MONGO HAKIMU 2:11 - KITABI HABARI MOPIOHE

^11-14 Lapatao̒ taulo Isirai̒lu mai̒lodusa to Eeya. Timongolio diilalo helolubo to Eeya, Allahu Taa̒ala linenemoya limongolio, deu̒yito-yito Allahu Taa̒ala tamalodelo olimongolio yilumualao̒ lonto Masiri. Timongolio lolumula helolubo Baal wau Asytoret boli dedeewaalo u hetuboo lo babaa-ngusawalo topalito limongolio. Yi Eeya lomuluka olimongolio wau helo poluli mao̒ polemboa̒ loluhu wau lolambata olimongolio. Timongolio diilalo okawasa helo taalua wolo mumuu-suuwaalo topalito limongolio.

MONGO HAKIMU 2:11 Iomraidhean Croise

ILOOWALI 13:13

Kota lo Sodom boito hibiluloa̒wa tau-tauwalo tahileeta daa̒ wau odusa to Eeya.

ILOOWALI 38:7

Watade lei Er moleeta daa̒, tilinggula Eeya lomuluka to olio wau lomate olio yila-yilateelo mao̒.

BOHULO MONGO OLONGIA 11:5

Tei Salomo helolubo Asytoret, dewi bangusa lo Sidon, wau olo Molokh dewa umoo̒ toitupo u hetuboo bangusa lo Amon.

BOHULO MONGO OLONGIA 18:18

“Watia diila tamoo-tolonggaloa,” loi̒ya mao̒ lei Elia, “bo ti Baginda lohihilao. Ti Baginda wau ngaalaa̒ li Bagindalo tamoo-tolonggaloa. Wolo helolubo babaa-laahalalo Baal, ti Baginda malo lambanga totoonulalo palenta lo Eeya.

BOHULO MONGO OLONGIA 22:53

Tio ilodusa to Eeya wolo loo̒dudua̒ dalalo liyamolio wau liilolio wau dalalo li Olongia Yerobeam u he loo̒sababu taulo Isirai̒lu lohutu dusa.

OLUO TAWARI 28:2

Tio tumutumulo debo odelo mongo olongia lo Isirai̒lu wau helei̒hutu bubuu-iyaalo Baal moto logamu,

OLUO TAWARI 28:3

wau helomobu dupa to Lumbaya Hinom. Tumbao̒ walai̒o talolai̒ lohihilao pilodewolio odelo bake ode balaahala, helo dudua̒a obobiasa u moleeta lotau-tauwalo tahe pilopolahi lo Eeya lonto lipu lo Kanaa̒n tou̒ taulo Isirai̒lu tilumuwota ode lipu boito.

OLUO TAWARI 33:6

Mongo walai̒o hepilo dewolio odelo bake yilalango to Lumbaya Hinomi. Tio olo loi̒laalo helohutu huhutu lo tamoo-hulangowa, tamoo-ngisimuwa, ilimi gaibu, wau hemohile potuhata to roroo-huwaalo. Tio ilodusa daa̒ to Eeya tilinggula loo̒toodei muruka lo Eeya.

NEHEMIA 9:26

Bo umati lo Eeya helomintaa̒ tingolo wau diila lodungohe to Eeya, helo malonga butoo̒ wau wuu̒du lo Eeya, helomate mongo nabi yila-yilateelo mao̒ tahemo poe̒elao̒ olimongolio, wau talo poa̒hu olimongolio monguli ode Eeya Allahu Taa̒alaalio. Yaa Eeya, tingga maito olo Eeya hehinaa limongolio,

JABURU 78:56

Bo timongolio helo malakala wau lotesi Allahu Taa̒ala Taa Laba-labaalo molanggato, papaa-lentawalo Eeya diila dilungohe limongolio.

YEREMIA 11:10

Timongolio malohutu dusa u hepilohutu loluuhuru limongolio tadiila lohuto lodungohe to Olau̒, timongolio helolubo ila-ila wewo wau diila lohuto lodudua̒ palentaa-U̒. Mopio Isirai̒lu meaambo Yehuda helo lambanga daantia u mapilohutu-U̒ wolo loluuhuru limongolio.

YEREMIA 16:11

Polelea mao̒ olimongolio deu̒ Wau̒ lotahuda mai odie, ‘Loluuhurumu malo lolaa ola-U̒ u lolubo wau helotabia to ila-ila wewo. Timongolio helo malonga to ola-U̒ wau diila lohuto lodungohe to ngoa̒amila wuu̒du-U̒.

YEREMIA 2:20

Eeya lotahuda mai, “Malohiheo yio̒ diila motohilaa motiwato to Olau̒; diila motohilaa modungohe meaalo molubo ola-U̒. Toitaato timii̒du huludu u bihibihile molanggato, wau towalungo timii̒du bungo lo ayu u mohimbungo yio̒ helolubo dedeewaalo u molomiodu.

YEREMIA 2:23

Buheli tutu yio̒ moloi̒ya deu̒ yio̒ diila mokootolo, wau deu̒ Baal diila pee̒enta mao̒ dilidua̒amu! Bilohi pii̒limu to lumbaya, eelai mola ololeetomu wau akuilo mao̒! Yio̒ debo odelo unta bilango u birahi, teteea̒ mota teteea̒i diila mowali podulungolo,

YEREMIA 32:23

Bo tou̒ timongolio lonao̒ mai ode lipu botie wau lohama mao̒, timongolio diila lodungohe to ngoa̒amila palenta lo Eeya, wau diila tilumumulo lodudua̒ ngoa̒amila pongaajali lo Eeya. Ngoa̒amila upilo malenta mai lo Eeya ode limongolio diaaluo penu boli tuwau mao̒ u piloponao̒ limongolio. Sababu uito Eeya lopodungga mai totoonulalo baala botie ode yitaati mongolio.

YEREMIA 9:14

Timongolio baaa̒ngiolo wau hipoluboa babaa-laahalaalo Baal debo odelo u pilongaajali loluuhuru limongolio.

YIA̒APO 25:3

Sababu taulo Isirai̒lu helolubo Baa̒al to Peor, yi Eeya lomuluka olimongolio wau lotahuda mai odelei Musa,

TINGULI 31:16

Tahuda mai lo Eeya odelei Musa, “Opopatemu diilalo mohiheo. Lapatio mao̒ yio̒ monao̒, bangusa lo Isirai̒lu diilalo tatapu wau molotolo hilao to ola-U̒ wau mamomaahe daantia u pilohutu-U̒ woli mongolio. Timongolio mamololaa mao̒ ola-U̒ mota molubo ila-ila u hetuboolo tolipu udiilalo mohiheo potuwota limongolio.

TINGULI 4:25

Wau olo wonu timongoli de malohiheo lotibiluloa̒ tolipu boito wau mailo walao̒ wau wombu, diila mao̒ pohutu dusa sababu mohutu mao̒ duo̒lo batangamu bui̒ todelomo modeli penuboli woloolo mola wambai̒o. Huhutu boito tuwaulio u moleeto tomato lo Eeya Allahu Taa̒ala limongoli wau mamoo̒ muluka Olio.

MONGO HAKIMU 10:10

Lapatao̒ umati lo Isirai̒lu helo ngiibodu mola ode Eeya, ualio mao̒, “Mongowatotia mailodusa to Eeya, mongowatotia diila lomandungi to Eeya, oo Allahu Taa̒ala lo mongowatotia. Mongowatotia helolubo bubuu-iyaalo Baal.”

MONGO HAKIMU 10:6

Umati lo Isirai̒lu luli ilodusa poli to Eeya. Timongolio diila lomandungi Eeya wau diilalo lolubo o-Lio. Timongolio helolubo bubuu-iyaalo Baal wau Asytoret, wau bubuu-iyaalo bangusa lo Siria, Sidon, Moab, Amon wau Filistin.

MONGO HAKIMU 13:1

Taulo Isirai̒lu luli ilodusa to Eeya, lapatao̒ Eeya lopoluli olimongolio he kiluwaasa taulo Pilistin ngotilonggadu wopato pulu lotaunu mola hiheolio.

MONGO HAKIMU 3:12

Umati lo Isirai̒lu luli ilodusa poli to Eeya, tilinggula Eeya lohutu mai olei Eglon, olongia lo Moab, lowali lebe molotolao̒ wolo umati lo Isirai̒lu.

MONGO HAKIMU 3:7

Umati lo Isirai̒lu ilodusa to Eeya, Allahu Taa̒ala limongolio. Timongolio helo malonga Olio, tilinggula timongolio malo ibaadati to babaa-laahalaalo Baal wau Asyera.

MONGO HAKIMU 4:1

Lapatao̒ tei Ehud yilate mao̒, bangusa lo Isirai̒lu luli ilodusa to Eeya.

MONGO HAKIMU 6:1

Pee̒entapo umati lo Isirai̒lu ilodusa to Eeya, tilinggula Tio lopoluli mao̒ bangusa lo Midian helo tolokawasa olimongolio pitu lotaunu mola hiheolio.

MONGO HAKIMU 6:25

Tohui boito Eeya longohi palenta odie odelei Gideon, “Hamaawa mao̒ sapi ulai̒ lipaapamu, deu̒yito-yito, sapi u mopiohe daa̒ u ou̒umulu pitu lotaunu. Longgala mao̒ mesba u bilongu lipaapamu ode Baal, lapatao̒ loloohubelo wolihi polobayahu li Dewi Asyera u tongotuali lomesba boito.

MONGO HAKIMU 8:33

Lapatao̒ tei Gideon yilate mao̒, taulo Isirai̒lu diilalo tatapu wau molotolo hilao ode Allahu Taa̒ala. Timongolio helolubo dedeewaalo Baa̒l wau lopowali Baa̒l-Berit dewa limongolio.

BOHULO SEMUEL 12:10

Lapatao̒ timongolio helodua̒ mola ode Eeya wau lotolongaku dusa limongolio; uali mongolio mao̒, ‘Mongowatotia mailodusa sababu helohei lonto Eeya, yaa Eeya wau helolubo bubuu-iyaalo Dewa Baal wau Asytoret. Bo, botia, poa̒ahuwalo mai mongowatotia monto musu lo mongowatotia, yi mongowatotia mamotiwato to Eeya!’

BOHULO SEMUEL 7:3

Lapatao̒ malo loi̒ya tei Semuel ode umati lo Isirai̒lu, “Wonu timongoli ohilaa mohuwalingo ode Eeya wau molubo o-Lio wolo lea-leaatu lohilaamu, mamusi timongoli mohinggi ngoa̒amila dewa deli wau bui̒ Dewi Asytoret. Wuduwalo mola batangamu sama-samata ode Eeya wau taa̒luku boli pasisi o-Lio wambao̒, yi timongoli mabebasia-Lio monto taulo Filistin.”

BOHULO SEMUEL 7:4

Oditolio taulo Isirai̒lu malo hinggi ngoa̒amila Bui̒ Baal wau bui̒ Dewi Asytoret, turusi bo lomaya to Eeya wambao̒.