MONGO HAKIMU 19:9 - KITABI HABARI MOPIOHE

⁹ Lapatao̒, tou̒ taulo Lewi boito wolo pipiaalio wau watolio mamo monggato tiyamo lotaabua luli loloi̒ya mao̒, “Dulahee mamembideo̒ lou̒ hui, bolo ngopee̒ mola mamo dio̒lomai. Lebe mopiohe motihuipo tewe wau motisana-sanangi. Lombu timongoli mowali mobongu didimodupo u momonggato wau mohualingo.”

MONGO HAKIMU 19:9 Iomraidhean Croise

OLUO LO SAMUEL 13:28

Tio helo poa̒hu tomongo watolio, “Poo̒tuota mao̒ tio̒otutua, wonu tei Amnon mahiluwoa̒ sababu longilu angguru, wau̒ mamongohi mai palenta, lapatao̒ pateaalo tio mate-mateelo mao̒. Diila mao̒ oohe. De wau̒ tatihu-tihulo to sua̒li boito. Pohutuwalo lou̒ buheli, wau diila polawalo!”

POHUMAYA 27:1

Diila mao̒ pomiilu pasali lou̒ loombu, sababu diila otaawamu wolo u de mamotoduo mai.

LUKASI 24:29

bo timongolio lolahangi o-Lio, “Potitolaapo totambati lamiaatia,” loi̒ya mao̒ limongolio o-Lio, “masaatia mabolo ngopee̒ mola hui wau mamo dio̒lomai olo.” Yi ti Isa tilumuwotao̒ u lotitihui totambati limongolio.

MONGO HAKIMU 19:10

Bo taulo Lewi boito diilalo lohuto lotitihui teto. Tio wau pipiaalio lomonggato, pee̒-pee̒enta wolo watolio wau kolodailio mohelu duluo u osaali. Tou̒ dulahee mamembideo̒ lou̒ hui, timongolio leidungga mola totili lo Yebus (deu̒yito-yito Yerusalemu). Lapatao̒ wato boito loloi̒ya mao̒ odeli tuanilio, “Tuani, duloolo ito mohepitao̒ wau motitihui to kota taulo Yebus botie wambai̒o.”

MONGO HAKIMU 19:6

Yi lotihuo̒olo taulo Lewi boito tulusi lolamela pee̒-pee̒enta woliyamo lotaabua boito. Bo tou̒ tio tilimihula mola mamo monggato, tiyamo lotaabua malomiyo olio alihu diila monao̒. “Potiwenga-wengahupo,” ualio mao̒, “wau potihuipo tewe.” Yi loti tolaapo taulo Lewi boito teto ngohuipo mola.

MONGO HAKIMU 19:8

Todulahee olimolio, didimodupa daa̒, tou̒ tio mamo monggato, tiyamo lotaabua boito luli loloi̒ya mao̒, “Ntali, polamelopo, ngopee̒epo bolo momonggato.” Yi timongolio duduulota malo lamelo pee̒-pee̒enta wau hiboyua tunggula dulahee mahe tumolopa mota.

RUT 3:7

Lapatao̒ tei Boas yilapato lolamelo wau longilu, tio maa ilolulia lohilao wau hilaalio olo sanangi. Lapatao̒ tio mota lotuluhe totili huntua lopale. Lou̒ piopio ti Rut lonao̒ mai wau lomuo̒ mao̒ pohuloto lei Boas, lapatao̒ lotibalato tio totili lo oa̒atio.