MONGO HAKIMU 2:10 - KITABI HABARI MOPIOHE

¹⁰ Lapatao̒ ngoilanggubu hilaide boito yilate olo. Wau generasi tawumbutio mola diila motota to Eeya, sababu timongolio diila heloo̒ laasa wolo u mapilohutu mai lo Eeya ode bangusa lo Isirai̒lu.

MONGO HAKIMU 2:10 Iomraidhean Croise

ILOOWALI 15:15

Yio̒ lohihilao mamoo̒oma umulu u molanggato; yio̒ maamate mao̒ wolo duo̒-duo̒oto, lapatao̒ lobungolio.

ILOOWALI 25:17

Tei Ismai̒lu o umulu ngohetuto tolo pulaa pitu lotaunu tou̒ tio yilate.

ILOOWALI 49:33

Lapatao̒ tei Yako helo lahuli mao̒ tomongo walai̒o, malo tibalato tio tulusi yilate.

OLUO LO SAMUEL 7:12

De, wonu mamei dungga opopatemu, wau yio̒ lobungo to pilolobungalio loluuhurumu, yi ngotaalio monto walau̒mu talolai̒ mapuduo̒-U̒ mowali olongia. Tiolo tamaa mopotihulao̒ bele ola-U̒. Yilaidialio mapoo̒ toheeto-U̒ wau u ohiheo-hiheolo mao̒ ngotaalio lo waliilio mola mamo malenta odelo olongia.

BOHULO TAWARI 28:9

Lapatao̒ odelei Salomo, tei Dauda loloi̒ya mao̒, “Walau̒uu̒, patutilio Allahu Taa̒ala tahe tuboo liyamamu, akuwimu mao̒ odelo Allahu Taa̒alamu. Yio̒ musi motiwato to Eeya wolo hilaa ihilasi wau iloheela lohilao. Sababu otaawa lo Eeya ngoa̒amila pikiilangi wau otohilaa lo hilaanto. Wonu yio̒ mololohe to Eeya, Eeya maa odunggamu, bo wonu yio̒ mololaa mao̒ to Eeya, Eeya mamo potouli olemu u ohiheo-hiheolo mao̒.

AYUBA 21:14

Lebe-lebe pomao̒ timongolio malo loi̒ya ode Allahu Taa̒ala, “Walahilo ami wau ponao̒olo! Ami diila paduli wau diila mohuto mongalati makusudu wau kahandaki-Mu duo̒lo tutumulo lami.”

PILOTIMUA̒TA 1:6

Dengolo wakutu mola lapatio mao̒ tei Yusu wau mongo wutatio yilate, odito olo tau-tauwala tango hilaide wolio.

PILOTIMUA̒TA 1:8

Lapatao̒ ngotaalio li olongia bohu tadiila motota olei Yusu lolumula helo malenta to Masiri.

PILOTIMUA̒TA 5:2

“Tatoonu Eeya boito?” yilintu mao̒ li olongia. “Yilongola wau̒ musi momandungi Olio wau mopoluasi mao̒ bangusa lo Isirai̒lu monao̒? Diila otaawau̒ Eeya boito, wau taulo Isirai̒lu diila wohiu̒ monao̒.”

YESAYA 5:12

To popoo-tihunggumu otingohu kocapi, gaambusi, rabana wau tulali boli minumani lo angguru. Bo timongoli madiila pandungi to huhutu lo Eeya wau wolo u pilohutu-Lio.

YEREMIA 31:34

Diilalo palalu penu boli ngotaa mao̒ monto olimongolio mongaajali timongotalio u motota to Eeya. Sababu timongolio ngoa̒amila, kikiio̒ udaa̒, mamotota ola-U̒. Ngoa̒amila totala limongolio malipato-U̒, duduu-sawaalo limongolio maa̒mbunguo-U̒. Wau̒, Eeya, malo tahuda mai.”

YEREMIA 9:2

Humayaalio tohuta datahu u luasi daa̒ wau delita mowali odungga lowatia tambati pohuheliyalo duo̒lo taa u todelomo nonao̒olio! Yi watia mamololaa mao̒ bangusa lowatia, wau tumetea̒ mola odito u mopoo̒ lamingo monto olimongolio. Timongolio ngoa̒amilalo tamoo-hiyanatia, tuwaulio lo oa̒ambua lotaa u diila tatapu wau molotolo hilao,

YEREMIA 9:3

wau laito dapadapato u mohimbulo. To ngoilanggubu lipu, u otutu diila okawasa, tumbao̒ u diila motulidu hale hemowali-wali. Eeya lotahuda mai, “Umati-U̒ hipohutua u moleeto lou̒ diila ohuhe-huheliilio, timongolio diila lomasisi ola-U̒ odelo Allahu Taa̒ala limongolio.”

YEREMIA 9:5

Ngoa̒amilalo mohihii-mbulowa lomao̒, diaaluo tahemo bisala u motiludu hale. Tunggilio mabiliyasa mohimbulo, timongolio diila mambo mololaa mao̒ dusalio. Opoparangi domi opoparangi, polowimbulo domi polowimbulo diila ohuheliilio hepohutuo limongolio, timongolio sama-samaata diila mololimo ola-U̒.

YIA̒APO 27:13

Lapatao̒ momilohe mota, yio̒ maamate debo odelo tahulangumu tei Haruna,

LUKASI 20:32

Pulitio mao̒ taabua boito yilate olo.

WUNGGULI LOMONGO RASULU 13:36

Tei Dauda mailate wau yilobungio olo pee̒-pee̒enta wolinene moyaalio, lapatao̒ tio lohutu mao̒ wolo u pilei̒hutu lo Allahu Taa̒ala olio. Milate lei Dauda olo malo aantulu ngoa̒amilalo.

TINGULI 31:16

Tahuda mai lo Eeya odelei Musa, “Opopatemu diilalo mohiheo. Lapatio mao̒ yio̒ monao̒, bangusa lo Isirai̒lu diilalo tatapu wau molotolo hilao to ola-U̒ wau mamomaahe daantia u pilohutu-U̒ woli mongolio. Timongolio mamololaa mao̒ ola-U̒ mota molubo ila-ila u hetuboolo tolipu udiilalo mohiheo potuwota limongolio.

2 TESALONIKA 1:8

wau wolo tulu ulei̒-lei̒ita. Tio motuhutai u mohukuumani tau-tauwalo tadiili hipo mandungia Allahu Taa̒ala wau tadiila motohilaa tumumulo motuuu̒de wolo Habari Mopiohe pasali li Isa Eeyanto.

TITUSI 1:16

Timongolio hipo loi̒yawa deu̒ timongolio motota lo Allahu Taa̒ala lebe-lebe pomao̒ huhutu limongolio momaahu o-Lio. Timongolio moo̒lonuo̒, wau timongolio diila mohuto modungohu; timongolio yito tau-tauwalo tadiila himamboa mohutu u hitua-tuawua umopiohe.

YOSUA 24:31

Ngotilonggadu tei Yosua tumu-tumulo, umati lo Isirai̒lu hemotiwato to Eeya. Wau tou̒ tei Yosua yilate mao̒ olo timongolio debo hemotiwato to Eeya ngotilonggadu donggo woluo towolota limongolio mongo tau̒wa tamalo sakusi lohihilao totoonulalo hitua-tuawaua u pilohutu lo Eeya ode umati lo Isirai̒lu.

BOHULO SEMUEL 2:12

Mongo walae̒e Eli hileeta daa̒. Timongolio diila momandungi to Eeya