pilohutulio limongoli!

WAHI 19:2

Pomuto-I̒o aadili wau molinepo! Tio malo podehu mai hukuumani to tasuuntali daa̒, tamoruusa dunia wolo polo hulotolio. Allahu Taa̒ala malo hukuumani mai tasuuntali boito, sababu tio lomate yila-yilateelo mao̒ mongo wato lo Allahu Taa̒ala.”

MONGO HAKIMU 5:9

Tomongo eyanggu lo Isirai̒lu tamongohi batanga wolo iloheela lohilao, pilopo tunggulomu polo hulumatiu̒ u lodelo-delomolo mao̒. Pujiaalo mola Eeya!