MONGO HAKIMU 2:20 - KITABI HABARI MOPIOHE

²⁰ Sababu uito Eeya luluka daa̒ to umati lo Isirai̒lu, wau lotahuda, “Wau̒ malo malentao̒ oli nenemoya lobangusa botie alihu modihu mao̒ daantia towolota-U̒ woli mongolio. Bo bangusa botie lomunto buuhuta danti boito; timongolio helo lambanga palentaa-U̒.

MONGO HAKIMU 2:20 Iomraidhean Croise

OLUO LO SAMUEL 24:1

Eeya luli lomuluka mai to Isirai̒lu, lapatao̒ tei Dauda piliyoo-Lio wolo patuju mopodungga mai oweepita to bangusa boito. Tahuda mai lo Eeya olio, “Daputalia mao̒ ulipu to Isirai̒lu wau to Yehuda.”

JABURU 106:40

Lapatao̒ omuluka lo Eeya wali-walihuhu toli mongolio, Eeya lolonua̒ wolo miliki lo Eeya lohihilao.

JABURU 78:10

Timongolio helo lambanga daantia lo Allahu Taa̒ala woli mongolio, diila lohuto lodungohe tobutoo̒ lo Eeya.

YEREMIA 31:32

Bo daantia boito diila debo odelo daantia u pilohutu-U̒ wolo loluuhuru limongolio tou̒ lodepita olimongolio yulumualai lonto Masiri. Eleponu boli Wau̒ debo odelo ngotaali lodile talolao̒ ode limongolio, bo timongolio lomaahe daantiaa-U̒ woli mongolio.

YEHESKIEL 20:37

Timongoli mapohutuwo-U̒ mai wolo parangi alihu timongoli modungoheo̒ daantia-U̒.

YIA̒APO 32:13

Eeya lomuluka tobangusa lo Isirai̒lu tilinggula Tio lopoluli mao̒ olimongolio lonao̒ ode utoonulalo mao̒ tohuta datahu wau luasi udelita wopato pulu lotaunu mola hiheolio tunggula ngoilanggubu diti tamalo malakala to olio yilate ngoa̒amilalo.

TINGULI 32:22

Omulukaa-U̒ mamo hintalabu debo odelo tulu u momobu demola dunia lotaa mate. Tulu boito momobu dunia wau totoonulalo tilapulio, wau huhuu-ideyaalo demola wawaa-atiyoolo mao̒.

YOSUA 23:16

Wonu bolo timongoli molambanga daantia u mapiloa̒hu olimongoli lo Eeya Allahu Taa̒ala imongoli alihu dungohelo, wau timongoli mota moi̒baadati to ii̒i-lawaalo wewo wau molubo mao̒ ii̒i-lawaalo boito, yi Eeya mamo muluka, wau mohukuumani mai olimongoli. To delomo wakutu u ngoi̒ntalo mola timongoli mabinaasa monto lipu u mopiohe botie, uilohi mai lo Eeya ode limongoli.”

MONGO HAKIMU 10:7

Sababu uito Eeya lomuluka to umati lo Isirai̒lu, tunggula Tio lopoluli mao̒ bangusa lo Filistin wau bangusa lo Amon longawaasa olimongolio.

MONGO HAKIMU 2:19

Bo wonu bolo tau̒wa boito mailate, bangusa boito owatade lebe moleetao̒ wolo hilaide tadipo-dipolulio mai. Timongolio hemotiwato to ila-ila wewo wau molubo ila-ila boito. Timongolio hemonguli to obobiasa limongolio u moleeto wau diila mohuto molomelo watade limongolio.

MONGO HAKIMU 3:8

Yi Eeya malo muluka to umati lo Isirai̒lu, wau helo poluli mao̒ ilolaahe li Olongia Kusyan-Risyataim lonto Mesopotamia. Walu lotaunu mola ti olongia boito helo ngawaasa olimongolio.