MONGO HAKIMU 17:3 - KITABI HABARI MOPIOHE

³ Tei Mikha lopo walingao̒ doi boito odeli maamalio, lapatao̒ timaamalio loloi̒ya mao̒, “Alihu yio̒, walau̒uu̒, molopata monto laa̒anati u mailoi̒yau̒ boito, wau̒ mamopodewo ode Eeya talaa̒ botie u pomake pohutu bui̒ lo ayu u woludela lotalaa̒. Oditolio doi boito muli pohualinguu̒ mai olemu.”

MONGO HAKIMU 17:3 Iomraidhean Croise

OLUO TAWARI 33:7

Bui̒ balaahala dilutulio todelomo Bele lo Eeya, lebe lebe pomao̒ tomimbihu tambati boito Allahu Taa̒ala malo tahuda mai odelei Dauda wolei Salomo walai̒o talolai̒, “Bele-U̒ to Yerusalemu botie, umaa tilulaotu-U̒ towolota lo mopulaa duluo madala lo suku Isirai̒lu, deu̒yito-yito tambati u tilantu-U̒ mai odelo tambati poi̒baadatiala ola-U̒ u ohiheo-hiheolo mao̒.

PILOTIMUA̒TA 20:23

Diila mao̒ pohutua duo̒lo batangamu bubuu-iyaalo talaa̒ meaalo hulawa u tuboo limongoli ngopohia Wau̒.

PILOTIMUA̒TA 20:4

Diila mao̒ pohutua ode batangamu bui̒ u penu boli debo odelo wolo uwoluo tohulungo, tohuta meaalo todelomo taluhu to walungo huta.

PILOTIMUA̒TA 34:17

Diila mao̒ pohutu wau molubo ila-ila lo logamu.

YESAYA 30:22

Bubuu-iyaalo balaahala limongoli u woluwolude talaa̒ wau hulawa matapilo limongoli debo odelo bountu, sambela moloi̒ya, “Ponao̒olo batangau̒!”

YESAYA 66:3

Bo bangusa boito hipohutua totoonulalo otohilaa limongolio; timongolio sanangi motabia wolo dudelo u moo̒lonuo̒. To limongolio diila o hiheedelio: mopobake sapi ulai̒ wau mopobake manusia, mopobake walao̒ himba wau momoli buloo̒ lo apula; mopodewo pale wau mopobake duhu loboi, momobu alama wau molubo bui̒.

YEREMIA 10:8

Abaloolo wau mohulodu timongolio ngoa̒amila sababu dewalio bo ayu wambao̒, diila mowali mongaajali u ohuna.

IMAAMATI 19:4

Diila mao̒ polubo balaahala. Diila mao̒ pohutu bui̒ monto logamu wau molubo olio. Wau̒ Eeya Allahu Taa̒ala limongoli.

YAHYA 16:2

Timongoli malualolio monto bebee-leyaala potabiaalo. Wau mamei dungga wakutuulio deu̒ taa momate olimongoli mate-mateelo mao̒ mamo lantobu tio hemotiwato to Allahu Taa̒ala.

TINGULI 12:3

Lohubua mao̒ memees-bawaalo limongolio wau potoyopua mao̒ wowoo-lihiyaalo botu u he anggapuo limongolio aulia. Pobuwa mao̒ tutuuotolo Asyera, wau antulua mao̒ bubuu-iyaalo lo balaahala limongolio, tilinggula ila-ila boito diilalo tuboolio to tataa-mbatiyalo boito.

TINGULI 27:15

Tau-tauwalo Lewi: ‘Malaa̒-laa̒anatilo taa u mohutu bui̒ monto botu, ayu meaalo logamu, wau molubo olio wolo tua̒ao̒-tua̒ao̒; Eeya molonuo̒ tamomuja balaahala!’ Ngoilanggubu ulipu: ‘Amin!’

MONGO HAKIMU 17:13

Yi ualei Mikha mao̒, “Wonu odito, botia wau̒ yakini deu̒ Eeya mamohutu mai u mopiohe ode olau̒ sababu mawoluo taulo Lewi ngota talowali iimamuu̒.”

MONGO HAKIMU 17:2

Tou̒ dulahee tuwau malo loi̒ya tio odeli maamalio, “Maama, tou̒ timaama iloolio lodoi talaa̒ ngolihu wau ngohetuto, ilodungohe lowatia timaama helo laa̒anati mao̒ potao̒lio. Utia, maama, doilio! Watiyaalo talotao̒ mao̒.” Ti maamalio lolametao̒, “Pohileaala dua̒ yio̒ balakatia mai lo Eeya, uuti!”

MONGO HAKIMU 17:4

Lapatao̒ tei Mikha luli lopo walingao̒ doi boito odeli maamalio, wau timaamalio boito malohama dulo hetuto pita lonto doi boito, wau longohi mao̒ ode ngotaalio pani lotalaa̒. Lapatao̒ tio lopoa̒hu pani boito helohutu bui̒ lo ayu tuwau u yilolude wolo talaa̒ boito. Lapatao̒ bui̒ boito dilutulio tobele lei Mikha.

MONGO HAKIMU 18:30

Bui̒ balaahala udilelo mai limongolio boito, pilotihuli mongolio tokota boito lapatao̒ lomudua̒ao̒ olei Yonatan, walae̒e Gersom, wombu lei Musa, lowali iimamu limongolio. Wali mai lei Gersom botie debo lowali iimamu losuku Dan boito tunggula maasa umati lo Isirai̒lu bilintai̒o wau pilolayahu ode lipu wewo.

MONGO HAKIMU 18:5

Lapatao̒ uali mongolio ode olio, “Wonu odito, tulungii mao̒ yintua mola ode Allahu Taa̒ala wolo nonao̒ lami botie otilapulo meaalo diila.”