MONGO HAKIMU 3:4 - KITABI HABARI MOPIOHE

⁴ Timongolio woluo mola teto u mowali odelo botu potesiyalo duo̒lo bangusa lo Isirai̒lu. Lou̒ odito mamowali otaawa wolo bangusa lo Isirai̒lu modudua̒ papaa-lentawalo umailohi mai lo Eeya odeli nenemoya limongolio lotimbulude olei Musa.

MONGO HAKIMU 3:4 Iomraidhean Croise

PILOTIMUA̒TA 15:25

Tei Musa malodua̒ wolo tio̒otutua ode Eeya, lapatao̒ Eeya malopo bilohei olio ayu ngoputu. Ayu boito pilomahula mola lei Musa ode delomo taluhu, lapatao̒ taluhu boito lowali ilolamita, tilinggula lowali yililumo. To tambati boito Eeya longohi mai wuwuu-uduwaalo ode limongolio, wau mota teto olo Tio helo himontala olimongolio.

1 KORINTUS 11:19

Memangi mapatutilio tumoodei sua̒li mobubuua̒la towolota limongoli, alihu de oontonga tatoonu-toonu taulo Nasara pulua.

TINGULI 33:8

Pasali losuku Lewi tio loloi̒ya mao̒: “Wolo Urim wau Tumim pilopo ilalo Eeya kahandaki lo Eeya, lotimbulude to taulo Lewi wato lo Eeya tadebo molotolo hilao. Eeya malo himontala olimongolio to Masa, wau lobaatata woli mongolio tobutu lotaluhu Meriba.

TINGULI 8:2

Eelai mola! Wopato pulu lotaunu hiheolio Eeya Allahu Taa̒ala limongoli lodelo olimongoli todelomo nonao̒ molaminga lolibaya tohuta luasi udelita. Nonao̒ boito milakusudu lo Eeya u mohimontala olimongoli, alihu Tio mowali moo̒onto mao̒ wolo ubuhu-buhulo todelomo hilaa limongoli wau wolo timongoli mamodungoheo̒ totoonulalo palentaa-Lio.

MONGO HAKIMU 2:22

Wau̒ mamopohuna babaa-ngusawalo boito u motesi bangusa lo Isirai̒lu, alihu otaawa-U̒ wolo umati lo Isirai̒lu mohuto modudua̒ palentaa-U̒ debo odelo tinene moya limongolio, meealo diila.”

MONGO HAKIMU 3:1

U motesi tau-tauwalo Isirai̒lu tadiila pee̒enta mao̒ heloo̒ laasa popaatea to Kanaa̒n, Eeya lopoluli mao̒ demohelu ngoolo bangusa lotibiluloa̒ tolipu boito.