MONGO HAKIMU 19:1 - KITABI HABARI MOPIOHE

¹ Tou̒ Isirai̒lu diipo o olongia, woluo ngotaalio lo Lewi tabilu-biluloa̒ tokambungu, tomadala hihui̒-hui̒dea lo Epraim. Tio malohama taabua ngota lonto Betlehemu Yehuda lowali pipiaalio.

MONGO HAKIMU 19:1 Iomraidhean Croise

ILOOWALI 22:24

Tei Nahor opipia tai̒lunte Reuma wau pipia boito helo potutu mai olei Tebah, Gaham, Tahas wolei Maakha.

ILOOWALI 25:6

tomaasa tutumulio tio malongohi mao̒ dadaata palaseni tomongo walao̒ tahe lotapulio mai to didiilelio wewo. Lapatao̒ he ilahulalio mongo walao̒ boito lolimbata ode lipu to ambahu tiimuru lo Kanaa̒n, alihu mohalaheo̒ monto olei Isihaka walai̒o.

ILOOWALI 35:19

Lapatao̒ ti Rahel yilate mao̒, mailobungio tio totili lodalalo udulu-dulunga ode Eprata, u masaatia ilunte Betlehemu.

OLUO LO SAMUEL 16:22

Oditolio, odelei Absalom pilohutualio kema toitaato watopo lobele biluloa̒ saaha li olongia upaya-payadu boito. Lapatao̒ lou̒ iloontonga lotaa ngoa̒amila tei Absalom tilumuwotao̒ ode delomo kema boito wau malo tuluhe wolo mongo pipia liyamolio.

OLUO LO SAMUEL 19:5

Tei Yoab malonao̒ mota lotaalua woli olongia wau loloi̒ya mao̒, “To dulahe botie ti Baginda malo poo̒olito to tahidudua̒ oli Baginda, lebelebe pomao̒ timongoliolo tamalo poa̒ahu nyawa li Baginda, nyawa lomongo walao̒ talolai̒ wau taabua, dile wau pipia li Baginda.

OLUO LO SAMUEL 20:3

Tou̒ tei Dauda leidungga mola ode bele biluloa̒ saaha li olongialio, to Yerusalemu, tamopulu lota pipia tatilolaalio mao̒ helodaha bele biluloa̒ saaha li olongia, pilopo-tambatilio todelomo bele u dilaha lo tamoo-kawalia. U palaluo limongolio pilopo dapato tutuuu̒delo mao̒, bo tei Dauda diilalo pee̒enta mao̒ helo tuluhu woli mongolio. Oditolio timongolio boito pingi-pingito wau tutumuli mongolio debo odelo diilalo ilodile tunggula yilate.

OLUO LO SAMUEL 3:7

Tou̒ dulahee tuwau tei Isyboset, talolai̒ lei Saul, lopotuludeo̒ olei Abner lotuluhee wolo ngotaalio lopipia lei Saul tai̒lunte Rispa walae̒e Aya.

OLUO LO SAMUEL 5:13

Lapatio mao̒ tei Dauda lolimbata lonto Hebron ode Yerusalemu, tio lodiilea poli wolo dengolo lota mongobua wau helohama olo dengolo lota mongobua lowali pipialio; yi iloduhengalo mola walai̒o talolai̒ wau taabua.

BOHULO MONGO OLONGIA 11:3

Woluo pitu lohetuto lota puusili tahi bangusawa henilika lei Salomo, wau woluo olo tolo hetuto lota pipialio. Mongo dile boi-boitolo taloo̒ sababu olei Salomo malo lolaa to Allahu Taa̒ala,

BOHULO MONGO OLONGIA 4:8

Tamopulaa duulota uhuuhu boito hetilau̒wa longotaalio gubolonulu. Uti-utieelo tanggulo mongo uhuuhu wau madala to kawasa limongolio: Ben-Hur: madala hihui̒-hui̒dea lo Epraim Ben-Deker: kota Makas, Saalbim, Bet-Semes, Elon, Bet-Hanan Ben-Hesed: kota lo Arubot, Sokho, wau ngoilanggubu madala Heper Ben-Abinadab, dile li Tapat puusili lei Salomo: ngoilanggubu madala Dor Baana walae̒e Ahilud: kota Taa̒nakh, Megido, wau ngoilanggubu madala totili lo Bet-Sean, totili lokota Sartan to ambahu huliaalio lokota Yijreel demola ngoilamingo lokota Abel-Mehola wau kota Yokmeam. Ben-Geber: kota Ramot to Gilead, kakaa-mbunguwalo to Gilead haku lokaumu Yair wali lei Manasye, madala Argob to Basan; ngoa̒amilalo wolomo pulu kota duduulaa̒ upiloo̒ toheetio wolo biintengi wau papaa-langiyalo polunggu to huhuu-rubangilio madala lei Abinadab walae̒e Ido: madala Mahanaim lei Ahimaas, dile li Basmat puusili lei Salomo: madala Naputali lei Baana walae̒e Husa: madala Asyer, kota Alot lei Yosapat walae̒e Paruah: madala Isakhari lei Simei walae̒e Ela: madala Benyamin lei Geber walae̒e Uri: madala Gilead, u muloololio mai tokawasa lei Sihon olongia lo Amori, wau lei Og olongia lo Basan.

OLUO TAWARI 11:21

Tei Rehabeam odile mopulaa walu lota wau pipia wolomo pulu lota, walao̒ mongo lolai̒ dulo pulaa walu lota wau walao̒ mongobua wolomo pulu lota. Monto ngoa̒amila dile wau pipialio boito, tao̒ tolia̒ngio tutu yito ti Maakha.

ESTERI 2:14

Tio dilolio mota ode bele biluloa̒ li olongia tou̒ hui, wau loombulio mola tio deloolio ode bele biluloa̒ li olongia wewo, wau iluurusi mao̒ lei Saasgas, ngotaalio utolo-tolomodu dihudihu pantungo lipu u monguurusi mongo pipia li olongia. Tadulahu boito diilalo mai motaalua woli olongia, ngopohia wonu ti olongia muli mokahandaki olio wau motianga olio wolo mongunte mao̒ tanggulio.

DANIALI 5:3

Hua̒a dilelolio mai mamaa-nggowaalo boito ode olio, lapatao̒ timongolio ngoa̒amila malongilu lonto pakaakasi lo minumani boito.

MALEAKHI 2:15

Diila maa Allahu Taa̒ala Taa Laba-labaalo Tuwau lopowali olimongoli ngobatanga wau ngojiwa wolo taabua boito? Wolo makasudu lo Eeya woleeto? Diaaluo patuju uwewo ngopohia alihu timongolio moo̒toduo mai mongo walao̒ tamowali umati lo Allahu Taa̒ala ututuulio tutu. Oditolio poo̒dahailo mao̒ batangamu, diila bolo woluo towolota limongoli tadiila tatapu wau molotolo hilao to dilelio.

MATIUSI 2:6

‘Yio̒ Betlehemu, tolipu lo Yehuda, yio̒ sama-samaata diila pulito ukikiio̒ towolota lo kokoo-tawaalo upolohuna daa̒ to Yehuda. Sababu monto olemu mamei dungga mai tau̒wa ngota tamamo titau̒wa to umati-U̒ Isirai̒lu.’ ”

YOSUA 24:30

Tio yilobungio tohuta milikiilio lohihilao to Timnat-Sera to hihui̒-hui̒dea lo Epraim ambahu tilayo lo Hui̒dee Gaas.

YOSUA 24:33

Lapatao̒ tei Eleajar walae̒e Haruna olo yilate, wau yilobungio to Gibea, deu̒yito-yito kota u dudutuulio tolipu hihui̒-hui̒dea lo Epraim. Kota boito mailohi odelei Pinehas, walae̒e Eleajar. 1

MONGO HAKIMU 12:8

Lapatao̒ tei Yepta, umati lo Isirai̒lu tilau̒wa lei Ebjan lonto Betlehemu.

MONGO HAKIMU 17:1

Woluo talolai̒ ngota tai̒lunte Mikha. Tio bilu-biluloa̒ tomadala hihui̒-hui̒dea tomadala lo Epraim.

MONGO HAKIMU 17:6

Tou̒ boito bangusa lo Isirai̒lu diila o olongia; ngota-ngota hipohutua wolo uhe lantobulio mopiohu.

MONGO HAKIMU 17:7

Tou̒ boito olo woluo tabohulotau ngota lonto Lewi. Bohu-bohulio mai tio bilu-biluloa̒ to Betlehemu tomadala lo Yehuda.

MONGO HAKIMU 17:8

Bo botia tio malo lolaa mao̒ kota boito wau donggo tononao̒lio hemololohe tambati u poti biluloa̒lo uwewo. Todelomo nonao̒lio boito tio malei dungga mola tobele lei Mikha tomadala hihui̒-hui̒dea tomadala lo Epraim.

MONGO HAKIMU 18:1

Tou̒ boito to Isirai̒lu diila o olongia. Suku Dan donggo hemo lolohe lipu u mowali madala limongolio, sababu timongolio olo diipo heloo̒tapu huta wolo susuu-kuwaalo wewolio todelomo bangusa lo Isirai̒lu.

MONGO HAKIMU 18:13

Mola lonteeto timongolio lonao̒ tulusi ode madala hihui̒-hui̒dea lo Epraim demola bele lei Mikha.

MONGO HAKIMU 19:16

Tou̒ timongolio donggo hihuloa̒ to tanalapa lokota, malonao̒ mai taa panggola ngota taboheli lohualingai lonto kalajaalio to halabolu. Tio tutuulio tutu asaliilio mai lonto madala hihui̒-hui̒dea lo Epraim bo botia bilu-biluloa̒ to Gibea. (Ulipu wewolio to Gibea yito taulo Benyamin.)

MONGO HAKIMU 19:2

Bo lapatio mao̒ taabua boito loingo to olio, tilinggula tio luli lohualinga ode bele liyamolio to Betlehemu. Lapatao̒ taabua boito lotibiluloa̒ mola teto wopato hula mola hiheolio,

MONGO HAKIMU 21:25

Tojamani boito dipooluo olongia to Isirai̒lu. Ngota-ngota hipohutua wolo u anggapuolio otutu.

MONGO HAKIMU 3:27

Lolamemeta tou̒ leidungga mola odelipu hihui̒-hui̒dea lo Epraim, tio malohiipa torompeti u lotingai taulo Isirai̒lu motuuhua. Timongolio lonao̒ mai lapatao̒ tio malodelo olimongolio lotuhuta mola lonto madala hihui̒-hui̒dea boito.