MONGO HAKIMU 4:11 - KITABI HABARI MOPIOHE

¹¹ Tou̒ boito tei Heber, ngotaalio lo Keni, malo pohalaheo̒ batanga lonto bangusaalio. (Bangusa Keni yito wali lei Hobab, wipahee Musa.) Tei Heber malonao̒ helo pohuli kekee-maalio totili bubuu-ngowaalo ayu terpentin to Jaanaim, diila molaminga monto Kedes.

MONGO HAKIMU 4:11 Iomraidhean Croise

PILOTIMUA̒TA 18:1

Tei Yitro moluhengo lei Musa, iimamu to Midian, loo̒dungohu pasali lo totoonulalo u hekilalaja lo Allahu Taa̒ala odelei Musa wau bangusa lo Isirai̒lu, tou̒ tio lodelo olimongolio yilumualao̒ lonto Masiri.

PILOTIMUA̒TA 2:18

Tou̒ timongolio lohualinga mola, tipaapa limongolio malohintu, “Yilongola timongoli hua̒a lohualingai todulahee botie?”

PILOTIMUA̒TA 3:1

Tou̒ boito tei Musa hemo himbala hihii-mbawaalo wau babaa-tedeyalo lei Yitro, tiyamo moluhengio, iimamu tohuta lo Midian. Tou̒ tio donggo hemo lanengo bibiahio boito ode ngotuali lo huta udatahu wau luasi udelita, malei dungga tio to Hui̒de Sinai, hui̒de umantali.

YIA̒APO 10:29

Tei Musa loloi̒ya mao̒ ode wipahio, tei Hobab walae̒e Rehuel taulo Midian, “Ami mamonao̒ ode tambati umodudua̒ tahuda lo Eeya mawohi-Lio mai ode olami. Eeya malodanti mai u mopiohe ode taulo Isirai̒lu. Oditolio dudui̒lo mai, ami mamohutu mao̒ u mopiohe ode limongoli.”

YIA̒APO 10:32

Wonu yio̒ moduduo̒, yi totoonulalo umopiohe u pilohutu mai lo Eeya ode olami, mapohutuo lami olo ode limongoli.”

YIA̒APO 24:21

Todelomo polonaasa boito tei Bileam loo̒onto wali lei Kain, lapatao̒ lolapali mao̒ nubuati botie, “Tambati poti biluloa̒mu memangi motoheto, debo odelo beelea toitaato huludu botu.

YOSUA 19:33

Pilito sipatana limongolio tumulo mao̒ monto Helep, demola bungo lo ek to Ja-ananim, tulusi ode Adami-Nekeb, lapatao̒ ode Yabneel, demola Lakum, lapatao̒ lopulita to Dutulaa Yordan.

YOSUA 19:37

Kedes, Edrei, En-Hajor,

MONGO HAKIMU 1:16

Wali mai liyamo moluhengee Musa, deu̒yito-yito tau-tauwalo Keni, helo duduo̒ taulo Yehuda yilumualao̒ lonto Yerikho, kota lohuruma, wau lonao̒ mola ode madala u mohengu daa̒ to ambahu huliaalio lo Arad to Yehuda. Mola teto timongolio lotitatapu tohuungo bangusa lo Amalek.

MONGO HAKIMU 4:12

Lolamemeta tou̒ tei Sisera loo̒dungohe deu̒ tei Barak malonao̒ mola ode Hui̒dee Tabor,

MONGO HAKIMU 4:6

Tou̒ dulahee tuwau tio lopoa̒hu tau lotiangai olei Barak, walae̒e Abinoam, lonto kota Kedesi tomadala Naputali. Lapatao̒ tio loloi̒ya mao̒ odelei Barak, “Uti-utieelo palenta mai lo Eeya, Allahu Taa̒ala lo Isirai̒lu, olemu: ‘Ambua mao̒ mopulu lolihu lota mongo lolai̒ lonto suku Naputali wau Jebulon, wau delowalo mola timongolio ode Hui̒dee Tabor.

BOHULO SEMUEL 15:6

Tio olo malolao mola tahuli poe̒ela ode taulo Keni ualio mao̒, “Ponao̒lo wau tolailo mao̒ taulo Amalek, alihu timongoli diila tamei tuwoto pobinaasa limongolio, sababu muloololio mai loluuhurumu malo pobiloheo̒ siikapu u losahaabatia to taulo Isirai̒lu tou̒ taulo Isirai̒lu leidungga mai lonto Masiri.” Yi malonao̒lo taulo Keni lonteto.

BOHULO SEMUEL 27:10

Wonu tei Akhis mohintu mao̒ olio, “Tou̒toonu u hetiluhu limongoli pee̒enta botie?” Yi tei Dauda molametao̒ olio deu̒ tio malonao̒ ode wimbihu huliaalio lo Yehuda meaalo ode madala lotau Yerahmeel meaalo ode madala tambati biluloa̒ taulo Keni.