MONGO HAKIMU 18:8 - KITABI HABARI MOPIOHE

⁸ Tou̒ talimo lota boito luli lohualinga mola ode tau-tauwalo ngosuku wolio to Jora wau Esytaol, timongolio hepilo hileyalio lapuurani.

MONGO HAKIMU 18:8 Iomraidhean Croise

YOSUA 15:33

Kokoo-tawaalo, u tuwotuwoto kakaa-mbunguwalo topalitio, u dudutuulio to bubuu-ngowaalo huludu, ngoa̒amilalo woluo mopulaa pato kota, deu̒yito-yito: Esytaol, Jora, Asna, Janoah, En-Ganim, Tapuah, Enam, Yarmut, Adulam, Sokho, Ajeka, Saaraim, Aditaim, Gedera wau Gederotaim.

MONGO HAKIMU 13:2

Tou̒ boito woluo talolai̒ ngota tokota Jora. Tanggulio tei Manoah, lonto suku Dan. Dilelio hunusa.

MONGO HAKIMU 16:31

Lapatao̒ malonao̒ mai mongo pohutatalio wau ngoa̒amila kaumu ngaalaa̒lio mai lohama milatelio. Dilelo limongolio lohualingo milatelio boito, wau lolobungao̒ tokuubulu lei Manoah, tiyamolio. Kuubulu boito dudutuulio towolota lo Jora wau Esytaol. Tei Simson lowali tau̒wa lo Isirai̒lu dulo pulu lotaunu mola hiheolio.

MONGO HAKIMU 18:11

Sababu uito, pomonggatolo monto Jora wau Esytaol wolomo hetuto lota suku Dan. Wolo tingolo u wimu-wimumuto,

MONGO HAKIMU 18:2

Sababu uito timongolio helo lulaotao̒ limolota tahi buheelia towolota lo ngoa̒amila kaumu todelomo suku limongolio tahi biluloa̒wa to Jora wau Esytaol, lapatao̒ longohi mao̒ tuugasi to talimo lota boito mola lotulete lipu boito. Yi malo monggatolo tau-tauwala boito, wau leidungga mola tomadala hihui̒-hui̒dea tomadala lo Epraim. Mola teto timongolio lotihui tobele lei Mikha.

MONGO HAKIMU 18:7

Lapatao̒ uito malo monggatolo talimo lota boito tulusi lonao̒ ode Lais. Mota teto hepiloo̒ tuotao̒ limongolio ulipulio. Malo ilaalo deu̒ dudelo tutumulo ulipu lo Lais boito debo odelo dudelo tutumulo bangusa lo Sidon. Eleponu timongolio tihitihi mola wau molaminga monto bangusa lo Sidon, timongolio hitumula aamani wau tantaramu, diila omusu, maa̒amulu, wau diila okuulangia penu boli u hitua-tuawua.

MONGO HAKIMU 18:9

Timongolio olo loloi̒ya mao̒, “Dulo ito moluhu Lais. Ami malonao̒ mola odito, wau loo̒onto deu̒ hutalio mopiohu, luasi wau maa̒amulu, ngoa̒amilalo woluo. Diila bo potitatapu wambai̒o tewe wau diila tamohutu wolo-wolo. Aliheo̒olo mola odito wau mohama lipu boito. Timongoli mamoo̒ dungga deu̒ ulipulio sama-samaata diila molantobu u mamoluhu olimongolio. Ami yakini deu̒ Allahu Taa̒ala malongohi mai lipu boito ode limongoli.”