MONGO HAKIMU 21:10 - KITABI HABARI MOPIOHE

¹⁰ Masababu uito, taa u hia̒mbua to Betel boito lolao mopulaa dulo lihu lota tahi buheelia daa̒ towolota limongolio u lomate yila-yi lateelo mao̒ timii̒du tau to Yabesh, leituwoto mongobua wau tau̒kekeei̒.

MONGO HAKIMU 21:10 Iomraidhean Croise

YIA̒APO 31:17

Naa, botia pateyalo mate-mateelo mao̒ timii̒du mongo lolai̒ wau mongobua tadiilalo tadulahu.

TINGULI 13:15

yi ngoilanggubu ulipu lokota boito wolo bibiahio musi pateelo mate-mateelo mao̒. Kota boito musi pobinasaalo sama-samaata.

YOSUA 7:24

Lapatao̒ tei Yosua wolo ngoilanggubu umati lo Isirai̒lu loheu̒upa olei Akhan, wau lodelo mola olio ode Lumbaya Polodutolo pee̒-pee̒enta wolo ngoa̒amila walai̒o, bibiahu sapi, kolodai, himba, kema, wau totoonulalo hitua-tuawua u mililikiilio boli talaa̒, jumba wau hulawa u tilao̒lio.

MONGO HAKIMU 21:5

Lapatao̒ timongolio helo tulete susuu-kuwaalo bangusa lo Isirai̒lu wolo woluo tadiila lonao̒ lotia̒mbu helotaalua wolo Eeya to Mispa omoo̒omolu. (Tou̒ boito timongolio malo tadia deu̒ taa udiila modungohe titiango ode Mispa musi hukuu-maniyolo mate.)

MONGO HAKIMU 21:8

Yi timongolio helo tulete wolo woluo nopolemboa̒ lonto suku bangusa lo Isirai̒lu tadiila lonao̒ lotia̒mbu to Mispa. Wau timongolio loo̒dungga deu̒ lonto tau-tauwalo Yabesh to Gilead, diaaluo penu boli ngotaa mao̒ tamalonao̒ mola ode Mispa.

MONGO HAKIMU 21:9

Sababu, tou̒ pilalakisa daputali owoluo, malo patatai diila ilodungga mota teto penu boli ngotaa mao̒ talonto Yabesh.

MONGO HAKIMU 5:23

“Laa̒anatiyalo Meros, wau tahi tomelea todelomio,” ualo Malai̒kati lo Eeya “sababu timongolio diila lonao̒ mai helomantu odelo pahalawani tahemo hipate ode Eeya.”

BOHULO SEMUEL 11:7

Wolo nahutu daa̒ tio lohama mao̒ sapi mohelu duluo tulusi tila-tilambalio lowali dadaata olongio. Lapatao̒ oo̒o-longowalo boito heilaolio ode ngoilanggubu huta lo Isirai̒lu wolo palenta odie mola, “Tatoonu tadiila momaju mopaatea modudua̒ olei Saul wolei Semuel, yi sasaapilio mao̒lo-olongolo odie olo!” Bangusa lo Isirai̒lu moohe tou̒ wolo u otanu pohutuo mai lo Eeya, yi ngoa̒amila tau, diaaluo ngopohialio, lotidapato lomaju helo paatea pee̒-pee̒enta.

BOHULO SEMUEL 15:3

Oditolio, ponao̒lo wau tuhuwalo taulo Amalek wau antulua mao̒ ngoa̒amila miliki limongolio. Diili mao̒ tolai penu boli wolo wambai̒o; pateaalo mate-meteelo mao̒ ngoa̒amila mongo lolai̒, mongobua, tau̒kekeei̒ wau tau̒nge; wau olo sapi, himba, unta wau kolodai.”