MONGO HAKIMU 18:29 - KITABI HABARI MOPIOHE

²⁹ Tanggulo kota boito bilolio̒ limongolio lowali Dan, lodudua̒ao̒ tanggulo tiyamo loluuhuru limongolio, deu̒yito-yito tei Dan walae̒e Yako.

MONGO HAKIMU 18:29 Iomraidhean Croise

ILOOWALI 14:14

Tou̒ tei Abram loo̒dungohe deu̒ pou̒walaa̒lio tilawaalio, mailimoi̒o ngoa̒amila taa todelomo kemalio, deu̒yito-yito tamotota mopaatea ngodaata tolo hetuto mopulaa walulota, tulusi lohilapita olongia wopatota boito demola kota Dan.

ILOOWALI 30:6

Ti Rahel loloi̒ya, “Allahu Taa̒ala malo mutoa̒i duo̒lo polohuna daa̒ olaa̒atia. Dilungohe-Lio dua̒au̒ wau yilohia-Lio mai walao̒ talolai̒ ngota ode laatia.” Tulusi ilunteelio walao̒ boito Dan.

ILOOWALI 32:28

Ualo tau boito, “Tanggulumu diilalo Yako. Yio̒ malo hipate wolo Allahu Taa̒ala wau wolo manusia, wau yio̒ loo̒haama; sababu uito tanggulumu malowali Isirai̒lu.”

OLUO LO SAMUEL 17:11

Masababu uito, nasehati lowatotia odie: Ambuwalo mao̒ ngoa̒amila taulo Isirai̒lu monto ngoilanggubu lipu, tilinggula jumulaalio odelo daata lo hungayo tobiihu pentadu. Lapatao̒ ti Paduka lohihilaolo tamodelo olimongolio momaju mopaatea.

BOHULO MONGO OLONGIA 15:20

Tei Benhadad akolo wolo hihiile boito lapatao̒ helo poa̒hu mongo polowilalio wolo pasuukani limongolio u loluhu kokoo-tawaalo Isirai̒lu. Timongolio lopoo̒laaheo̒ Iyon, Dan, Abel-Bet-Maakha wau Kinerot membideo̒ bulalo Galilea wau ngoilanggubu madala Naputali.

YEREMIA 8:16

Musu mawaluo tokota Dan; ii̒i lowadala limongolio mai̒lo dungohe, wau ngoilanggubu lipu mailoohe. Musu monao̒ mai mongantulu ngoilanggubu lipunto, wau olo kotaanto wau ngoa̒amila tuango lipulio.”

TINGULI 34:1

Lapatao̒ tei Musa lololaa mao̒ datahu lo Moab wau lotao̒ode mola ode Hui̒dee Nebo, to bolitutuo̒ lo Pisga to ambahu tiimuru lokota Yerikho. Mota teto Eeya lopoi̒laalo to olio ngoilanggubu lipu boito, deu̒yito-yito: Madala lo Gilead totilayo ngoilaminga kota lo Dan;

YOSUA 19:47

Tau-tauwalo suku Dan, mailoolia ngotayadu lomadala limongolio, oditolio timongolio malonao̒ ode Lesem wau heloluhu kota boito. Timongolio malohama dulo kota boito, wau helomate yila-yilateelo mao̒ ulipulio wau longawasa kota boito. Yi malo tibiluloo̒ timongolio mota teto wau lolomelao̒ tanggulo Lesem boito lowali kota Dan, lodudua̒ tanggulo loluuhuru limongolio.

MONGO HAKIMU 18:7

Lapatao̒ uito malo monggatolo talimo lota boito tulusi lonao̒ ode Lais. Mota teto hepiloo̒ tuotao̒ limongolio ulipulio. Malo ilaalo deu̒ dudelo tutumulo ulipu lo Lais boito debo odelo dudelo tutumulo bangusa lo Sidon. Eleponu timongolio tihitihi mola wau molaminga monto bangusa lo Sidon, timongolio hitumula aamani wau tantaramu, diila omusu, maa̒amulu, wau diila okuulangia penu boli u hitua-tuawua.

MONGO HAKIMU 20:1

Yi malonao̒ mai ngoilanggubu umati lo Isirai̒lu lonto Dan to tilayo demola Bersyeba to huliaalio, wau Gilead totiimuru, u lopoo̒polu mai titiango boito. Timongolio lotia̒mbu wau helo panggala to Mispa totalu lo Eeya.