MONGO HAKIMU 4:13 - KITABI HABARI MOPIOHE

¹³ tio malo himoa̒i tio lohetuto kaleta lo popaatealio ulonto wate boito, pee̒-pee̒enta wolo ngoa̒amila pasuukanilio tulusi lodelo olimongolio lonto Haroset-Hagoyim ode Dutula Kison.

MONGO HAKIMU 4:13 Iomraidhean Croise

BOHULO MONGO OLONGIA 18:40

Yi maloloi̒ya tei Elia, “Wau̒upa mao̒ mongo nabi lo Baal boito! Diila mao̒ polulia penu boli ngotaa mao̒ tamoo̒lahi!” Lapatao̒ tau-tauwalo helo heu̒upa mongo nabi lo Baal boito, tulusi tei Elia malodelo mola olimongolio ode Dutulaa Kison wau mola teto tio helomate olimongolio yila-yilateelo mao̒ ngoa̒amilalo.

YOSUA 17:16

Wali mai lei Yusu boito lolametao̒, “Madala hihui̒-hui̒dea boito diila motuuheta to olamiaatia, hiambola bangusa lo Kanaa̒n tahi biluloa̒wa to dadaa-tahuwaalo moopa o kakaa-letaalo popaatea lonto wate – mopio timongolio tahi bilulioa̒wa to Bet-Sean wau kakaa-mbunguwalo topalitio, boli timongolio tahi biluloa̒wa to Lumbaya Yijreel.”

MONGO HAKIMU 4:12

Lolamemeta tou̒ tei Sisera loo̒dungohe deu̒ tei Barak malonao̒ mola ode Hui̒dee Tabor,

MONGO HAKIMU 4:7

De Wau̒ mohutu mao̒ olei Sisera, eyanggu lo popaatea lei Yabin, monao̒ mai ode limongoli to Dutulaa Kison wolo suludadulio wau kakaa-letaalo popaatealio u moluhu olimongoli. Bo Wau̒ mamongohi olimongoli moo̒haama todelomo popaatea boito.’ ”

MONGO HAKIMU 5:19

To Taanakh, membideo̒ lodutula to Megido, mongo olongia hemopaatea, mongo olongia lo Kanaa̒n hemohipate, bo diaaluo talaa̒ udilelo limongolio odelo yilambato.