MONGO HAKIMU 3:9 - KITABI HABARI MOPIOHE

⁹ Lapatao̒ umati lo Isirai̒lu helo ngiibode lei̒ tulungi to Eeya, tulusi Eeya longohi mai olei Otniel u lopo lopata olimongolio. (Tei Otniel yito walao̒ lonto Kenas, tawali-yali lei Kale.)

MONGO HAKIMU 3:9 Iomraidhean Croise

NEHEMIA 9:27

yi yiludu mao̒ lo Eeya timongolio ode musulio tawolo diila omanusia helo ngaawasa wau lodeehe olio. Bo todelomo osuusa u helo dutonga, timongolio helo ngiibode ode Eeya lei̒ tulungi mai. Lonto sologa Eeya helo dungohe; wolo polupolu loponu Eeya lolametai. Yilao mai lo Eeya tau̒wa wau tamoohipatea tamolotolo buheli talo pobebasi olimongolio lonto laawani.

JABURU 22:5

Nenemoya lo mongowatotia helo haarapu mola to Eeya, timongolio helo haarapu, wau Eeya lopoa̒ahu mai olimongolio.

JABURU 78:34

Timii̒du Allahu Taa̒ala momate mateelo mao̒ dengolo lota towolota limongolio, tawewo helolee̒e wau luli lohualinga ode Eeya.

YOSUA 15:17

Tei Otniel, walao̒ lowutato taabua lei Kale ilunte Kenas, malohama kota boito; yi tei Kale lohudu mao̒ oli Akhsa, walai̒o, lowali dile lei Otniel.

MONGO HAKIMU 1:13

Tei Otniel, walao̒ monto tawali-yali lei Kale tai̒lunte Kenas, lohama kota boito. Yi tei Kale lohudu mao̒ oli Akhsa, walai̒o, lowali dile lei Otniel.

MONGO HAKIMU 10:10

Lapatao̒ umati lo Isirai̒lu helo ngiibodu mola ode Eeya, ualio mao̒, “Mongowatotia mailodusa to Eeya, mongowatotia diila lomandungi to Eeya, oo Allahu Taa̒ala lo mongowatotia. Mongowatotia helolubo bubuu-iyaalo Baal.”

MONGO HAKIMU 2:16

Wuwuulia Eeya longohi mao̒ ode limongolio tau̒wa tahelo hipate u molopata olimongolio monto polemboa̒ tamoo-lambata.

MONGO HAKIMU 2:18

Wonu bolo Eeya mongohi mai tau̒wa ngota ode bangusa lo Isirai̒lu, Eeya laito hemo tulungi mao̒ tau̒wa boito. Wau ngotilonggadu tau̒wa boito donggo tumutumulo, Eeya laito hemo lopata olimongolio monto mumuu-suuwaalo limongolio. Tio momonu olimongolio wonu bolo odungohe-Lio timongolio hiwuwaatia̒ longongoto sababu alinaya wau hedeehelio.

MONGO HAKIMU 3:15

Bo tou̒ umati lo Isirai̒lu helo ngiibode lei̒ tulungi to Eeya, Tio longohi mai olei Ehud u lopo lopato olimongolio. Tei Ehud ngotaalio taa̒hingo; tio walae̒e Gera lonto suku Benyamin, wau tiolo tabiasaalio hemo depitao̒ odeli Olongia Eglon doi hulawa wau uwewolio uwajibu pomayali lo umati Isirai̒lu.

MONGO HAKIMU 3:8

Yi Eeya malo muluka to umati lo Isirai̒lu, wau helo poluli mao̒ ilolaahe li Olongia Kusyan-Risyataim lonto Mesopotamia. Walu lotaunu mola ti olongia boito helo ngawaasa olimongolio.

MONGO HAKIMU 4:3

Tei Yabin okaleta lo popaatea tio lohetuto lonto wate. Dulo pulu lotaunu mola tio helo ngawaasa taulo Isirai̒lu lou̒ diila omanusia. Lapatao̒ timongolio malo ngiibode lei̒ tulungi mai to Eeya.

MONGO HAKIMU 6:7

Lapatao̒ umati lo Isirai̒lu helo ngiibode ode Eeya lei̒ tulungi mai toli mongolio u moluwali taulo Midian.

BOHULO SEMUEL 12:10

Lapatao̒ timongolio helodua̒ mola ode Eeya wau lotolongaku dusa limongolio; uali mongolio mao̒, ‘Mongowatotia mailodusa sababu helohei lonto Eeya, yaa Eeya wau helolubo bubuu-iyaalo Dewa Baal wau Asytoret. Bo, botia, poa̒ahuwalo mai mongowatotia monto musu lo mongowatotia, yi mongowatotia mamotiwato to Eeya!’