MONGO HAKIMU 2:17 - KITABI HABARI MOPIOHE

¹⁷ Bo timongolio diila helo mandungi tomongo tau̒wa boito. Timongolio hipo lubowa ila-ila wewo, wau diila tatapu wau molotolo hilao to Eeya. Timongolio diila heloo̒ baaya toli nenemoya limongolio tamo dungohe papaa-lentawaalo Eeya.

MONGO HAKIMU 2:17 Iomraidhean Croise

JABURU 106:39

Sababu huhuu-tuwaalo boito timongolio lowali najisi, wau diila tatapu wau molotolo hilao to Allahu Taa̒ala.

JABURU 106:43

Wuwuulia Eeya helo lopato olimongolio, bo timongolio lebe motohilaa momalakala, tilinggula timongolio bilinaasa todelomo duduu-sawaalo limongolio.

JABURU 73:27

Taa u mololaa to Eeya matopotala, hebilinaasa lo Eeya taa udiila tatapu wau molotolo hilao to Eeya.

PILOTIMUA̒TA 32:8

Timongolio malolahi lonto papaa-lentaa-U̒. Timongolio malohutu bui̒ losapi lonto hulawa diliidi, lapatao̒ hetiluboolio wau lopodewo mao̒ bake to olio. Uali mongolio, ui-uitolo ila limongolio talodelo mai olimongolio yilumualao̒ lonto Masiri.

YEREMIA 3:6

To maasa pamalenta li Olongia Yosia, Eeya lotahuda mai odie odelaatia, “Maa iloontongamu wolo u hepilohutu lo Isirai̒lu, taabua tadiila tatapu wau molotolo hilao boito? Tio lololaa ola-U̒ wau helo tisuuntali toitaato timii̒du huludu u molanggato wau towalungo timii̒du bungo lo ayu u mohimbungo.

YEREMIA 6:16

Eeya lotahuda mai to umati-Lio, “Tihuloolo to titiili-tangowalo dalalo, wau poo̒tuotalo tio̒otutua! Yintua mao̒ dadaa-lalaalo u muloololio mai daa̒, wau toonu u mopiohe daa̒ to wolotalio. Dudui̒lo dalalo boito, alihu timongoli tumumula duo̒duo̒oto.” Bo timongolio loloi̒ya, “Diila, amiaatia diila mohuto modudua̒ dalalo boito!”

HOSEA 2:2

Eeya lotahuda mai, “Wuu mongo walau̒u-U̒, tiilamu diilalo dilee-U̒, wau Wau̒ diila dileelio. Sababu uito, palaa-kalaailo mao̒ alihu tio diila mao̒ mojina wau diilalo motisuntali poli.

IMAAMATI 17:7

Bangusa lo Isirai̒lu musi debo molotolo hilao to Eeya wau sama-samaata diila mowali mongolota binatangi to hahaa-laboluwalo ode dewo to lalaa-tiyaalo u moleeto. Wuu̒du boito musi dungohelo u ohiheo-hiheolo mao̒.

AMOS 2:4

Eeya lotahuda, “Taulo Yehuda mapoo̒-poo̒daata ilodusa, sababu uito Wau̒ tantu mamo hukuumani mai olimongolio. Timongolio helo lambanga papaa-lentaa-U̒ wau diila lomandungi popoo-ngaajali-U̒. Timongoilo pilopo lapalo lo ila-ila wewo u hetuboo loluuhuru limongolio.

GALATIA 1:6

Watia lolinggolabe pasali lo Mongo wutato! Timongoli tiliyango Allahu Taa̒ala masababu odehu hilaa li Almasi, bo botia timongoli odito lolamemeto lobulemenga to Allahu Taa̒ala wau lodudua̒ “habari mopiohe” uwewo wolo Habari Mopiohe ulonto Allahu Taa̒ala.

TINGULI 31:16

Tahuda mai lo Eeya odelei Musa, “Opopatemu diilalo mohiheo. Lapatio mao̒ yio̒ monao̒, bangusa lo Isirai̒lu diilalo tatapu wau molotolo hilao to ola-U̒ wau mamomaahe daantia u pilohutu-U̒ woli mongolio. Timongolio mamololaa mao̒ ola-U̒ mota molubo ila-ila u hetuboolo tolipu udiilalo mohiheo potuwota limongolio.

TINGULI 31:18

Tou̒ boito Wau̒ diila mohuto motulungi olimongolio, sababu timongolio malolubo ila-ila wewo wau helohutu u moleeto.

TINGULI 9:12

Lapatao̒ Eeya lotahuda mai olaatia, ‘Hua̒a potuhutolo mola, sababu bangusaamu tadilelomu mai yilumualao̒ lonto Masiri malohutu u moleeto. Timongolio malo bolia̒ lonto papaa-lentaa-U̒, wau helohutu bui̒ u hetuboo limongolio.’

TINGULI 9:16

Watia loo̒onto deu̒ timongoli malo lambanga palenta lo Eeya Allahu Taa̒ala limongoli. Timongoli mailodusa to Eeya sababu helohutu duo̒lo batanga limongoli bui̒ losapi tuwau lonto logamu.

YOSUA 24:24

Lapatao̒ tau-tauwala boito loloi̒ya mao̒ odelei Yosua, “Amiaatia mamotiwato bo to Eeya, Allahu Taa̒alanto. Amiaatia mamo dungohe totoonulalo palentaa-Lio.”

YOSUA 24:31

Ngotilonggadu tei Yosua tumu-tumulo, umati lo Isirai̒lu hemotiwato to Eeya. Wau tou̒ tei Yosua yilate mao̒ olo timongolio debo hemotiwato to Eeya ngotilonggadu donggo woluo towolota limongolio mongo tau̒wa tamalo sakusi lohihilao totoonulalo hitua-tuawaua u pilohutu lo Eeya ode umati lo Isirai̒lu.

MONGO HAKIMU 2:7

Ngotilonggadu tei Yosua tumutumulo, taulo Isirai̒lu hemotiwato to Eeya. Lapatao̒ tou̒ tei Yosua yilate mao̒ olo timongolio debo hemotiwato to Eeya ngotilonggadu timongolio hetilau̒wa lotau-tauwalo tamalo oonto lohihilao totoonulalo umoo̒ linggolabe upilohutu mai lo Eeya ode taulo Isirai̒lu.

MONGO HAKIMU 8:33

Lapatao̒ tei Gideon yilate mao̒, taulo Isirai̒lu diilalo tatapu wau molotolo hilao ode Allahu Taa̒ala. Timongolio helolubo dedeewaalo Baa̒l wau lopowali Baa̒l-Berit dewa limongolio.

BOHULO SEMUEL 12:12

Bo tou̒ timongoli loo̒onto deu̒ timongoli matuhuo lei Nahas olongia lo Amon, timongoli helo potouli to Eeya odelo olongia limongoli wau loloi̒ya olau̒, ‘Amiaatia ohilaa palentaa li olongia ngota.’ ”

BOHULO SEMUEL 12:17

Wau̒ mamo ngiibode to Eeya, wau eleponu masaatia sembo lo polohengu, Eeya mamopo tuhutai bulonggodu wau didi odelo tameto todua̒au̒. Tou̒ boito, timongoli mamongalati mao̒ deu̒ malo odito udaa̒alio dusa limongoli to Eeya sababau malohile olongia ngota.”

BOHULO SEMUEL 12:19

Lapatao̒ malo loi̒ya timongolio odelei Semuel, “Tulungia mai, Paaa̒, podua̒alo mola duo̒lo olamiaatia botie ode Eeya Allahu Taa̒ala li Paaa̒, alihu amiaatia diila tamate. Botia amiaatia malongalati deu̒ ngopohia dusa lamiaatia omoo̒omolu, amiaatia maluli ilodusa sababu helohile olongia ngota.”