MONGO HAKIMU 20:5 - KITABI HABARI MOPIOHE

⁵ Lapatao̒ tau-tauwalo Gibea lonao̒ mai tou̒ hui u mololohe olaatia. Timongolio lomala bele tambati pilo tihui̒ya laatia wolo makusudu mai momate olaatia mate-mateelo mao̒, bo lapatao̒ timongolio malo molokosa pipia lowatia tunggula yilate.

MONGO HAKIMU 20:5 Iomraidhean Croise

IMAAMATI 18:24

Diila mao̒ ponajisia batangamu wolo huhuu-tuwaalo boito, sababu wolo dudelo boito babaa-ngusawalo tahi biluloa̒awa to Kanaa̒n tou̒ diipo timongoli, malo ponajisi mao̒ batanga limongolio. Sababu uito timongolio pilopolahi lo Eeya, alihu timongoli mowali motibiluloa̒ tolipu boito.

TINGULI 22:21

yi taabua boito musi deloolo ode huhebu bele lomongo dulaa̒lio. To tambati boito mongo lolai̒ monto kota boito musi momai̒ olio wolo botu tunggula mate. Taabua boito malohutu hitua-tuawua u loo̒olito to bangusanto sababu helo ulauwa wolo talolai̒ tou̒ diipo lonika ngotilonggadu tio bilu-biluloa̒ tobele liyamolio. Lou̒ mohukuumani mao̒ olio timongoli mopodiaa̒a ololeeto boito.

TINGULI 22:24

To delomo sua̒li boito timongolio musi deloolo ode bulemengo kota wau pai̒yola wolo botu tunggula mate. Tadulahu boito musi pateelo mate-mateelo mao̒ sababu tio diila longuatio̒ mei̒ tulungi, hiambola sua̒li boito lotoduo todelomo kota, tou̒toonu, wuwaatii̒o mowali o dungohe. Wau talolai̒ boito musi pateelo mate-mateelo mao̒ sababu tio malo ulauwa wolo tadulahu tamao̒ tilantahu. Lou̒ mohukuumani mao̒ duduulotalo, timongoli mopodiaa̒a ololeeto boito.

YOSUA 7:15

Lapatao̒ taa u tilunu mao̒ wau loi̒laalo helolahu babaa-langiyalo u dinidini boito musi pobuwola tunggula maahu pee̒-pee̒enta wolo ngaalaa̒lio wau totoonulalo hitua-hituawua u mililikiilio; sababu tiolo talo lambangao̒ daantia wau helohutu u moleeto daa̒ tohuungo umati lo Isirai̒lu.”

MONGO HAKIMU 19:22

Tou̒ timongolio donggo hisanangia, debolo bele boito bilaala lotau-tauwalo tahileeta lonto kota boito. Timongolio helo ngokoa̒a huhebu loo̒ohuu̒ wau loloi̒ya ode taa panggola boito, “Wuduwalo mai olami talolai̒ tadilelomu mai ode belemu. Ami ohilaa mopohuna olio!”

MONGO HAKIMU 19:28

“Pobongulo,” ualio mao̒ olio, “dulo ito mamo monggato.” Bo taabua boito diila lolameto sababu mailate. Lapatao̒, tio lomintaa̒ taabua boito wau lopotae̒ mola ode yitaato kolodai, tulusi lomonggato u lohualinga ode belelio.