MONGO HAKIMU 3:8 - KITABI HABARI MOPIOHE

⁸ Yi Eeya malo muluka to umati lo Isirai̒lu, wau helo poluli mao̒ ilolaahe li Olongia Kusyan-Risyataim lonto Mesopotamia. Walu lotaunu mola ti olongia boito helo ngawaasa olimongolio.

MONGO HAKIMU 3:8 Iomraidhean Croise

ILOOWALI 24:10

Wato boito malohama unta mopulu wau balangi hidala-dalaala u ohalaga miliki li tuanilio wau lomonggato ode kota tambati pilo tibiluloa̒ lei Nahor tou̒ tio donggo tumu-tumulo; dudutuulio to tilayo lo Mesopotamia.

JABURU 106:41

Yi yiludu lo Eeya timongolio ode babaa-ngusawalo, pilopoluli lo Eeya timongolio kiluwaasa lomusu.

JABURU 129:1

Lahu jiara. Isirai̒lu, poleleaalo mai woloolo mola yio̒ ilalinaaya lomusu tumulalo mai yio̒ donggo humula.

JABURU 44:12

Piloluli lo Eeya amiaatia tilambalolio debo odelo himba, wau hepilo bubuua̒lawa lo Eeya amiaatia towolota lo babaa-ngusawalo.

JABURU 6:1

Duo̒lo diriheni lopolemboa̒ tamoolahua. Wolo yiyitohu kocapi. Lodudua̒a lahu owalulio. Jaburu lei Dauda.

JABURU 85:3

Eeya malo ngambungu mai duduu-sawaalo umati lo Eeya; hemilaa̒apu lo Eeya totoonulalo totalaalio.

PILOTIMUA̒TA 22:24

Wau̒ mamoluka mai wau momate mateelo mao̒ olimongolio todelomo popaatea, tilinggula mongo dile limongoli mowali janda, wau mongo walau̒mu mowali didu otiyamo.

YESAYA 50:1

Eeya lotahuda mai ode Isirai̒lu, “Wuu umati-U̒ Isirai̒lu, to lantobumu Wau̒ lopolontulo olemu debo odelo ngotaalio lodile talolai̒ lopolontulo dilelio? Wonu odito, tou̒toonu tuladu talakilio? To lantobumu Wau̒ lopotali olemu, debo odelo tiyamo ngota lopotali lowalai̒o ode tamootagia biloli? Diila! Yio̒ tilawolo wau pilolayahu, sababu dusa wau ololeetumu lohihilao!

IMAAMATI 26:17

Timongoli mahukuu-maniyo-U̒, tilinggula timongoli olaahe lo mumuu-suwaalo limongoli wau kawasaalio lotau-tauwalo tamolonui̒ mongoli. Timongoli mamowali moohe daa̒ tilinggula tumeteo̒, penu boli diaaluo tamo henelo.

HABAKU 3:7

Iloontonga lowatotia ulipu lo Kusyan ilodungga lo woohe, wau taulo Midian hulu-huluhelio.

ROMA 7:14

Otaawanto deu̒ butoo̒ agama lo Yahudi bungolio mai monto Rohullah; bo watia botie manusia diila okawasa. Watia mapilotali lowali wato lodusa.

TINGULI 29:20

Eeya diila tamo ngambungu mai taa u debo odelo uito. Boliio̒ mao̒, tio mao̒tuhata lo omuluka lo Eeya uwali-walihuhu, wau totoonulalo baala utula-tuladee todelomo buku botie mamotoduo mai to olio, tunggula tio pobinasaa mao̒ lo Eeya.

TINGULI 32:30

Woloolo mola ngotaalio mowali mohilapita tangolihu lota, wau duulota mohilapita tamopulu lihu lota? Eeya, Allahu Taa̒ala limongolio, malo potali olimongolio; timongolio matolaa lo Allahu Taa̒ala tamolotolo boli buheli.

MONGO HAKIMU 2:20

Sababu uito Eeya luluka daa̒ to umati lo Isirai̒lu, wau lotahuda, “Wau̒ malo malentao̒ oli nenemoya lobangusa botie alihu modihu mao̒ daantia towolota-U̒ woli mongolio. Bo bangusa botie lomunto buuhuta danti boito; timongolio helo lambanga palentaa-U̒.

MONGO HAKIMU 3:10

Rohu lo Eeya helo ngawaasa olei Otniel tilinggula tio lowali tau̒wa umati lo Isirai̒lu. Tio mota lopaatea, tulusi Eeya helo poo̒haama olio toli olongia lo Mesopotamia.

MONGO HAKIMU 3:7

Umati lo Isirai̒lu ilodusa to Eeya, Allahu Taa̒ala limongolio. Timongolio helo malonga Olio, tilinggula timongolio malo ibaadati to babaa-laahalaalo Baal wau Asyera.

MONGO HAKIMU 3:9

Lapatao̒ umati lo Isirai̒lu helo ngiibode lei̒ tulungi to Eeya, tulusi Eeya longohi mai olei Otniel u lopo lopata olimongolio. (Tei Otniel yito walao̒ lonto Kenas, tawali-yali lei Kale.)

MONGO HAKIMU 4:9

Ti Debora lolametao̒, “Ooo̒, wau̒ mamoduduo̒! Bo eelai mao̒, diila yio̒ tadee moo̒tapu mai hulumati. Motimbulude totaabua ngotaalo wambao̒ Eeya mamopo olaaheo̒ olei Sisera.” Yi malo monggatolo ti Debora wolei Barak ode Kedes.

BOHULO SEMUEL 12:9

Bo lapatao̒ timongolio helo lipata to Eeya, Allahu Taa̒ala limongolio, sababu uito Eeya malo poluli mao̒ olimongolio hetiluhu wau ilolaahe lei Sisera, eyaanggu lo suludadu to Hajor, wau lotau Pilistin boli olongia lo Moab.