MONGO HAKIMU 4:20 - KITABI HABARI MOPIOHE

²⁰ Lapatao̒ tei Sisera loloi̒ya mao̒ odeli Yael, “Ponao̒lo mota timihulao̒ totalu huhebu lokema. Wonu tau monao̒ mai wau mohintu mao̒ olemu wolo woluo tau tewe, polelea mao̒ diaaluo.”

MONGO HAKIMU 4:20 Iomraidhean Croise

OLUO LO SAMUEL 17:20

Tau-tauwalo tahe ilahula lei Absalom lonao̒ mai ode bele boito wau malohintu mao̒ ode taabua engonti, “Tou̒toonu tei Ahimaas wolei Yonatan?” “Timongolio boheli lobalanga mota dutulaa,” tametio mao̒. Timongolio hemololoohe tabohulotau duulota boito, bo diila ilodungga limongolio, lapatao̒ timongolio malo hualinga ode Yerusalemu.

MONGO HAKIMU 4:19

Ualei Sisera odeli Yael, “Tulungia mai taluhee ngoi̒di olau̒ u yilumolo; wau̒ motoa̒ango.” Yi ti Yael malo muo̒ bututu lowalito, tambati hepolahuala susu, tulusi longohi mao̒ minumani odelei Sisera, lapatao̒ luli lolau̒beo̒ wolo kaingi podehu.

MONGO HAKIMU 4:21

Tei Sisera odito wongolio tilinggula tio modiduto daa̒ tulusi leinuloto. Ti Yael lohama mao̒ duuduo̒ tuwau wau patoa̒a ngoputu ode kema, tulusi wolo poo̒-poo̒oyo tio lohimbideo̒ olei Sisera. Lapatao̒ tio lopo lantongao̒ patoa̒a boito ode delomo pambilingalio tunggula lolaapata ode huta. Odi-odieelo mola ti Yael lomate olei Sisera yila-yilateelo mao̒.