MONGO HAKIMU 4:16 - KITABI HABARI MOPIOHE

¹⁶ Tei Barak malo hilapita kakaa-letaalo popaatea wau pasuukani lomusu boito demola Haroset-Hagoyim lapatao̒ pasuukani lei Sisera boito hepilatelio yila-yilateelo mao̒; diaaluo penu boli ngotaa mao̒ tailulia hitumula.

MONGO HAKIMU 4:16 Iomraidhean Croise

JABURU 104:35

Huliaalo mao̒ taa odusa mooli monto talu lodunia, huliaalo mao̒ taa moleeto mopulito binasa. Pojiaalo mola Eeya, wuu jiwa lowatia! Pojiaalo mola Eeya!

JABURU 83:10

Pohutuwalo timongolio debo odelo taulo Midian, debo odelo olei Sisera wolei Yabin to Dutulaa Kisyon,

JABURU 83:9

Wau olo Asyuru malo panggala woli mongolio, taa ulowali aalati lotaa wewo u momantu wali mai lei Lot.

PILOTIMUA̒TA 14:28

Taluhu deheto luli longuli mai wau malo lau̒ubeo̒ kakaa-letaalo, jojoo-kiyaalo, wau ngoa̒amila suludadu lo Masiri tahemo hilapita taulo Isirai̒lu ode huungo deheto, tilinggula timongolio ngoa̒amila yilate.

YESAYA 43:17

Eeya lopoa̒hu suludadu wau mongo polowilalio lopaatea, wau timongolio lomaju wolo kaleta owadala. Bo timongolio lodehu, diilalo loo̒ bongu, timongolio yilate debo odelo tumbu u yilate.

ROMA 2:12

Tau-tauwalo bangusa wewo ilodusa lou̒ diila motota butoo̒ agama lo Yahudi. Oditolio timongolio hukuu-maniyalo to bulemengo lobutoo̒ boito. Bo tau-tauwalo Yahudi ilodusa tou̒ mai̒lotaawa limongolio butoo̒ boito; sababu uito timongolio mapohilelio wolo moo̒ohuu̒ olo dadaasali tobutoo̒ boito.

YAKOBUS 2:13

Sababu Allahu Taa̒ala diila tamopo bilohei odehu hilao ode taa udiila motota modehu hilao. Bo modehu hilao lebe molotolo wolo hukuumani.

YOSUA 10:10

Eeya helohutu mao̒ tau-tauwalo Amori mailoohe tou̒ loo̒onto suludadu lo Isirai̒lu. Dadaata taulo Amori pilatelio yila-yilateelo mao̒ to Gibeon, wau tadonggo hitumula yililapitalio mota lotuhuto binggi lohui̒dee to Bet-Horon demola ngoilaminga Ajeka wau Makeda to ambahu huliaalio.

YOSUA 11:8

Wau Eeya helohutu umati lo Isirai̒lu loo̒haama toli mongolio. Taulo Isirai̒lu loluhu wau helo hilapita olimongolio demola ngoilaminga lo Misrepot-Maim wau Sidon to ambahu tilayo, wau ngoilaminga lo Lumbaya Mispa to ambahu tiimuru. Popaatea tulusi wali-walihuhu dilumutu diaaluo penu boli ngotaa mao̒ lonto musu tai̒lo labita – ngoa̒amilalo yilate.

MONGO HAKIMU 4:17

Sambela uito tei Sisera maa tilumetea̒ ode kema li Yael, dile lei Heber, taulo Keni boito. Sababu ti Olongia Yabin lonto Hajor sasaa-haabatia wolo kaumu ngaalaa̒ lei Heber boito.

MONGO HAKIMU 4:2

Yi Eeya lopoluli mao̒ olimongolio ilolaahe lei Yabin, olongia lo Kanaa̒n tahulo huloa̒ tokota lo Hajor. Eyanggu hilaide lo popaatealio yito tei Sisera tabilu-biluloa̒ to Haroset-Hagoyim.