MONGO HAKIMU 21:12 - KITABI HABARI MOPIOHE

¹² Yi towolota lotau-tauwalo tahi biluloa̒wa to Yabesh boito, timongolio loo̒dungga wopato hetuto lota tadonggo tadulahu. Timongolio malodelo mongo dulahu boito ode pilo tikema to Silo u dudutuulio tolipu lo Kanaa̒n.

MONGO HAKIMU 21:12 Iomraidhean Croise

JABURU 78:60

Eeya lololaa mao̒ kema lo Eeya to Silo, tambati biluloa̒ lo Eeya to wolota lo manusia.

YEREMIA 7:12

Ponao̒olo ode Silo, kota u muloololio mai maa tilulaotu-U̒ u lowali tambati potabiyaalo ode Olau̒. Bilohilo wolo u mapilohutu-U̒ to tambati boito sababu dusa lo umati-U̒ Isirai̒lu.

YOSUA 18:1

Lapatao̒ lopo taa̒aluku mao̒ madala u pilodanti mai lo Eeya, ngoilanggubu umati lo Isirai̒lu lotia̒mbu to Silo, lapatao̒ timongolio lopohuli Kema Owoluwoa lo Eeya.

MONGO HAKIMU 20:18

Suludadu umati lo Isirai̒lu boito lonao̒ mola ode tambati potabiyalo to Betel, wau helohintu ode Allahu Taa̒ala, “Yaa Eeya, ambunguolo suku toonu towolota lo mongowatotia tamusi bohu-bohulio mola moluhu tau lei Benyamin?” Eeya lotahuda mai, “Suku Yehuda.”

MONGO HAKIMU 21:11

Timongolio pilalentaalio helomate yila-yilateelo mao̒ ngoa̒amila mongo lolai̒, wau olo timii̒du mongobua tadiilalo tadulahu.

MONGO HAKIMU 21:13

Lapatao̒ ngoilanggubu umati lo Isirai̒lu helolao mola utolia ode tau-tauwalo lei Benyamin tawoluo to huhuu-iduwaalo botu to Rimon u lohile lodaamea.

MONGO HAKIMU 21:8

Yi timongolio helo tulete wolo woluo nopolemboa̒ lonto suku bangusa lo Isirai̒lu tadiila lonao̒ lotia̒mbu to Mispa. Wau timongolio loo̒dungga deu̒ lonto tau-tauwalo Yabesh to Gilead, diaaluo penu boli ngotaa mao̒ tamalonao̒ mola ode Mispa.