MONGO HAKIMU 2:18 - KITABI HABARI MOPIOHE

¹⁸ Wonu bolo Eeya mongohi mai tau̒wa ngota ode bangusa lo Isirai̒lu, Eeya laito hemo tulungi mao̒ tau̒wa boito. Wau ngotilonggadu tau̒wa boito donggo tumutumulo, Eeya laito hemo lopata olimongolio monto mumuu-suuwaalo limongolio. Tio momonu olimongolio wonu bolo odungohe-Lio timongolio hiwuwaatia̒ longongoto sababu alinaya wau hedeehelio.

MONGO HAKIMU 2:18 Iomraidhean Croise

ILOOWALI 6:6

Tio olo malolee̒e lopowali olimongolio wau lopo tambati olimongolio todunia. Tio malo ilokikiio̒ hilao,

OLUO MONGO OLONGIA 13:4

Lapatao̒ tei Yoahas lodua̒ mola ode Eeya, wau Eeya lodungohei dua̒lio boito, sababu Eeya loo̒onto mai mailaba parangilio olongia lo Siria hemodeehe taulo Isirai̒lu.

JABURU 12:5

tahemo loi̒ya, “Ami okawasa wolo dila lami! Penu boli wolo wambai̒o mowali loi̒ya lami, wau diaaluo tamowali molanggu olami!”

JABURU 90:13

Yaa Eeya, tunggula omolua Eeya muluka? Pohualingolo mai wau ponualo mongo wato lo Eeya.

PILOTIMUA̒TA 2:24

Allahu Taa̒ala lodungohei olimongolio, wau Tio malo eela danti-Lio wolei Abraham, Isihaka wolei Yako.

PILOTIMUA̒TA 3:12

Allahu Taa̒ala lolametai, “Wau̒ mamo tulungi mai olemu. Wau wonu bangusa boito madilelomu lumualao̒ lonto Masiri, timongoli maa mamo ibaadati to ola-U̒ tohui̒dee botie. Ui-uitolo bukutiilio deu̒ Wau̒ lolao mola olemu.”

PILOTIMUA̒TA 32:14

Yi Eeya lolomelao̒ niyati-Lio wau diila lomata loponao̒ anjamu-Lio u mopo dungga mai baala ode bangusa boito.

HOSEA 11:8

Eeya lotahuda mai, “Wuu Isirai̒lu, diila pongalo aakali yio̒ poluli-U̒ meaalo tolaa-U̒. Tingga mowali yio̒ antuluwo-U̒ debo odelo tei Adma? Meaalo pohutuwo-U̒ debo odelo tei Jeboim? Diila owalia lo hilaa-U̒ mohutu mao̒ sua̒li boito, sababu ponu-U̒ udaa̒ tutu olemu!

YUNU 3:10

Allahu Taa̒ala loo̒onto ngoa̒amila huhutu limongolio; Tio loo̒onto deu̒ timongolio malo lolaa pii̒li limongolio u moleeto. Yi Tio lolomelo putuusani-Lio, wau diila lomata lohukuumani mai olimongolio.

YIA̒APO 10:9

Wau wonu bolo timongoli mopaatea tolipu limongoli u momintengi mao̒ batanga tomusu tamoluhu mai, hiipalo mola totoo-rompetiyalo boito. Yi Wau̒, Eeya Allahu Taa̒ala limongoli, mamo tulungi wau mopoa̒ahu mai olimongoli to mumuu-suwaalo limongoli.

TINGULI 32:36

Eeya mamo poa̒ahu mai umati-Lio wau momonu mongo wato-Lio, wonu Tio moo̒onto olimongolio diila olotolo wau mai̒lo pulita lo lotolo.

YOSUA 1:5

Penu boli ngotaa mao̒ diaaluo tamambo mopoo̒laaheo̒ olemu, Yosua, ngotupa lo tutumulumu. Sababu Wau̒ malaito pee̒-pee̒enta wolemu debo odelo Wau̒ omoo̒omolu pee̒-pee̒enta wolei Musa.

MONGO HAKIMU 10:16

Lapatao̒ timongolio malolapi ngoa̒amila bui̒ baalahala, lapatao̒ lolubo Allahu Taa̒ala. Yi Allahu Taa̒ala olo malodehu hilaa-Lio loo̒onto olimongolio todelomo suusa.

MONGO HAKIMU 11:32

Lapatao̒ tei Yepta lobalango Dutulaa Yordan u loluhu taulo Amon, wau Eeya lopoo̒haama olio.

MONGO HAKIMU 2:19

Bo wonu bolo tau̒wa boito mailate, bangusa boito owatade lebe moleetao̒ wolo hilaide tadipo-dipolulio mai. Timongolio hemotiwato to ila-ila wewo wau molubo ila-ila boito. Timongolio hemonguli to obobiasa limongolio u moleeto wau diila mohuto molomelo watade limongolio.

MONGO HAKIMU 3:9

Lapatao̒ umati lo Isirai̒lu helo ngiibode lei̒ tulungi to Eeya, tulusi Eeya longohi mai olei Otniel u lopo lopata olimongolio. (Tei Otniel yito walao̒ lonto Kenas, tawali-yali lei Kale.)

MONGO HAKIMU 6:12

Malai̒kati lo Eeya boito lopo biloheo̒ batanga to olio, wau lotahuda, “Wuu, tabohulotau tamolotolo boli buheli daa̒! Eeya wolemu!”

MONGO HAKIMU 6:16

“Tantuulo yio̒ mowali!” tahuda lo Eeya, “Sababu Wau̒lo tamaa momantumu. Tau-tauwalo Midian mamowali antuluwomu mao̒ wolo gambangi, debo odelo yio̒ bo motaalua wolo ngotaalio wambao̒.”