MONGO HAKIMU 21:5 - KITABI HABARI MOPIOHE

⁵ Lapatao̒ timongolio helo tulete susuu-kuwaalo bangusa lo Isirai̒lu wolo woluo tadiila lonao̒ lotia̒mbu helotaalua wolo Eeya to Mispa omoo̒omolu. (Tou̒ boito timongolio malo tadia deu̒ taa udiila modungohe titiango ode Mispa musi hukuu-maniyolo mate.)

MONGO HAKIMU 21:5 Iomraidhean Croise

YEREMIA 48:10

Malaa̒-laa̒anatilo taa u diila moponao̒ tuugasi monto Eeya wolo tio̒otutua. Malaa̒-laa̒anatilo tio tadiila momahuta wamilo wau momate-mateelo mao̒.

MONGO HAKIMU 21:1

Tou̒ taulo Isirai̒lu hia̒mbua to Mispa, timongolio malodanti ode Eeya deu̒ diaaluo penu boli ngotaa mao̒ lonto walai̒ mongolio mongo dulahu taluasialio mowali dile tau lei Benyamin.

MONGO HAKIMU 21:6

Umati lo Isirai̒lu helodehu hilao tomongo wutati mongolio suku Benyamin; timongolio malo loi̒ya, “To dulahee botie Isirai̒lu oolia tala tuwau losukulio.

MONGO HAKIMU 5:23

“Laa̒anatiyalo Meros, wau tahi tomelea todelomio,” ualo Malai̒kati lo Eeya “sababu timongolio diila lonao̒ mai helomantu odelo pahalawani tahemo hipate ode Eeya.”

BOHULO SEMUEL 11:7

Wolo nahutu daa̒ tio lohama mao̒ sapi mohelu duluo tulusi tila-tilambalio lowali dadaata olongio. Lapatao̒ oo̒o-longowalo boito heilaolio ode ngoilanggubu huta lo Isirai̒lu wolo palenta odie mola, “Tatoonu tadiila momaju mopaatea modudua̒ olei Saul wolei Semuel, yi sasaapilio mao̒lo-olongolo odie olo!” Bangusa lo Isirai̒lu moohe tou̒ wolo u otanu pohutuo mai lo Eeya, yi ngoa̒amila tau, diaaluo ngopohialio, lotidapato lomaju helo paatea pee̒-pee̒enta.

BOHULO SEMUEL 14:24

Todulahee boito tau-tauwalo Isirai̒lu owowoluwoalio molulupuhu, sababu hipolaanga, sababu tei Saul malotadia odie, “Malaa̒-laa̒anatilo taa u molamelao̒ penu boli wolo to dulahee botie tou̒ wau̒ diipo motuli mao̒ niyatiu̒ to musuuu̒.” Sababu uito diaaluo penu boli ngotaa mao̒ talo lamela ngotupa lodulahee boito.