MONGO HAKIMU 3:28 - KITABI HABARI MOPIOHE

²⁸ “Dudui̒ mai watia,” ualio mao̒ olimongolio, “Eeya malo poo̒laaheo̒ tau-tauwalo Moab, musu limongoli boito ode limongoli.” Yi to tau̒wa lei Ehud, malo tuhuta mola tau-tauwalo Isirai̒lu boito lonto hihui̒-hui̒dea. Timongolio malohama tambati pobalanga taulo Moab to Dutulaa Yordan. Diaaluo penu boli ngotaa mao̒ lomusu boito yilulialio loa̒ahu lobalango.

MONGO HAKIMU 3:28 Iomraidhean Croise

BOHULO MONGO OLONGIA 20:21

Ti Olongia Ahab olo pee̒-pee̒enta ode tambati lo popaatea lapatao̒ helo poa̒antulu mao̒ kakaa-letaala lo popaatea wau helomate yila-yilateelo mao̒ wawaa-dalaalio. Todulahee boito taulo Siria he ilolaahelio laba-labaalo.

YOSUA 2:7

Yi malo monggato mongo utolia li olongia boito lololaa mao̒ kota. Tou̒ timongolio mato bulemengio, hulubangi lokota hileu̒talio. Yiloloohi mongolio tatilugasia motulete lou̒ poo̒-poo̒oyo taduulota boito demola tambati pobalangalo to Dutulaa Yordan.

MONGO HAKIMU 10:11

Eeya lolametai, “Omoo̒omolu timongoli hekiluwasa wau hepilalenta lo bangusa Masiri, Amori, Amon, Filistin, Sidon, Amalek wau bangusa Maon. Lapatao̒ tou̒ boito timongoli helo ngiibodu lei̒ tulungi ola-U̒ diila odito? Nte eelaimola wolo Wau̒ diila lopoa̒ahu olimongoli lonto okokawasa limongolio?

MONGO HAKIMU 12:5

Tau-tauwalo Gilead tadonggo hemopaatea boito, helo ngawaasa tataa-mbatiyalo pobalangalo to Dutulaa Yordan, alihu timongolio moo̒ bubulao̒ tau-tauwalo Epraim tao̒hilaa tumeteo̒. Tou̒ ngotaalio lo Epraim, tao̒hilaa mopolahi batanga, lohile luasi u mobalango, yi taulo Gilead helohintu olio, “Wolo yio̒ taulo Epraim?” Wonu tio molametao̒ “Diila,”

MONGO HAKIMU 3:29

Todelomo polotuhua boito timongolio helomate yila-yilateelo mao̒ tanu mopulu lolihu lota suludadu lo Moab talaba-labaalo mopiohe; diaaluo taloo̒lahi.

MONGO HAKIMU 4:10

Wau tei Barak longambu mai suku Jebulon wau Naputali ode Kedes. Talo dudua̒ olei Barak woli Debora tou̒ boito mupulu lolihu lota.

MONGO HAKIMU 7:14

Sahabatilio lolametao̒, “Waa, uito tantuulo mao̒ wamilo lei Gideon walae̒e Yoas, taulo Isirai̒lu boito! Boliilio mao̒ Allahu Taa̒ala malongohi olio loo̒haama to taulo Midian wau ngoilanggubu diti lo popaa-teaanto!”

MONGO HAKIMU 7:15

Tou̒ tei Gideon loo̒dungohe pasali tohiilopo lotau boito wau boliilio, yi tio olo losujudulo mola lolubo to Allahu Taa̒ala. Lapatao̒ tio luli lohualinga ode kema lo Isirai̒lu wau loloi̒ya mao̒, “Potidapa-dapatolo! Eeya mamongohi mai olemu u moo̒haama toditi lopopaatea lo Midian.”

MONGO HAKIMU 7:17

Ualei Gideon ode limongolio, “Wonu watia meidungga mola ode sipatana pilo tikemawa taulo Midian, poo̒tuoti mao̒ watia tio̒otutua, wau pohutuwalo wolo u pilohutu lowatia.

MONGO HAKIMU 7:24

Wau olo ode ngoilanggubu madala hihui̒-hui̒dea lo Epraim, tei Gideon helolao habari lo titiyango botie, “Dulo polaahei moluhu taulo Midian. Polo tahangiyalo Dutulaa Yordan wau ngoa̒amila walao̒ dutulaa demola ngoilamingo Bet-Bara. Diila mao̒ polulia taulo Midian mobalanga mola monteeto mai.” Yi tau-tauwalo Epraim olo ilambulio, tulusi timongolio lotolo mintengi Dutulaa Yordan wau ngoa̒amila walao̒ dutulaa demola ngoilamingo Bet-Bara.

MONGO HAKIMU 7:9

Tohui boito Eeya lotahuda mai odelei Gideon, “Bongulo, Gideon! Ponao̒lo moluhu pilo tikemawa taulo Midian. Wau̒ mongohi olemu u moo̒ohaama olemu toli mongolio.

BOHULO SEMUEL 17:47

wau ngoa̒amila taa tewe mamoo̒onto deu̒ Eeya diila momalalu wamilo wau totobuo̒ u mopoa̒ahu umati-Lio. Tiolo tamolantu mai dalalo popaatea botie wau Tio mamohudu olimongoli ode delomo uluu̒ lami.”