MONGO HAKIMU 5:16 - KITABI HABARI MOPIOHE

¹⁶ Yilongola timongolio lotibiluloa̒ towolota lo hihii-mbawaalo? Wolo u modungoheo̒ diti hemotianga bibiahio? Memangi suku Ruben diila mowali molantu siikapu sababu towolota limongolio diila o heeluma.

MONGO HAKIMU 5:16 Iomraidhean Croise

ILOOWALI 49:14

Tei Isakhar boito debo odelo kolodai molotolo uluu̒-luu̒to towolota lokalanji dudetohio.

JABURU 4:4

Ototai mao̒, Eeya malo lulaotao̒ ode batanga-Lio ngotaalio tapilonu-Lio. Eeya helo dungohu wonu watotia mongiibode to Eeya.

JABURU 68:13

“Mongo olongia wau pasuukanilio maa tilumeteo̒!” Timongolio tilumeteo̒ debo odelo poombo hitombota mota. Mongobua tobele helo laya-layadeo̒, talaa̒ wau hulawa u tilolaalio. Eleponu dadaata tadiila lodudua̒ lopaatea, umati lo Allahu Taa̒ala maloo̒haama.

JABURU 77:6

To pikiilangi mola lowatia duduu-laheyaalo uilalu mao̒, hei̒le-ileela lowatia wau lotipoo̒yo lomikilangi mola tataa-wunuwalo uilalu mao̒.

YIA̒APO 32:24

Ponao̒lo potihula mao̒ kokoo-tawaalo wan lalaa-ntungaalo himba limongoli, wau diila mao̒ palonga moe̒elao̒ wolo u mapilodanti limongoli boito!”

YIA̒APO 32:6

Tametao̒ lei Musa, “Diila pongalo aakali timongoli ohilaa motibiluloa̒a tewe, hiambola tau-tauwalo ngobangusamu mota mopaatea?

PILIPI 2:21

Noa̒aa̒mila tawewolio bo hemo ngulusi polohuna daa̒ batanga lohihilao wambai̒o, diila polohuna daa̒ li Isa Almasi.

PILIPI 3:19

Tutumulo lotau-tauwala debo odelo uito pulitio mao̒ mabinasa, sababu ila limongolio yito loduduo̒ ilohilaa lobatanga limongolio lohihilao. Susuu-aliyaalo u moo̒olito tumbao̒ ui-uitolo u hepomangga limongolio; sababu timongolio bo hemo mikiilangi susuu-aliyaalo u motuhatawa wolo dunia botie wambai̒o.

MONGO HAKIMU 5:15

Tahimuloa lolipu lei Isakhar lonao̒ mai woli Debora, ooo̒, tei Isakhar lonao̒ mai, wau tei Barak lodudua̒ olo; timongolio lodudua̒ olio lotuhuto lumbaya. Bo suku Ruben diila lowali lolantu siikapu sababu towolota limongolio diila o heeluma.