MONGO HAKIMU 18:26 - KITABI HABARI MOPIOHE

²⁶ Lapatao̒ loloi̒ya mao̒ odito, tau-tauwalo suku Dan boito lopo tolonga mola nonao̒ limongolio. Tei Mikha loo̒onto deu̒ timongolio lebe molotolo daa̒ wolio, sababu uito tio luli lobale tulusi lohualingo.

MONGO HAKIMU 18:26 Iomraidhean Croise

ILOOWALI 49:16

Yio̒ Dan, mamomutoo̒ bangusamu, yio̒ mowali suku debo odelo suku uwewo to Isirai̒lu.

BOHULO MONGO OLONGIA 12:29

Lapatao̒ tei Yerobeam lopo tambati mao̒ tuwau lonto sapi hulawa boito to Betel wau uwewolio to Dan.

YEHESKIEL 48:1

Siipati lohuta to ambahu tilayo u haya-hayao̒ ode tiimuru, tumulalo mai monto Lau Tenga ode mantahu kota Helton, dalalo tumuwota ode Hamat, kota Hajar-Enan, demola siipati to wolota lokota Damusiki wau kota Hamat. Susuu-kuwaalo u wumbutio mola botie ngota-ngota musi moo̒tapu ngotayadu monto huta tanggalio monto siipati tiimuru dulu-dulunga ode otolopa demola Lau Tenga, todelomo toyunuto odie mola monto tilayo ode huliaalio: Dan Aser Naputali Manase Epraim Ruben Yehuda

MONGO HAKIMU 18:25

Ualo tau-tauwalo suku Dan boito, “Lebe mopiohe moheu̒tao̒ tunggilo; diila bolo tau-tauwala botie mamoingo tulusi moluhu olemu. De yio̒ wau ngoa̒amila ngaalaa̒mu mate.”

MONGO HAKIMU 18:27

Lapatao̒ tau-tauwalo suku Dan boito lopoteteo̒ oli iimamu boito wau babaa-langiyalo u hepo hunaalo moibadati upilohutu lei Mikha boito, timongolio mola loluhu Lais, kota ulipulio hitumula aamani wau dame. (Kota boito dudutuulio todelomo lumbaya tuwau wolo kota Bet-Rehob). Tau-tauwalo Dan boito helomate yila-yilateelo mao̒ ngoa̒amila ulipu lo Lais lapatao̒ lolumbila kota boito. Diaaluo talonao̒ mai helo tuulungi totau-tauwalo Lais boito sababu tambati limongolio tihitihi wau molaminga monto Sidon. Lapatao̒ uito tau-tauwalo Dan luli lomongu mao̒ kota boito tulusi lotibiluloa̒ mola teto.