MONGO HAKIMU 17:4 - KITABI HABARI MOPIOHE

⁴ Lapatao̒ tei Mikha luli lopo walingao̒ doi boito odeli maamalio, wau timaamalio boito malohama dulo hetuto pita lonto doi boito, wau longohi mao̒ ode ngotaalio pani lotalaa̒. Lapatao̒ tio lopoa̒hu pani boito helohutu bui̒ lo ayu tuwau u yilolude wolo talaa̒ boito. Lapatao̒ bui̒ boito dilutulio tobele lei Mikha.

MONGO HAKIMU 17:4 Iomraidhean Croise

YESAYA 30:22

Bubuu-iyaalo balaahala limongoli u woluwolude talaa̒ wau hulawa matapilo limongoli debo odelo bountu, sambela moloi̒ya, “Ponao̒olo batangau̒!”

YESAYA 44:13

Pani lo ayu loluu̒udeo̒ ayu. Tio logambari pongawaa̒ wolo tilo, lomaisaka wolo pakaakasilio wau lopowali mao̒ bui̒ manusia ugaaga, lapatao̒ lopotambati mao̒ tobelelio.

HABAKU 2:18

Malaa̒-laa̒natilo yio̒! Yio̒ loloi̒ya ode ayu ngoputu, “Tihuloolo mola!” meaalo ode botu leidaa̒ tuwau, “Pobongulo!” Wolo mowali bui̒ tuwau moloi̒ya u hitua-tuawua to olemu. Mowaliilio bui̒ noito owolodu hulawa wau talaa̒, bo nyawa diaaluo to olio. Wolo hunalio bui̒ balaahala? Uito bo huhutu lomanusia wambai̒o. U motapumu monto olio bo wimbulo ngoa̒amilalo. Diila ohuna oyoyakini lo tamoohutua balaahala duo̒lo huhutu lo uluu̒lio, u diila mowali mobisala boito.

TINGULI 27:15

Tau-tauwalo Lewi: ‘Malaa̒-laa̒anatilo taa u mohutu bui̒ monto botu, ayu meaalo logamu, wau molubo olio wolo tua̒ao̒-tua̒ao̒; Eeya molonuo̒ tamomuja balaahala!’ Ngoilanggubu ulipu: ‘Amin!’

MONGO HAKIMU 17:3

Tei Mikha lopo walingao̒ doi boito odeli maamalio, lapatao̒ timaamalio loloi̒ya mao̒, “Alihu yio̒, walau̒uu̒, molopata monto laa̒anati u mailoi̒yau̒ boito, wau̒ mamopodewo ode Eeya talaa̒ botie u pomake pohutu bui̒ lo ayu u woludela lotalaa̒. Oditolio doi boito muli pohualinguu̒ mai olemu.”

MONGO HAKIMU 17:5

Tei Mikha lohihilao maa otambati tuwau u hepo dewowalo. Tio helohutu mao̒ dengolo bui̒ balaahala wau ngopangge epod lapatao̒ lomudua̒ao̒ tala ngota lowalai̒o talolai̒ lowali iimamu.

MONGO HAKIMU 18:17

Olimo lota tatilugasia motulete lou̒ boito lato tilumuwotao̒ ode delomo bele, lapatao̒ helohama bui̒ lo ayu uwolu-wolude talaa̒ boito pee̒-pee̒enta wolo bubuu-iyaalo wewolio, wau epod. Tabohulotau lo Lewi boito donggo tihutihula wolo olomo hetuto pajule boito tohuhebu hulubangi.