MONGO HAKIMU 16:5 - KITABI HABARI MOPIOHE

⁵ Yi malonao̒ mai limo lota tahi kawasawa lo Pilistin ode taabua boito wau loloi̒ya, “Piyowa mao̒ tei Simson alihu tio mohuto mopoo̒taa mai olemu wolo u hulihuli to lotolio, wau woloolo mola dudelolio mopohinggi mao̒ lotolio boito. Lou̒ odito ami mowali monao̒ mai wau momungu olio u mopoo̒laahe olio. De ami ngota-ngota mamongohi mai olemu ngolihu wau ngohetuto pita doi talaa̒.”

MONGO HAKIMU 16:5 Iomraidhean Croise

ILOOWALI 33:16

Odi-odieelo mola todulahee boito tei Esau lomonggato luli lohualinga mola ode Edom.

MIKHA 7:3

Ngoa̒amilalo moolato todelomo mohutu u moleeto. Tadihu-dihu pantungo lipu wau hakimu hipohilea doi solooi̒, wau tao̒ tilanggula todelomo ulipu hemo makusa u otohilaalio, odi-odieelo mola timongolio helo woomboa pee̒-pee̒enta.

MATIUSI 26:15

Tio loloi̒ya mao̒ ode limongolio, “Wolo u mawohi limongoli olaatia wonu watia mamohudu mai li Isa ode limongoli?” Yi timongolio malo leekeni tolo pulu doi talaa̒, wau yilohilio mao̒ doi boito olio.

YOSUA 13:3

wau ngoilanggubu madala lo Awi mantahu huliaalio. (Madala lonto Dutulaa Sikhor to sipatana lo Masiri demola sipatana lo Ekron to ambahu tilayo, ngoa̒amilalo boito tuwo-tuwoto tomadala lobangusa Kanaa̒n; wau mongo olongia lo Pilistin tahi biluloa̒wa to Gasa, Asdod, Askelon, Gat wau Ekron.)

MONGO HAKIMU 14:15

Oditolio, tou̒ dulahee opatio loloi̒ya timongolio todile lei Simson, “Yio̒ musi momiyo mao̒ todilemu alihu tio mopoo̒taa mai olami boli lotokaa toki boito. Wonu diila, ami mamo lumbila olemu wolo ngotuango bele lipaapamu. Tutuulio tutu yio̒ loloduo olami u mopoo̒ pulitao̒ halata lami!”

MONGO HAKIMU 16:4

Lapatao̒ uito tei Simson ilohilao totaabua ngota lonto Lumbaya Sorek. Tanggulo taabua boito Delila.

MONGO HAKIMU 16:6

Yi uali Delila odelei Simson, “Simson, wolo sababuulio malo odito lotolumu? Mamusi punguwola loolo yio̒ alihu mooli lotolumu boito? Nte polelea mai u hehuliyomu boito!”

MONGO HAKIMU 17:2

Tou̒ dulahee tuwau malo loi̒ya tio odeli maamalio, “Maama, tou̒ timaama iloolio lodoi talaa̒ ngolihu wau ngohetuto, ilodungohe lowatia timaama helo laa̒anati mao̒ potao̒lio. Utia, maama, doilio! Watiyaalo talotao̒ mao̒.” Ti maamalio lolametao̒, “Pohileaala dua̒ yio̒ balakatia mai lo Eeya, uuti!”

MONGO HAKIMU 3:3

Babaa-ngusawalo tadonggo hibiluloa̒wa tolipu boito yito: bangusa tahi poo̒oyonga todelomo olimo kota Pilistin, ngoa̒amila bangusa lo Kanaa̒n, bangusa lo Sidon, wau bangusa lo Hewi tahi biluloa̒wa to hihui̒-hui̒dea lo Libanon, tumulalo mao̒ monto Hui̒dee Baal-Hermon demola dalalo udulu-dulunga ode Hamat.

BOHULO SEMUEL 29:6

Lapatao̒ tei Akhis lotiangai olei Dauda wau loloi̒ya mao̒ olio, “Wau̒ palacaya domi Eeya tatumu-tumulo, deu̒ yio̒ tatapu wau molotolo hilao to olau̒. Wau̒ sanangi wonu yio̒ mowali wolau̒ todelomo popaatea botie. Sababu anggadu yio̒ lonao̒ mai ode olau̒ tunggula saaa̒ti botie, diila ilodunggau̒ totalamu. Bo mongo olongia uwewo boito diila motohilaa olemu.