MONGO HAKIMU 20:13 - KITABI HABARI MOPIOHE

¹³ Wudua mai tau-tauwalo tahileeta lonto Gibea boito alihu popaatea lami timongolio mate-mateelo mao̒ wau lou̒ odito ami mopoo̒ pulitao̒ ololeeto boito tohuungo taulo Isirai̒lu.” Bo taulo Benyamin diila helo mandungi loi̒ya lotau-tauwalo Isirai̒lu uwewolio boito.

MONGO HAKIMU 20:13 Iomraidhean Croise

OLUO LO SAMUEL 20:1

To kota Gilgal woluo ngotaalio tamoo-tolonggaloa tai̒lunte Seba. Tio walae̒e Bikri, lonto suku Benyamin. Tou̒ tei Dauda wolo tahi tunuhe olio lonao̒ mai, tei Seba lohiipa mola torompeti wau longiibodu, “Ito diila owumbuta wolei Dauda. Pongola ito modudua̒ wolio? Wuu taulo Isirai̒lu, ntali ito mohualingolo!”

OLUO LO SAMUEL 23:6

Bo taa u diila lodungohe to Eeya debo odelo duhi pilomahulo. Uluu̒ lotau diila moo̒ dihu olio;

BOHULO MONGO OLONGIA 21:13

Tamoleeto duulota lotihuloa̒ tataalua wolei Nabot, wau totalu lotaa dadaata timongolio helo potuludeo̒ olio deu̒ tio malo laa̒anati to Allahu Taa̒ala wau olongia. Sababu uito tio dilelolio ode bulemengo kota lapatao̒ hepilai̒ limongolio wolo botu tunggula yilate.

OLUO TAWARI 13:7

Tio helo ngambu mai ngopolemboa̒ tau-tauwalo tadiila hio̒ adabua wau helo makusa kahandaki limongolio to olei Rehabeam walao̒ talolai̒ lei Salomo, tatou̒ boito donggo humula daa̒ wau diila o pongalaamani u motehengi.

OLUO TAWARI 25:16

“Poo̒oyo mola,” ualio mao̒ lei Amajia, “Wonu diila, patee lami yio̒ mate-mateelo mao̒! Diila pee̒enta mao̒ ami lomudua̒a olemu lowali tamoo-nasehatia oli olongia!” Yi lotipoo̒oyo lomola tinabi boito, bo tou̒ dipo-dipolulio mai tio donggo loo̒bisala mao̒, “Botia ilotaawa mao̒ lowatia deu̒ Allahu Taa̒ala malolantu mai u mopobinasa oli Baginda sababu huhutu li Baginda boito, wau sababu ti Baginda diila lomandungi nasehati lowatia.”

OLUO TAWARI 25:20

Bo tei Amajia, olongia lo Yehuda boito diila lomandungi loi̒ya lei Yoas olongia lo Isirai̒lu. Wau Allahu Taa̒ala memangi hemo kahandaki mai alihu tei Amajia diila moo̒haama, sababu tio malolubo bui̒ balaahala taulo Edom.

POHUMAYA 29:1

Tatoonu taa tulusi baaa̒ngiolo wonu naseehatiyalo, tou̒ wakutu tuwau mamoa̒ntulu wau diilalo mowali poo̒piohulo.

TAMOO-HUTUBAWA 11:10

Yinggila mao̒ ololawalo wau suusa monto hilaamu, sababu maasa humulamu hua̒a mopaluto.

HOSEA 10:9

Eeya lotahuda mai, “Tumulalo mai u lotoduo to Gibea, taulo Isirai̒lu debo diipo lohuheli olo helohutu dusa loluwali ola-U̒. Sababu uito to Gibea olo timongolio mao̒dungga lo popaatea.

HOSEA 9:9

Mailaba leetio huhutuumu debo odelo u pee̒enta pilohutu lotau to Gibea. Allahu Taa̒ala mamoe̒ela totalamu, wau mohukuumani mai olimongoli sababu dusaamu.

ROMA 1:32

Otaawa limongolio, deu̒ modudua̒ butoo̒ lo Allahu Taa̒ala, taa mohutu mao̒ ngoa̒amilalo boito paatuti hukuu-maniyola mate. Penu boli odito timongolio helohutu olo susuu-aliyaalo boito; wau tumbao̒ akoro olo taa wewo hipohutua u odito.

2 KORINTUS 6:15

Diila pongalo aakali ti Almasi moheeluma wolo Ibilisi. Wolo otutuu-wauwalio towolota taulo Nasara wolo taa diila Nasara?

TINGULI 13:13

deu̒ dengolo lota tahileeta monto bangusa limongoli malopo lapalao̒ ulipu lokota u lolubo ila-ila udiila oonuhe limongoli.

TINGULI 13:6

Wonu bolo wutati mongoli meaalo walai̒ mongoli talolai̒ meaalo taabua, meaalo dile limongoli taabua u otolia̒ngi mongoli meaalo sahaabati modudula daa̒ woli mongoli lou̒ poo̒-poo̒oyo momio olimongoli u molubo ila-ila wewo udiila oonuhe limongoli wau diila oonuhe lo loluuhuru limongoli, ila-ila monto babaa-gusawaalo ubilu-biluloa̒ meembidu wau molaminga,

TINGULI 17:12

Tatoonu wambai̒o tabuheli moluwali hakimu meaalo iimamu tadonggo otuugasi, musi hukuu-maniyolo mate; lou̒ odito timongoli mopodiaa̒a ololeeto boito to Isirai̒lu.

TINGULI 17:7

Mongo sakusi musi momai̒ mao̒ lobotu ubohulio ode tau boito, lapatao̒ dudua̒ lo ngoilanggubu ulipu. Lou̒ odito timongoli mopodiaa̒a ololeeto boito.

TINGULI 19:19

tio musi mololimo hukuumani u milakusudu duo̒lo tuwaliilio boito. Lou̒ odito timongoli mopodiaaa̒ ololeeto boito.

TINGULI 21:21

Lapatao̒ mongo lolai̒ lokota boito musi momai̒ wolo botu towalao̒ boito tunggula mate. Lou̒ odito timongoli mopodiaa̒a ololeeto boito. Ngoa̒amila tau to Isirai̒lu mamoo̒ dungohe tomimbihu u motoduo mai boito wau mamoohe.”

TINGULI 22:21

yi taabua boito musi deloolo ode huhebu bele lomongo dulaa̒lio. To tambati boito mongo lolai̒ monto kota boito musi momai̒ olio wolo botu tunggula mate. Taabua boito malohutu hitua-tuawua u loo̒olito to bangusanto sababu helo ulauwa wolo talolai̒ tou̒ diipo lonika ngotilonggadu tio bilu-biluloa̒ tobele liyamolio. Lou̒ mohukuumani mao̒ olio timongoli mopodiaa̒a ololeeto boito.

TINGULI 22:24

To delomo sua̒li boito timongolio musi deloolo ode bulemengo kota wau pai̒yola wolo botu tunggula mate. Tadulahu boito musi pateelo mate-mateelo mao̒ sababu tio diila longuatio̒ mei̒ tulungi, hiambola sua̒li boito lotoduo todelomo kota, tou̒toonu, wuwaatii̒o mowali o dungohe. Wau talolai̒ boito musi pateelo mate-mateelo mao̒ sababu tio malo ulauwa wolo tadulahu tamao̒ tilantahu. Lou̒ mohukuumani mao̒ duduulotalo, timongoli mopodiaa̒a ololeeto boito.

TINGULI 24:7

Taa u mopoteteo̒ taa ngobangusaalio tulusi mopohutu mao̒ olio odelo wato meaalo mopotali olio, musi hukuu-maniyolo mate. Lou̒ odito timongoli mopodiaa̒a ololeeto boito.

MONGO HAKIMU 19:22

Tou̒ timongolio donggo hisanangia, debolo bele boito bilaala lotau-tauwalo tahileeta lonto kota boito. Timongolio helo ngokoa̒a huhebu loo̒ohuu̒ wau loloi̒ya ode taa panggola boito, “Wuduwalo mai olami talolai̒ tadilelomu mai ode belemu. Ami ohilaa mopohuna olio!”

MONGO HAKIMU 20:12

Lapatao̒ umati lo Isirai̒lu helolao totau-tauwala ode ngoilanggubu madala losuku Benyamin u lopo tunggulao̒ habari botie: “Ololeeto wolo ulotoduo mai olimongoli?

MONGO HAKIMU 20:14

Tumbao̒ lonto ngoa̒amila kota tomadala Benyamin boito tau-tauwalo Benyamin lonao̒ mai ode Gibea wau heloluhu totau-tauwalo Isirai̒lu wewolio.

BOHULO SEMUEL 2:25

Wonu tau ototala to manusia, yi Allahu Taa̒ala mowali mopodulua olio; bo wonu tau odusa to Eeya, tatoonu tamowali motulungi olio?” Bo timongolio diila momandungi nasehati lei Eli tiyamo limongolio, sababu Eeya malolantu mai u momate olimongolio mate-mateelo mao̒.

BOHULO SEMUEL 30:22

Bo towolota lo tahidudua̒ olei Dauda tapee̒-pee̒enta lodudua̒ olio, woluo tamoleeto wau langgamu. Timongolio loloi̒ya, “Tau-tauwalo botie diila loduduo̒; oditolio timongolio diila ohaku moo̒tapu wolo-wolo monto balangi yilambatai boito. Timongolio bo mowali mohama mao̒ walao̒ wau dile limongolio, wau monao̒.”