MONGO HAKIMU 20:1 - KITABI HABARI MOPIOHE

¹ Yi malonao̒ mai ngoilanggubu umati lo Isirai̒lu lonto Dan to tilayo demola Bersyeba to huliaalio, wau Gilead totiimuru, u lopoo̒polu mai titiango boito. Timongolio lotia̒mbu wau helo panggala to Mispa totalu lo Eeya.

MONGO HAKIMU 20:1 Iomraidhean Croise

OLUO LO SAMUEL 19:14

Odi-odieelo mola tei Dauda ilohaasili helohama hilaa lo ngoa̒amila taulo Yehuda tilinggula timongolio malolao tahuli odeli olongia alihu muli mohualinga ode bele biluloa̒ saaha li olongia pee̒-pee̒enta wolo ngoa̒amila pogaweelio.

OLUO LO SAMUEL 2:9

Mola teto tei Abner maa lomudua̒ao̒ olei Isyboset lowali olongia to mamaa-dalawaalo Yijreel, Epraim wau Benyamin, tumbao̒ to ngoilanggubu lo Isirai̒lu.

OLUO LO SAMUEL 24:2

Lapatao̒ malo loi̒ya mao̒ tei Dauda odelei Yoab eyaanggu lo suludadulio, “Ponao̒lo pee̒-pee̒enta wolo mongo polowilamu ode ngoa̒amila suku lo Isirai̒lu to ngoilanggubu lipu mota modupatali mao̒ ulipu. Wau̒ ohilaa motota mao̒ jumulaa limongolio.”

BOHULO MONGO OLONGIA 5:5

Eeya malodanti mai odie ode liyamo lowatia Dauda, ‘Walau̒mu talolai̒ tamaa puduo̒o-U̒ mowali olongia mubuulota wolemu tamaa momangu tambati poi̒baadatiala ola-U̒.’ Sababu uito, Tuani Hiram Taa Molamahu, watia, Salomo, malolantu u momangu hudungu boito.

OLUO MONGO OLONGIA 25:23

Tou̒ mongo polowila wau pajule lo Yehuda tadiila taa̒aluku loo̒dungohe pasali lo polimudua̒ to Babel boito, yi timongolio lonao̒ mai odelei Gadalya to Mispa. Mongo polowila boito yito tei Ismai̒lu walae̒e Netanya, tei Yohanan walae̒e Kereah, tei Seraya walae̒e Tanhumet lonto kota Netopa, wolei Yajanya lonto kota Maakha.

BOHULO TAWARI 21:2

Yi malo loi̒ya tei Dauda odelei Yoab wau mongo polowila lo suludadulio, “Pohutua mao̒ daputali lo ulipu to ngoilanggubu Isirai̒lu demola kakaa-mbunguwalo, sababu ohilaa otaawau̒ ngolo mao̒ jumulaa ulipu lo Isirai̒lu.”

ESRA 3:1

To hulalo opitulio, tau-tauwalo Isirai̒lu malo titatapu to kotalio ngota-ngota. To bohulo dulahu tohulala boito timongolio lotia̒mbu to Yerusalemu,

NEHEMIA 8:1

To hulalo opitulio taulo Isirai̒lu malo titatapu tokotaalio ngota-ngota. To bohulo dulahu hulalo boito timongolio helo tia̒mbu to Yerusalemu, topaango totalu Huhebu Hulubangi Taluhu. Timongolio helohile alihu Buku lo Butoo̒ hamaa mao̒ li Iimamu Esra, ngotaalio lo ahali todelomo Butoo̒ uilohi mai lo Eeya ode bangusa lo Isirai̒lu lotimbulude olei Musa.

YEREMIA 40:6

Watia lonao̒ mola odelei Gedalya to Mispa, wau lotibiluloa̒ wolio to huungo ulipu tatilolaa mao̒ tolipu lo Yehuda.

YIA̒APO 32:1

Susuu-kuwaalo Ruben wau Gad obibiahu laba-labaalo daatalio. Tou̒ timongolio loo̒onto mao̒ donggo boli piohio huta lo Yaejer wau huta lo Gilead u pomiyahelo,

YIA̒APO 32:40

Sababu uito tei Musa longohi mao̒ huta lo Gilead ode kaumu Makhir wau timongolio lotitatapu mota teto.

YOSUA 17:1

Ngotayadu madala to ambahu otolopa lo Dutulaa Yordan yilohilio ode ngangaa-laa̒awaalo wali mai lei Manasye, walao̒ mohuhula daa̒ lei Yusu. Tei Makhir, tiyamo lei Gilead, deu̒yito-yito walao̒ mohuhula daa̒ lei Manasye. Sababu tio ngotaalio lo tamoo-hipatea, yi madala lo Gilead wau Basan u dudutuulio to ambahu tiimuru lo Dutulaa Yordan yilohilio olio.

YOSUA 4:13

Ngoa̒amilalo wopato pulu lolihu lota mongo lolai̒ tao̒ tingolo wau dapa-dapato u mopaatea. Totalu lo Eeya, timongolio lobalango lotidulunga ode datahu moopa totili lo Yerikho.

MONGO HAKIMU 10:17

Tou̒ boito suludadu lei Amon donggo dapa-dapato u mopaatea. Timongolio lotikema to Gilead. Umati lo Isirai̒lu olo malo tia̒mbu wau lotikema to Gilead.

MONGO HAKIMU 11:11

Yi malo monggato tei Yepta pee̒-pee̒enta wolo mongo tau̒wa lo Gilead. Lapatao̒ ulipu lo Gilead lumudua̒ao̒ olio lowali talo tolokawasa wau tau̒wa. Wau totalu lo Eeya to Mispa, tei Yepta helo podudulao̒ hihii-leyaalo wolo moo̒ohuu̒lio ode ulipu lo Gilead.

MONGO HAKIMU 11:34

Tou̒ Yepta luli lohualinga ode Mispa, walai̒o tadulahu mai lolutulao̒ olio wolo elungo sambela hemo laa̒apa rabana. Uitolo walai̒o tatuwa-tuwaulo.

MONGO HAKIMU 18:29

Tanggulo kota boito bilolio̒ limongolio lowali Dan, lodudua̒ao̒ tanggulo tiyamo loluuhuru limongolio, deu̒yito-yito tei Dan walae̒e Yako.

MONGO HAKIMU 20:11

Odi-odieelo mola umati lo Isirai̒lu helo heeluma mola loluhu Gibea.

MONGO HAKIMU 20:18

Suludadu umati lo Isirai̒lu boito lonao̒ mola ode tambati potabiyalo to Betel, wau helohintu ode Allahu Taa̒ala, “Yaa Eeya, ambunguolo suku toonu towolota lo mongowatotia tamusi bohu-bohulio mola moluhu tau lei Benyamin?” Eeya lotahuda mai, “Suku Yehuda.”

MONGO HAKIMU 20:2

Ngoa̒amilalo woluo wopato hetuto lihu lota pajule lo pasuukani tolimbuta. Mongo tau̒wa lotimii̒du suku bangusa lo Isirai̒lu woluo olo mola teto.

MONGO HAKIMU 20:26

Yi luli lonao̒ mola poli umati lo Isirai̒lu ode Betel wau hilumoyongo to Eeya. Mola teto timongolio helopuasa ilo-ilolaanga wau lopodewo bake lo polodame wau bake yilalango ode Eeya.

MONGO HAKIMU 20:8

Lou̒ pee̒entalo mao̒ tau-tauwalo tahia̒mbua to tambati boito tilimihila mola wau loloi̒ya, “Ito ngoa̒amila diaaluo mao̒ tamo hualinga ode kema meaambo ode bele.

MONGO HAKIMU 21:5

Lapatao̒ timongolio helo tulete susuu-kuwaalo bangusa lo Isirai̒lu wolo woluo tadiila lonao̒ lotia̒mbu helotaalua wolo Eeya to Mispa omoo̒omolu. (Tou̒ boito timongolio malo tadia deu̒ taa udiila modungohe titiango ode Mispa musi hukuu-maniyolo mate.)

BOHULO SEMUEL 10:17

Yi tei Semuel lotiangai ulipu lo Isirai̒lu alihu motia̒mbu to Mispa,

BOHULO SEMUEL 3:20

Uito sababuulio ngoa̒amila umati lo Isirai̒lu lonto ngoilanggubu lipu boito helo ngaku mao̒ deu̒ tei Semuel yito nabi lo Eeya. Timii̒du tei Semuel mobisala, ngoa̒amila bangusa lo Isirai̒lu modungohu. Eeya debo tulusi hemopo ilaalo batanga to Silo, tou̒toonu Tio ubohu-bohulio lopoi̒laalo batanga odelei Semuel wau helo bisala wolio.