MONGO HAKIMU 3:10 - KITABI HABARI MOPIOHE

¹⁰ Rohu lo Eeya helo ngawaasa olei Otniel tilinggula tio lowali tau̒wa umati lo Isirai̒lu. Tio mota lopaatea, tulusi Eeya helo poo̒haama olio toli olongia lo Mesopotamia.

MONGO HAKIMU 3:10 Iomraidhean Croise

BOHULO TAWARI 12:18

Tala ngotaa limongolio, deu̒yito-yito, tei Amasai, talapatio mao̒ lowali tau̒wa lo polemboa̒ u ilunte “Tolopulu Polowila”, kiluwaasa mai lo Rohullah tulusi loloi̒ya mao̒, “Dauda, walae̒e Isai! Ami momantu olemu! Pohileaala dua̒ yio̒ wau timongolio tahi pomaantua olemu ohaasili. Allahu Taa̒ala woluo to wimbihu olemu!” Yi tei Dauda malo lolimo olimongolio wau helo mudua̒a olimongolio lowali polowila todelomo hilaide lo popaatealio.

OLUO TAWARI 15:1

Rohullah longaawasa mai oli Nabi Ajarya walae̒e Oded,

OLUO TAWARI 20:14

To huungo lotaa dadaata boito woluo ngotaalio lo Lewi tai̒lunte Yahajiel. Tio walae̒e Jakaria, lonto kaumu Asap todelomo pilito lo wali mai lei Benaya, Yeiel, Matanya. To saaa̒ti boito tei Yahajiel kiluwaasa mai Rohu lo Eeya,

JABURU 51:11

Palingaalo mai baya lo Eeya monto duduu-sawaalo watotia, wau lulutaalo mai totoonulalo totala lowatotia.

YIA̒APO 11:17

Wau̒ mamolaahei wau motahuda olemu totambati boito, wau ngotayadu monto kawasa u mailohi-U̒ mai olemu, mawohi-U̒ mao̒ ode limongolio. Yi timongolio mamoo̒ bantu olemu momanta titihula tobangusa botie, wau diilalo palalu bantaamu lohihilao.

YIA̒APO 11:25

Lapatao̒ Eeya lolaahei todelomo heengo wau lotahuda odelei Musa. Eeya lohama ngotayadu kawasa u mailohi-Lio odelei Musa wau yiludu-Lio ode tau̒wa pitu lopulu lota boito. Tou̒ Rohullah boito lolaahei ode yitaati mongolio, yi malo ngiibodu timongolio debo odelo nabi, bo diila lohiheo.

YIA̒APO 11:29

Tei Musa malo lametao̒, “Yilongola yio̒ hemo mikiilangi olau̒? Wau̒ tumbao̒ mohalapu alihu Eeya mongohi mai Rohu-Lio ode ngoilanggubu bangusaa-Lio, wau mohutu mao̒ olimongolio ngoa̒amila mowali nabi!”

YIA̒APO 24:2

wau loo̒onto mota bangusa lo Isirai̒lu udonggo hemotikema todelomo hipole-polemboa̒wa loduduo̒ suku lo bangusaalio. Lapatao̒ Rohullah longawasa mai olei Bileam,

YIA̒APO 27:18

Tahuda mai lo Eeya odelei Musa, “Tianga mai tei Yosua, walae̒e Nun. Tio ngotaalio lo tamotoloo̒. Podutua mao̒ uluu̒mu toitaato lunggongio.

IBRANI 6:4

Sababu, tau-tauwalo tamaa lomaahe iimani, diila pongalo aakali muli deloolo. Timongolio omoo̒omolu mailoluo todelomo tilango lo Allahu Taa̒ala, wau mai̒lo laasawa limongolio wowohi-Lio. Timongolio olo malodudua̒ kiluwasa lo Rohullah.

MONGO HAKIMU 11:29

Lapatao̒ Rohullah longawasa mai olei Yepta. Yi malonao̒ tei Yepta lomilohe madala lo Gilead wau Manasye lapatao̒ luli lohualingo ode Mispa to Gilead. Lonteeto tio lopotolonga molalo nonao̒lio ode madala bangusa lo Amon.

MONGO HAKIMU 11:32

Lapatao̒ tei Yepta lobalango Dutulaa Yordan u loluhu taulo Amon, wau Eeya lopoo̒haama olio.

MONGO HAKIMU 13:25

wau tou̒ tio woluo tokema suku Dan, u dudutuulio to wolota lo Zora wau Esytaol, Rohullah malongohi lotolo to olio.

MONGO HAKIMU 14:19

Debolo tei Simson malo lotolo lomola wolo kawasa lo Eeya, lapatao̒ tio lonao̒ ode Askelon. Mola teto tio helomate yila-yilateelo mao̒ tolo pulu lota mongo lolai̒ tahipakea u mopiohu. Tio helohama pakeyangi limongolio boito wau longohi mao̒ ode tatolo pulu lota tamaa helolapu tokaa tokiilio boito. Lapatao̒ uito, tio lohualinga ode bele wolo hilao ulee̒lee̒e.

MONGO HAKIMU 14:6

wau debolo tei Simson malo lotolo lomola wolo kawasa lo Eeya. Lapatao̒ tio helo nganta-ngantangao̒ singa boito wolo uluu̒lio, debo odelo binatangi boito bo batade tuwau wambai̒o. Sua̒li boito diila yilunggulilio tomongo dulaa̒lio.

MONGO HAKIMU 15:14

Tou̒ tei Simson dilelolio demola Lehi, tau-tauwalo Pilistin tilumetea̒i ode olio wau helo hantia̒a olio. Debolo tio malowali lolotoolai wolo kawasa lo Eeya. Tataa-liyaalo u lomungu uluu̒lio hebiluntolio odito wambai̒o debo odelo tali boito tali u malopobu.

MONGO HAKIMU 3:11

Yi mai̒laamani lipu boito wopato pulu lotaunu mola hiheolio. Lapatao̒ tei Otniel yilate.

MONGO HAKIMU 3:8

Yi Eeya malo muluka to umati lo Isirai̒lu, wau helo poluli mao̒ ilolaahe li Olongia Kusyan-Risyataim lonto Mesopotamia. Walu lotaunu mola ti olongia boito helo ngawaasa olimongolio.

MONGO HAKIMU 6:34

Bo tei Gideon kiluwaasa Rohullah, tilinggula tio malohiipa mola torompeti u lotiangai tau-tauwalo kaumu Abiejer alihu mopanggala wolio.

BOHULO SEMUEL 10:10

Tou̒ tei Saul wau tamomayawa olio leidungga mola to Gibea, timongolio lodunggaya ngopolemboa̒ nabi. To saaa̒ti boitolo olo tei Saul kiluwaasa mai Rohullah, wau tio loduduo̒ helo ngelu-ngelungo wau wuwaatio̒ lo mongo nabi boito.

BOHULO SEMUEL 10:6

Tou boito olo yio̒ makaawasa mai Rohu lo Eeya wau yio̒ mamodudua̒ mongelu-ngelungo wau wuwaatii̒ mongolio boito, lapatao̒ yio̒ wohialio watade bohu tilinggula mowali manusia wewo.

BOHULO SEMUEL 11:6

Loo̒dungohe uito, tei Saul kiluwasa mao̒ lo Rohullah.

BOHULO SEMUEL 16:13

Lolamemeto tei Semuel lohama winulo jaitun boito wau lomudua̒ olei Dauda wolo upacala powinulo totalu lomongo hulangio. To saaa̒ti boitolo tei Dauda kiluwaasa mai Rohullah. Tumulalo mai todulahee boito wau lololaalaaita mola Rohu lo Eeya pee̒-pee̒enta wolio. Lapatao̒ malo hualingo tei Samuel ode Rama.