MONGO HAKIMU 2:21 - KITABI HABARI MOPIOHE

²¹ Botia Wau̒ diilalo mohuto mopolahi penu boli bangusa toonu tadonggo woluo tolipu botie tou̒ tei Yosua mate mao̒.

MONGO HAKIMU 2:21 Iomraidhean Croise

YEHESKIEL 20:24

sababu timongolio malo malonga papaa-lentaa-U̒, wau lolambanga ngoa̒amila bubuu-too̒o-U̒, loponajisi dulahu Saabati, wau debo hipoluboa dedeewaalo u hepiluja linenemoya limongolio.

YOSUA 23:13

eelai mao̒, tantu Eeya Allahu Taa̒ala limongoli diila tamo polahi babaa-ngusawala boito poli domi olimongoli. Bolii̒o mao̒, timongolio mamoo̒ topotala daa̒ olimongoli, sababu timongolio mamowali debo odelo taalo meaambo debo odelo hentobu ode limongoli. Timongolio olo mamo pohutu olimongoli modutolaa daa̒; sababu timongolio mamowali debo odelo buuboo̒ towulea limongoli meaalo debo odelo duhi todelomo matomu. Timongoli matulusi modutolaa tunggula diaaluo penu boli ngotaa mao̒ towolota limongoli tameitolaa tolipu u mopiohe botie uilohi mai lo Eeya Allahu Taa̒ala limongoli ode limongoli.

YOSUA 23:4

Huta lo babaa-ngusawalo u donggo leitolaa, odito olo huta lo ngoa̒amila bangusa tamaa ilolaahe lowatia, deu̒yito-yito ubua̒-bua̒ade monto ambahu tiimuru lo Dutulaa Yordan tulusi ode otolopa demola Lau Tenga, ngoa̒amilalo boito matilayadei lowatia ode limongoli u lowali miliki limongoli.

YOSUA 23:5

Eeya Allahu Taa̒ala limongoli mamohutu mai babaa-ngusawalo boito matumouli, wau molahi monto olimongoli wonu timongoli mota moluhu olimongolio. Timongoli mamotolo miliki mao̒ lipu limongolio, debo odelo u madilanti mai lo Eeya Allahu Taa̒ala limongoli ode limongoli.

MONGO HAKIMU 1:1

Lapatao̒ tei Yosua yilate mao, umati lo Isirai̒lu helohintu to Eeya, “yaa Eeya suku utoonu monto mongowatotia tabohu-bohulio mota moluhu taulo Kanaa̒n?”

MONGO HAKIMU 2:3

Oditolio, botia dungohi mai! Wau̒ diila tamo polahi totau-tauwalo lipu botie wonu bolo timongoli motuuhua woli mongolio. Timongolio mamowali mumuu-suuwaalo limongoli, wau timongoli maa ohentobe, tilinggula timongoli modudua̒ molubo dedeewaalo limongolio.”

MONGO HAKIMU 3:1

U motesi tau-tauwalo Isirai̒lu tadiila pee̒enta mao̒ heloo̒ laasa popaatea to Kanaa̒n, Eeya lopoluli mao̒ demohelu ngoolo bangusa lotibiluloa̒ tolipu boito.

MONGO HAKIMU 3:3

Babaa-ngusawalo tadonggo hibiluloa̒wa tolipu boito yito: bangusa tahi poo̒oyonga todelomo olimo kota Pilistin, ngoa̒amila bangusa lo Kanaa̒n, bangusa lo Sidon, wau bangusa lo Hewi tahi biluloa̒wa to hihui̒-hui̒dea lo Libanon, tumulalo mao̒ monto Hui̒dee Baal-Hermon demola dalalo udulu-dulunga ode Hamat.