MONGO HAKIMU 3:27 - KITABI HABARI MOPIOHE

²⁷ Lolamemeta tou̒ leidungga mola odelipu hihui̒-hui̒dea lo Epraim, tio malohiipa torompeti u lotingai taulo Isirai̒lu motuuhua. Timongolio lonao̒ mai lapatao̒ tio malodelo olimongolio lotuhuta mola lonto madala hihui̒-hui̒dea boito.

MONGO HAKIMU 3:27 Iomraidhean Croise

OLUO LO SAMUEL 20:22

Lapatao̒ malonao̒lo tio wau wolo totaalio helopo tunggulao̒ patujuulio ode ulipu lokota boito. Lapatao̒ uito lunggongee Seba tilimadelio wau pilomahulio odelei Yoab. Lapatao̒ tei Yoab malohiipa mola torompeti wau tahidudua̒ olio lololaa mao̒ kota boito tulusi lohualinga ode belelio ngota-ngota. Tei Yoab olo malo hualinga ode Yerusalemu mola lotaalua woli olongia.

OLUO MONGO OLONGIA 9:13

Lolamemeta mongo tamani lei Yehu helo lopato jumba limongolio wau lomua̒adeo̒ to tutuua̒du totalu lei Yehu. Lapatao̒ timongolio lohiipa mola torompeti wau longuatio̒, “Tei Yehu olongia!”

NEHEMIA 4:14

Tou̒ iloontongau̒ mao̒ deu̒ ulipu mailoohe, yi wau̒ loloi̒ya mao̒ olimongolio wau ode tahimuloa lo ulipu wau mongo tau̒wa, “Diilo mao̒ oohe tomusu! Eelailo mola to Eeya tamolotolo wau polupolutuo̒, wau pohipateelo ode mongo wutatumu, tau̒ kekeei̒, dilebua wau belemu!”

YOSUA 17:15

Tei Yosua lolametao̒, “Sababu timongoli mailaba daatalio, wau madala hihui̒-hui̒dea lo Epraim meepito daa̒ ode limongoli, ponao̒lo mota ode madala taulo Peris wau Repaim. Pomuo̒lo tataa-mbatiyalo bohu to oa̒a-oa̒ayuwalo limongolio boito.”

YOSUA 17:18

Hamawaalo madala hihui̒-hui̒dea, sababu eleponu madala boito donggo oa̒ayua, mowali huo̒o limongoli madala boito wau motolo miliki mao̒ ngoa̒amilalo. Wau tomimbihu tau-tauwalo Kanaa̒n boito, timongoli mowali mopolahi olimongoli, eleponu timongolio hilootola wau o kakaa-retaalo popaatea lonto wate.”

MONGO HAKIMU 10:1

Lapatao̒ tei Abimelekh yilate mao̒, tei Tola walae̒e Pua, lowali tau̒wa u lopo lopato taulo Isirai̒lu. Tio yito woombu lei Dodo lonto suku Isakhar. Biluloa̒lio to Samir tolipu hihui̒-hui̒dea lo Epraim.

MONGO HAKIMU 17:1

Woluo talolai̒ ngota tai̒lunte Mikha. Tio bilu-biluloa̒ tomadala hihui̒-hui̒dea tomadala lo Epraim.

MONGO HAKIMU 19:1

Tou̒ Isirai̒lu diipo o olongia, woluo ngotaalio lo Lewi tabilu-biluloa̒ tokambungu, tomadala hihui̒-hui̒dea lo Epraim. Tio malohama taabua ngota lonto Betlehemu Yehuda lowali pipiaalio.

MONGO HAKIMU 3:26

Tou̒ timongolio donggo hipohimaawa, tei Ehud malo polahi batanga ode Seira loli boboo-tuwaalo u hiu̒ukilia.

MONGO HAKIMU 5:14

Timongolio lonao̒ lonto Epraim ode lumbaya, lodudua̒ pasuukani lei Benyamin tahi baarisia totalu limongolio. Lonto Makhir malonao̒ mai mongo eyanggu, wau lonto Jebulon tilimihulo mongo polowila.

MONGO HAKIMU 6:34

Bo tei Gideon kiluwaasa Rohullah, tilinggula tio malohiipa mola torompeti u lotiangai tau-tauwalo kaumu Abiejer alihu mopanggala wolio.

MONGO HAKIMU 7:24

Wau olo ode ngoilanggubu madala hihui̒-hui̒dea lo Epraim, tei Gideon helolao habari lo titiyango botie, “Dulo polaahei moluhu taulo Midian. Polo tahangiyalo Dutulaa Yordan wau ngoa̒amila walao̒ dutulaa demola ngoilamingo Bet-Bara. Diila mao̒ polulia taulo Midian mobalanga mola monteeto mai.” Yi tau-tauwalo Epraim olo ilambulio, tulusi timongolio lotolo mintengi Dutulaa Yordan wau ngoa̒amila walao̒ dutulaa demola ngoilamingo Bet-Bara.

BOHULO SEMUEL 13:3

Lapatao̒ tei Yonatan lomate yila-yilateelo mao̒ eyaanggu lo Pilistin tato Gibea, wau bangusa lo Pilistin loo̒dungohe pasali losua̒li boito. Lapatao̒ tei Saul lei̒ potingohe mola torompeti to ngoilanggubu lipu u lotianga taulo Ibrani alihu momaju mopaatea.