MONGO HAKIMU 20:32 - KITABI HABARI MOPIOHE

³² Sababu utio tau-tauwalo lei Benyamin helo lantobu deu̒ timongolio ma lo poo̒laaheo̒ totau-tauwalo Isirai̒lu boito poli debo odelo ubohulio mai. Bo suludadu lo Isirai̒lu malo lanjana u tumouli alihu timongolio moo̒ paalao̒ suludadu lei Benyamin ode dadaa-lalaala daa̒, molamingao̒ monto kota.

MONGO HAKIMU 20:32 Iomraidhean Croise

YOSUA 8:5

Watia wau taulo watia mamohimbide mota kota boito. Wonu bolo tau-tauwalo Ai lumualai moluwali olami, ami matumouli wau tumeteo̒ debo odelo omoo̒omolu.

YOSUA 8:6

Timongolio mamo hilapita olami tulusi tunggula molamingao̒ monto kota boito, wau molantobe olami deu̒ ami lopolahi batanga debo odelo omoo̒omolu.

MONGO HAKIMU 20:31

Tau-tauwalo lei Benyamin heloluhu olo, wau ilopaala u lumualai lonto kota. Debo odelo uilalu mao̒, timongolio helomate yila-yilateelo mao̒ totau-tauwalo Isirai̒lu tolipu u huo̒huo̒ to bulemengo kota todalalo udulu-dulunga ode Betel wau todalalo udulu-dulunga ode Gibea. Tolo pulu lota taulo Isirai̒lu tai̒lo patealio yila-yilateelo mao̒.

MONGO HAKIMU 20:33

Tou̒ bungo lopasuukani lo Isirai̒lu tilumouli, wau luli longaturu baliisani to Baal-Tamar, yi tau-tauwalo limongolio tapilopo tambatilio topalito Gibea, hua̒a yilumualai lonto tataa-mbatiyalo upilo tituua̒ limongolio tomadala bulemengo kota.

MONGO HAKIMU 20:39

yi bungo lo pasuukani tatumouli boito musi muli mobale wau moluhu musu. Tou̒ boito tau-tauwalo lei Benyamin malomate yila-yilateelo mao̒ tolopulu lota suludadu lo Isirai̒lu wau helo lantobe deu̒ timongolio maluli loo̒haama totau-tauwalo Isirai̒lu debo odelo ubohulio mai.