MONGO HAKIMU 2:5 - KITABI HABARI MOPIOHE

⁵ Uito sababuulio tambati boito ilunte Bokhim. Lapatao̒ totambati boito tau-tauwalo Isirai̒lu helo podewo bake ode Eeya.

MONGO HAKIMU 2:5 Iomraidhean Croise

ILOOWALI 35:8

Mola teto olo ti Debora, tiilo tamoo-laalawa oli Ribka yilate lapatao̒ yilobungio towalungo bungo lo ayu uleidaa̒ to ambahu huliyaalio lokota boito. Uitolo sababuulio bungo lo ayu boito ilunteelio “Bungo Hilimuta”.

YOSUA 7:26

Lapatao̒ uito tilambulao̒ limongolio wolo botu dadaata daa̒ u tunggula todulahee botie donggo woluo mola teto. Uitolo sababuulio tambati boito donggo iluntee Lumbaya Polodutolo. Yi mailooleelo mola omuluka lo Eeya.

MONGO HAKIMU 13:19

Yi tei Manoah malohama batade buboto tuwau wolo pale ngoi̒di, lapatao̒ pilodutulio toitaato botu wau lopodewo mao̒ ode Eeya, deu̒yito-yito Eeya tahelohutu susuu-aliyaalo u moo̒linggolabu.

MONGO HAKIMU 2:1

Malai̒kati lo Eeya lonao̒ lonto Gilgal ode Bokhimi wau lotahuda mao̒ ode tau-tauwalo Isirai̒lu, “Wau̒ malo polualai olimongoli lonto Masiri, wau lodelo olimongoli ode lipu u mapilo danti-U̒ odeli nenemoya limongoli. Matilahuda-U̒ mai olo, ‘Buuhuta danti towolota-U̒ woli mongoli diila tabuntoo-U̒.

MONGO HAKIMU 2:4

Lapatao̒ malai̒kati boito yilapato lopo tunggulao̒ habari boito, ngoilanggubu bangusa lo Isirai̒lu hilumoyongo moo̒ohuu̒.

MONGO HAKIMU 2:6

Lapatao̒ tei Yosua lolopato tau-tauwalo Isirai̒lu lonao̒, timongolio olo lomonggato mota lotihuloa̒a tohuta ulowali tayadi mongolio ngota-ngota.

MONGO HAKIMU 6:24

Lapatao̒ tei Gideon malomongu mesba tuwau mola teto wau longunte mao̒ “Eeya Bungo lo Moa̒ahu”. Mesba boito donggo woluo to Opra, deu̒yito-yito kota taulo Abiejer.

BOHULO SEMUEL 7:9

Sababu uito tei Semueli longolotao̒ tuwau himba buboto, turusi lopodewo odelo bake yilalango ode Eeya. Lapatao̒ uito tio lodua̒ mola alihu Eeya motulungi mai taulo Isirai̒lu, wau dua̒lio boito dilungohe-Lio.