MONGO HAKIMU 18:2 - KITABI HABARI MOPIOHE

² Sababu uito timongolio helo lulaotao̒ limolota tahi buheelia towolota lo ngoa̒amila kaumu todelomo suku limongolio tahi biluloa̒wa to Jora wau Esytaol, lapatao̒ longohi mao̒ tuugasi to talimo lota boito mola lotulete lipu boito. Yi malo monggatolo tau-tauwala boito, wau leidungga mola tomadala hihui̒-hui̒dea tomadala lo Epraim. Mola teto timongolio lotihui tobele lei Mikha.

MONGO HAKIMU 18:2 Iomraidhean Croise

ILOOWALI 42:9

Lapatao̒ tio loo̒e̒ela mola tohiilopio tomimbihu olimongolio. Wau malo loi̒ya mao̒ tio, “Timongoli botie tamoo-hehulawa; timongoli malonao̒ mai motulete mao̒ tou̒toonu olulupuhu lolipu lami.”

POHUMAYA 20:18

Lanjana otilapulo wolo momikiilangi mopio-piohulo mao̒ u molantu; sababu uito, diila mao̒ pohipate lou̒ diila mohutu mao̒ lanjana u moontapo.

YIA̒APO 13:17

Tou̒ tei Musa lopoa̒hu olimongoli lomonggato, tio lolahuli mao̒ olimongolio, “Polibaya mola to ambahu tilayo, motidulunga ode wimbihu huliaalio huta lo Kanaa̒n, lapatao̒ tulusi ode madala ohuludio.

LUKASI 14:31

Wonu olongia ngota tao̒pajule mopulolihu lota motohilaa mopaatea wolo olongia wewo tao̒pajule dulo pulolihu lota, tantu olongia boito mamo tihuloo̒ motimbangipo meimulo wolo tio moo̒ tahangi moluwali musulio boito.

YOSUA 15:33

Kokoo-tawaalo, u tuwotuwoto kakaa-mbunguwalo topalitio, u dudutuulio to bubuu-ngowaalo huludu, ngoa̒amilalo woluo mopulaa pato kota, deu̒yito-yito: Esytaol, Jora, Asna, Janoah, En-Ganim, Tapuah, Enam, Yarmut, Adulam, Sokho, Ajeka, Saaraim, Aditaim, Gedera wau Gederotaim.

YOSUA 19:41

Madala limongolio botie hamahama Jora, Esytaol, Ir-Semes,

YOSUA 2:1

Lapatao̒ lonto polokemawa to Sitim, tei Yosua longutolia taa u motulete lou̒ poo̒-poo̒oyo taduulota ode Kanaa̒n. Taduulota boito pilei̒ tuletealio lipu lo Kanaa̒n wolo tua̒ao̒-tua̒ao̒ lebe-lebe daa̒ kota lo Yerikho. Yi malonao̒lo timongolio ode kota boito, wau lotihui to bele lotaabua ngota tasuuntali, tai̒lunte Rahab.

YOSUA 2:2

Ti olongia kota lo Yerikho loo̒dungohe deu̒ tou̒ hui boito woluo taulo Isirai̒lu lonao̒ mai motulete lou̒ poo̒-poo̒oyo madala lo Yerikho.

MONGO HAKIMU 13:2

Tou̒ boito woluo talolai̒ ngota tokota Jora. Tanggulio tei Manoah, lonto suku Dan. Dilelio hunusa.

MONGO HAKIMU 13:25

wau tou̒ tio woluo tokema suku Dan, u dudutuulio to wolota lo Zora wau Esytaol, Rohullah malongohi lotolo to olio.

MONGO HAKIMU 16:31

Lapatao̒ malonao̒ mai mongo pohutatalio wau ngoa̒amila kaumu ngaalaa̒lio mai lohama milatelio. Dilelo limongolio lohualingo milatelio boito, wau lolobungao̒ tokuubulu lei Manoah, tiyamolio. Kuubulu boito dudutuulio towolota lo Jora wau Esytaol. Tei Simson lowali tau̒wa lo Isirai̒lu dulo pulu lotaunu mola hiheolio.

MONGO HAKIMU 17:1

Woluo talolai̒ ngota tai̒lunte Mikha. Tio bilu-biluloa̒ tomadala hihui̒-hui̒dea tomadala lo Epraim.

MONGO HAKIMU 18:11

Sababu uito, pomonggatolo monto Jora wau Esytaol wolomo hetuto lota suku Dan. Wolo tingolo u wimu-wimumuto,

MONGO HAKIMU 18:13

Mola lonteeto timongolio lonao̒ tulusi ode madala hihui̒-hui̒dea lo Epraim demola bele lei Mikha.

MONGO HAKIMU 18:3

Tou̒ timongolio matumuwotao̒ ode bele boito ilodungohe limongolio taa bohulotau boito hemobisala wau iloonuhe limongolio lapaalio. Oditolio, timongolio lotahudeo̒ olio wau helohintu mao̒, “Yilongola yio̒ tewe? Wolo ulusanimu? Tatoonu talodelo mai olemu?”

MONGO HAKIMU 18:8

Tou̒ talimo lota boito luli lohualinga mola ode tau-tauwalo ngosuku wolio to Jora wau Esytaol, timongolio hepilo hileyalio lapuurani.

MONGO HAKIMU 19:1

Tou̒ Isirai̒lu diipo o olongia, woluo ngotaalio lo Lewi tabilu-biluloa̒ tokambungu, tomadala hihui̒-hui̒dea lo Epraim. Tio malohama taabua ngota lonto Betlehemu Yehuda lowali pipiaalio.

MONGO HAKIMU 19:18

Taulo Lewi boito lolametao̒, “Amiaatia boheli lonto Betlehemu to Yehuda, wau donggo todelomo nonao̒ hiwalinga ode bele tokambungu to hihui̒-hui̒dea lo Epraim. Asalimai lowatia mola lonteeto mai. Diaaluo penu boli ngotaa mao̒ lonto ulipu lokota botie ohilaa mololimo olamiaatia tobelelio u motitihui.