MONGO HAKIMU 4:23 - KITABI HABARI MOPIOHE

²³ Todulahee boito Eeya longohi mai totaulo Isirai̒lu loo̒haama to olei Yabin, olongia taulo Kanaa̒n.

MONGO HAKIMU 4:23 Iomraidhean Croise

BOHULO TAWARI 22:18

Ualio mao̒, “Eeya Allahu Taa̒ala limongoli malo tulungi mai olimongoli, wau longohi mai dame wau oduo̒oto to ngoilanggubu lipu. Eeya malo poluasi mai olau̒ lopoo̒laaheo̒ ngoa̒amila bangusa tamuloololio mai hibiluloa̒wa tolipu botie. Botia timongolio taa̒aluku olemu wau ode Eeya.

NEHEMIA 9:24

Wali mai limongolio helo poo̒laaheo̒ huta lo Kanaa̒n; ulipu mola teto hepilopo taa̒luku lo Eeya. Umati lo Eeya yilohia lo Eeya kawasa helohutu toonula otohilaalio to babaa-ngusawalo Kanaa̒n wau mongo olongialio.

JABURU 18:39

Pilobanti lowatotia timongolio tunggula diilalo loo̒ bongu, timongolio heleelei balata diilalo o lotolo totalu lo oa̒ato watotia.

JABURU 18:47

Eeya tumutumulo! Ilopujialo mola tamooduulua olau̒! Pou̒daa̒alo mola odudaa̒ lo Allahu Taa̒ala tahe lopoa̒ahu olau̒!

JABURU 47:3

Sababu Eeya Taa Laba-labaalo molanggato yito moo̒tihela hapato, Olongia Udaa̒ tamongawasa ngoilanggubu dunia.

JABURU 81:14

Aa, humayaalio umati-U̒ ohilaa modungohe ola-U̒, humayaalio timongolio ohilaa modungohe to ola-U̒,

1 KORINTUS 15:28

Bo lapatao̒ ngoa̒amilalo pilo taa̒luku-Lio to walungo palenta li Almasi, yi Tio lohihilao, deu̒ito-yito Walao̒ Allahu Taa̒ala, mamopo taa̒luku batanga-Lio to Allahu Taa̒ala tamalo powali mai totoonulalo hitua-tuawua taa̒luku to o-Lio. Yi Allahu Taa̒ala lohihilao olo mamomalenta ngoa̒amilalo.

IBRANI 11:33

Sababu o iimani, yi timongolio malo poo̒laaheo̒ totoonulalo bele biluloa̒ saaha li olongia. Timongolio lohutu wolo u otutu, tilinggula lololimo wolo upilo danti mai lo Allahu Taa̒ala. Timongolio loheu̒to tutung-gilowalo singa,

MONGO HAKIMU 4:22

Tou̒ tei Barak lonao̒ mai mololohe olei Sisera, ti Yael lolutulao̒ olei Barak wau loloi̒ya mao̒ olio, “Dulo, wau̒ mamopo bilohei olemu taa u helolohumu boito.” Tei Barak tilumuwotao̒ woli Yael, lapatao̒ loo̒onto olei Sisera mailate, leibalata tohuta wolo patoo̒ lokema leilantongo todelomo pambilingalio.

MONGO HAKIMU 4:24

Ti olongia boito helebe hihiiheo mao̒ helebe hedeehe taulo Isirai̒lu tunggula pulitio tio bilinasa.