MONGO HAKIMU 2:1 - KITABI HABARI MOPIOHE

¹ Malai̒kati lo Eeya lonao̒ lonto Gilgal ode Bokhimi wau lotahuda mao̒ ode tau-tauwalo Isirai̒lu, “Wau̒ malo polualai olimongoli lonto Masiri, wau lodelo olimongoli ode lipu u mapilo danti-U̒ odeli nenemoya limongoli. Matilahuda-U̒ mai olo, ‘Buuhuta danti towolota-U̒ woli mongoli diila tabuntoo-U̒.

MONGO HAKIMU 2:1 Iomraidhean Croise

ILOOWALI 12:7

Eeya lopo bilohei batanga odelei Abram wau lotahuda mao̒ olio, “Uti-utieelo lipu u mawohi-U̒ mai ode waliimu mola.” Lapatao̒ tei Abram lopotihula mesba mota teto duo̒lo Eeya tamalo pobilohei batanga to olio.

ILOOWALI 16:13

Ti Hagar malohintu todelomo hilaalio “Wolo otutu watia maloo̒onto Allahu Taa̒ala tahelo poo̒tuoto olaatia?” Yi tio malo langgula Eeya, tamalo tahuda mai to olio, “Allahu Taa̒ala Taa Mopoo̒tuoto”.

ILOOWALI 48:16

Tiolo malai̒kati tamalo lopata olau̒ lonto totoonulalo baala. Hinta Allahu Taa̒ala boito mobalakati mai mongo walao̒ botie. Hinta tumumulo tulusi tangguluu̒ wau tanggulei Abraham wolei Isihaka masababu mongo walao̒ botie! Hinta owalaa̒a wombu mola, u dadaata todunia.”

JABURU 89:3

Sababu otaawa lo watotia ponu lo Eeya tatapu ohiheo-hiheolo mao̒ wau diila opulitio, otatapu wau olootolo hilao lo Eeya motoheto debo odelo hulungo.

JABURU 89:34

Bo Wau̒ madebo momonu olei Dauda, wau diila tamomaahu otatapu wau olootolo hilaa-U̒.

PILOTIMUA̒TA 14:14

Eeya mamohipate ode limongoli, wau timongoli diila palalu mohutu mao̒ wolo-wolo.”

PILOTIMUA̒TA 14:19

Lapatao̒ malai̒kati lo Allahu Taa̒ala, tawoluo totalu pasukani lo Isirai̒lu lolimbatao̒ ode wulea. Wau malo limbata olo wolihi heengo

PILOTIMUA̒TA 20:2

“Wau̒lo Eeya Allahu Taa̒ala limongoli tahe lodelo olimongoli yilumualao̒ lonto Masiri tambati pilowatolio olimongoli.

PILOTIMUA̒TA 23:20

“Wau̒ mamolao mai malai̒kati-U̒ meimulo limongoli u moduo̒la olimongoli todelomo nonao̒ wau modelo olimongoli ode tambati u podapato-U̒.

PILOTIMUA̒TA 33:14

Tahuda mai lo Eeya, “Timongoli maduo̒lo-U̒ alihu mowali motolohaku huta u pilodanti-U̒ mai.”

YESAYA 63:9

Eeya lohihilao ilodungga lo usuusa limongolio, Eeya diila lolao utolia meaambo duta; Eeya lohihilaolo talo lopata olimongolio sababu ponu wau odehu hilaa-Lio. Eeya laito molaala olimongolio tumulalo muloololio mai daa̒.

YEREMIA 14:21

Eelailo mai danti lo Eeya, diila mao̒ hinai lo Eeya amiaatia; daantia lo Eeya wolamiaatia diila mao̒ batalia lo Eeya. Yerusalemu tambati potihuloa̒ lo Eeya u molamahu, diila mao̒ hinai lo Eeya.

IMAAMATI 26:42

Wau̒ mamoe̒ela mola daantia-U̒ wolei Yako, Isihaka wau Abraham. Wau̒ mamo pobohu mai danti-U̒ u mongohi mao̒ huta boito ode bangusaa-U̒.

IMAAMATI 26:44

Bo tou̒ timongolio penu boli donggo woluo tolipu lomusu, timongolio diila tatolaa-U̒ meaalo pobinasa-U̒ sama-samaata. Sababu wonu timongolio pobinasa-U̒, uito boliilio Wau̒ momunto daantia-U̒ woli mongolio, hiambola Wau̒ botie Eeya, Allahu Taa̒ala limongolio.

JAKARIA 11:10

Lapatao̒ tunggudu u iluntee lowatia “Omuura” boito hilama lowatia wau biloli lowatia u diila lopomata daantia u pilohutu lo Eeya ode ngoa̒amila bangusa.

MALEAKHI 3:1

Totametai lo Eeya Taa Laba-labaalo kawasa, “Wau̒ mamolao mai utoliya-U̒ u mopodapato dalalo ola-U̒. Yi wolo tumahuo̒lo mola Wau̒, Eeya tahe lolohu olimongoli, mamei dungga ode Belee-U̒. Utoliya-U̒ tahe wooloolo limongoli boito mamei dungga mai wau mopo malalumu daantiaa-U̒.”

YIA̒APO 14:34

Timongoli mamomanta totoonulalo akiibati lodusaamu wopato pulu lotaunu mola hiheolio; ngotaunu lekeniyolo duo̒lo ngohui monto timii̒du wopato puluhui mola upilomake limongoli u helo tulete huta boito. Timongoli mamotota mao̒ woloolo mola rasaalio wonu Wau̒ moluwali olimongoli!

TINGULI 1:8

Wau̒, Eeya, malodanti mai ngoilanggubu huta boito ode loluuhurumu tei Abraham, Isihaka wolei Yako wau wali mai limongolio. Oditolio ponao̒lo mota motihuloa̒ tohuta boito.’ ”

TINGULI 4:34

Wolo tingga woluo ila tuwau u buheli mohama mao̒ bangusa tuwau monto babaa-ngusawalo tawoluo tulusi mopowali mao̒ olimongolio umatilio lohihilao, debo odelo u pilohutu lo Eeya Allahu Taa̒ala limongoli ode limongoli to Masiri? Timongoli loo̒onto lohihilao woloolo mola Allahu Taa̒ala wolo olootolo uleidaa̒ lopodungga mai baala wau popaatea, helo kalaja totoonulalo moo̒linggolabe wau helohutu susuu-aliyaalo moo̒tihela hapato.

TINGULI 7:9

Eelai mao̒ deu̒ Eeya Allahu Taa̒ala limongoli yito tatuwa-tuwaulo Allahu Taa̒ala, wau Tio Allahu Taa̒ala utatapu wau molotolo hilao. Eeya mopoo̒polu dantilio wau mopobilohei ponu-Lio utatapu tunggula ngolihu mola wali ode taa u motolia̒nga o-Lio wau modungohe totoonulalo palentaa-Lio.

YOSUA 3:10

Wonu bolo timongoli de momaju mota, Eeya tantu mamo polahi taulo Kanaa̒n, Het, Hewi, Peris, Girgasi, Amori wau Yebus. Wau tou̒ Bulua Daantia lo Eeya ngilanggubu aalamu mobalangao̒ Yordan meimulo woli mongoli, timongoli mamoo̒onto deu̒ Allahu Taa̒ala tatumu-tumulo woluo tohuungi mongoli.

MONGO HAKIMU 11:24

Wau masaatia botie wolo yio̒ ohilaa muli mohama mao̒? Huta uilohi lei Kamos, dewamu boito, ode olemu mowaliilo debo haku limongoli. Bo wolo u mailohi lo Eeya, Allahu Taa̒ala lamiaatia ode lamiaatia madebo dihima lamiaatia tio̒otutua.

MONGO HAKIMU 13:2

Tou̒ boito woluo talolai̒ ngota tokota Jora. Tanggulio tei Manoah, lonto suku Dan. Dilelio hunusa.

MONGO HAKIMU 13:3

Bo todulahee tuwau malai̒kati lo Eeya lopobilohe batanga olio wau lotahuda, “Ngotilonggadu botie yio̒ diila loo̒ toduo walao̒, bo diilalo mohiheo yio̒ mao̒mbodaa̒ mai, wau mamoo̒tapu walao̒ talolai̒.

MONGO HAKIMU 2:5

Uito sababuulio tambati boito ilunte Bokhim. Lapatao̒ totambati boito tau-tauwalo Isirai̒lu helo podewo bake ode Eeya.

MONGO HAKIMU 6:8

Eeya lolao mai ngotaalio lonabi odeli mongolio. Nabi boito loloi̒ya odie, “Odie mola tahuda mai lo Eeya, Allahu Taa̒ala lo Isirai̒lu: ‘Timongoli mailopatu-U̒ mai lonto polowato to Masiri.