MONGO HAKIMU 5:1 - KITABI HABARI MOPIOHE

¹ Todulahee boito lopolahu mola ti Debora wolei Barak walae̒e Abinoam. Odie mola ualio mao̒:

MONGO HAKIMU 5:1 Iomraidhean Croise

OLUO LO SAMUEL 22:1

Lapatao̒ Eeya lopoa̒ahu olei Dauda lonto olei Saul wau lonto ngoa̒amilalo musuulio uwewo, tei Dauda malo polahu mola lahu botie ode Eeya: [

OLUO TAWARI 20:21

Lapatao̒ lodulohupa wolo ulipu, ti olongia helo poa̒hu polemboa̒ lahu mopotuwau suala helomake ngotumba u biasaalio hepomake to uu̒u-pacalawalo tolomodu todelomo agama. Polemboa̒ lahu mopotuwau suala boito musi motibaalisi wolo motinelo totalu baliisani lo suludadu sambela hipolahua, “Pujialo mola Eeya! Ponu-Lio ohiheo-hiheolo mao̒ diilo opulitio!”

OLUO TAWARI 20:27

Lapatao̒ tei Yosapat helodelo ngoilanggubu pasuukani lohualinga ode Yerusalemu wolo hiweengahe sababu Eeya malo poo̒laaheo̒ musu limongolio.

AYUBA 36:24

Laito Eeya pujiolo sababu huhutuu-Lio, wau yio̒ olo paatuti moduduo̒, modungohe palenta lo Eeya.

AYUBA 38:7

tou̒ popoo-liyamaalo dimodupo hipolahua mola pee̒-pee̒enta wau mamaa-halukuwalo lo sologa hitingalaa̒ meengahu?

JABURU 18:1

Duo̒lo diriheni lopolemboa̒ tamoolahua. Jaburu lei Dauda, wato lo Eeya. Pilopolahu mola ode Eeya tou̒ tei Dauda lolopato lonto olei Saulu wau lonto mumuu-suulio.

JABURU 32:7

Eeyaalo tambati potituua̒ lowatotia, yilopato Eeya watotia lonto usuusa. Yi watotia helo tingalaa̒ mola wolo wengahu, sababu Eeya malo poa̒ahu olo watotia.

PILOTIMUA̒TA 15:1

Lapatao̒ tei Musa wau tau-tauwalo Isirai̒lu helo polahu mola lahu botie u lomuji Eeya, “Wau̒ ohilaa mopolahu mola duo̒lo Eeya, sababu Tio maloo̒haama wolo polu-polutuo̒. Ngoa̒amila wadala wau jokilio pilomahu-Lio mola ode delomo deheto.

PILOTIMUA̒TA 15:21

Ti Miriyama lopolahu mola ode limongolio, “Polahualo mola duo̒lo Eeya, sababu Tio maloo̒haama wolo polu-polutoo̒. Ngoa̒amila wadala wau jokilio pilomahu-Lio ode delomo deheto.”

YESAYA 25:1

Yaa Eeya, Eeyaalo Allahu Taa̒ala lo watotia, pou̒daa̒ mola lo watotia Eeya wau pujio lo watotia tanggulo Eeya. Sababu totoonulalo huhutu lo Eeya malo moo̒linggolabu; Eeya helo lanjana tumulalo muloololio mai, wau loponao̒ wolo tatapu wau molotolo hilao.

YESAYA 26:1

Tou̒ boito tau mamopolahu mola lahu botie tohuta lo Yehuda: “Malo odito lotoolio kotaanto; Allahu Taa̒ala lohihilao talomongu biintengi-Lio, tewe ito moa̒ahu.

YIA̒APO 21:17

Tou̒ boito bangusa lo Isirai̒lu helo polahu mola lahu botie, “Wuu, aa̒a-liyaalo, pomeyaawa mai tuluhumu, ami mamohima mao̒ wolo lahu.

LUKASI 1:46

Ti Maria loloi̒ya, “Hilaa lowatotia momuji mola to Eeya,

MONGO HAKIMU 4:24

Ti olongia boito helebe hihiiheo mao̒ helebe hedeehe taulo Isirai̒lu tunggula pulitio tio bilinasa.

MONGO HAKIMU 4:4

Tomaasa boito taatau̒-tau̒wa to Isirai̒lu yito ngotaalio lonabi taabua tai̒lunte Debora, dile lei Lapidot.

BOHULO SEMUEL 2:1

Lapatao̒ ti Hana helodua̒, ualio mao̒, “Eeya lopo wengahei hilaa lo watotia; huhutuu-Lio loo̒sanangi jiwa lo watotia. Wolo laasa sanangi tutu hilenteo̒ watotia musu lo watotia, sababu otu-otutuulo mao̒ Allahu Taa̒ala malo tulungi olo watotia.