MONGO HAKIMU 17:8 - KITABI HABARI MOPIOHE

⁸ Bo botia tio malo lolaa mao̒ kota boito wau donggo tononao̒lio hemololohe tambati u poti biluloa̒lo uwewo. Todelomo nonao̒lio boito tio malei dungga mola tobele lei Mikha tomadala hihui̒-hui̒dea tomadala lo Epraim.

MONGO HAKIMU 17:8 Iomraidhean Croise

YOSUA 24:33

Lapatao̒ tei Eleajar walae̒e Haruna olo yilate, wau yilobungio to Gibea, deu̒yito-yito kota u dudutuulio tolipu hihui̒-hui̒dea lo Epraim. Kota boito mailohi odelei Pinehas, walae̒e Eleajar. 1

MONGO HAKIMU 17:11

Tabohulotau lo Lewi boito akolo, lapatao̒ tio piluduo̒ lei Mikha lowali iimamulio. Tio malo tibiluloa̒ tobele lei Mikha wau hepilo hutulio tio debo odelo walai̒o pulua lei Mikha lohihilao.

MONGO HAKIMU 17:7

Tou̒ boito olo woluo tabohulotau ngota lonto Lewi. Bohu-bohulio mai tio bilu-biluloa̒ to Betlehemu tomadala lo Yehuda.

MONGO HAKIMU 17:9

Tei Mikha lohintu mao̒ olio, “Wutata botie tau lou̒toonu?” Tau boito lolametao̒, “Watia taulo Lewi lonto Betlehemu to Yehuda. Watia donggo hemo lolohe tambati poti biluloa̒lo.”

RUT 1:1

To jamani muloololio mai tou̒ Isirai̒lu diipo o olongia ngota, lipu lo Kanaa̒n ilodungga lobaala polobiti. Tou̒ boito woluo talolai̒ ngota tai̒lunte Elimelekh. Tio lonto kaumu Eprata, wau bilu biluloa̒ to Betlehemu tomadala lo Yehuda. Sababu baala lopolobiti boito, yi tio lonao̒ ode Moab wolo dilelio, ti Nao̒mi, wau walai̒o talolai̒ duulota: tei Mahlon wolei Kilyon. Lapatao̒ timongolio lotibiluloa̒ mola teto. Tou̒ timongolio donggo mola teto,