MONGO HAKIMU 18:27 - KITABI HABARI MOPIOHE

^27-28 Lapatao̒ tau-tauwalo suku Dan boito lopoteteo̒ oli iimamu boito wau babaa-langiyalo u hepo hunaalo moibadati upilohutu lei Mikha boito, timongolio mola loluhu Lais, kota ulipulio hitumula aamani wau dame. (Kota boito dudutuulio todelomo lumbaya tuwau wolo kota Bet-Rehob). Tau-tauwalo Dan boito helomate yila-yilateelo mao̒ ngoa̒amila ulipu lo Lais lapatao̒ lolumbila kota boito. Diaaluo talonao̒ mai helo tuulungi totau-tauwalo Lais boito sababu tambati limongolio tihitihi wau molaminga monto Sidon. Lapatao̒ uito tau-tauwalo Dan luli lomongu mao̒ kota boito tulusi lotibiluloa̒ mola teto.

MONGO HAKIMU 18:27 Iomraidhean Croise

ILOOWALI 49:16

Yio̒ Dan, mamomutoo̒ bangusamu, yio̒ mowali suku debo odelo suku uwewo to Isirai̒lu.

TINGULI 33:22

Pasali losuku Dan tio loloi̒ya mao̒: “Dan debo odelo singa buboto tuwau u lumantio̒ lumualao̒ monto Basan.”

YOSUA 19:47

Tau-tauwalo suku Dan, mailoolia ngotayadu lomadala limongolio, oditolio timongolio malonao̒ ode Lesem wau heloluhu kota boito. Timongolio malohama dulo kota boito, wau helomate yila-yilateelo mao̒ ulipulio wau longawasa kota boito. Yi malo tibiluloo̒ timongolio mota teto wau lolomelao̒ tanggulo Lesem boito lowali kota Dan, lodudua̒ tanggulo loluuhuru limongolio.

MONGO HAKIMU 18:26

Lapatao̒ loloi̒ya mao̒ odito, tau-tauwalo suku Dan boito lopo tolonga mola nonao̒ limongolio. Tei Mikha loo̒onto deu̒ timongolio lebe molotolo daa̒ wolio, sababu uito tio luli lobale tulusi lohualingo.

MONGO HAKIMU 18:7

Lapatao̒ uito malo monggatolo talimo lota boito tulusi lonao̒ ode Lais. Mota teto hepiloo̒ tuotao̒ limongolio ulipulio. Malo ilaalo deu̒ dudelo tutumulo ulipu lo Lais boito debo odelo dudelo tutumulo bangusa lo Sidon. Eleponu timongolio tihitihi mola wau molaminga monto bangusa lo Sidon, timongolio hitumula aamani wau tantaramu, diila omusu, maa̒amulu, wau diila okuulangia penu boli u hitua-tuawua.

MONGO HAKIMU 8:11

Tei Gideon helo tiduluhee mola to sipatana lohuta ohungaya u luasi daa̒ to ambahu tiimuru lo Nobah wau Yogbeha lapatao̒ bolo tilumahuo̒lo mola loluhu musu.