MONGO HAKIMU 16:24 - KITABI HABARI MOPIOHE

^24-25 Tou̒ timongolio donggo hiweengahe timongolio loloi̒ya, “Delowa mai tei Simson odia mai alihu tio mowali poi̒ii̒yanto!” Yi hilama mai limongolio tei Simson lonto tutupa, wau tio hepiloi̒ii̒ya limongolio. Timongolio lopoa̒hu olio tilimihulao̒ towolota lo wolihi duluo uleidaa̒. Tou̒ tadadaata boito loo̒onto mao̒ olei Simson, timongolio malomuji Dagon wau helo polahu mola, “Dewanto malongohi mai olanto u loo̒haama tomusu tamalo ngantulu lipunto wau helomate yila-yilateelo mao̒ taunto odito daatalio!”

MONGO HAKIMU 16:24 Iomraidhean Croise

BOHULO TAWARI 10:9

Timongolio lolopatao̒ boo̒ lo popaatea lei Saul, wau lolimadeo̒ lunggongio, tulusi dilelolio mota. Lapatao̒ timongolio helolao utolia ode ngoilanggubu lipu lo Pilistin u lopo tunggulao̒ habari mopiohe boito ode bangusa wau dewa limongolio.

JABURU 97:7

Ngoa̒amila taa u hipolubowa balaahala maa poo̒olitolio, tahemo pomangga babaa-langiyalo udiila ohuna; ngoa̒amila dewa mamo sujudu totalu lo Eeya.

YESAYA 37:20

Yaa Eeya, Eeya Allahu Taa̒ala lo mongowatotia, lopatalo mai mongowatotia monto tau-tauwalo Asyur boito, alihu otaawa lo ngoa̒amila bangusa deu̒ Eeyaalo tuwa-tuwaulo Eeya.”

YEHESKIEL 20:14

Bo Wau̒ diila loponao̒ mao̒ domi ohulumati tanggulu-U̒, alihu tanggulu-U̒ diila mao̒ hinaa lo babaa-ngusawalo tamoo̒onto ola-U̒ mopolualao̒ Isirai̒lu monto Masiri.

DANIALI 5:23

Ti Tuani lowatotia lotilaio̒ batanga ode Eeya tosologa wau buheli lei̒ tuwotao̒ mamaa-nggowaalo u mailambato lonto Bele lo Eeya. Lapatao̒ ti Tuani lowatotia wau taduduulaa̒ lolipu, mongodile wau mongopipia li Tuani lowatotia longilu to mamaa-nggowaalo boito. Ti Tuani lowatotia helomuji-muji dedeewaalo upilohutu lonto hulawa, talaa̒, tombaha, wate, ayu wau botu, dedeewaalo udiila mowali moo̒onto, meaalo moo̒dungohu boli mongalati wolo-wolo. Ti Tuani lowatotia diila mohulumati Allahu Taa̒ala tamolantu mai tutumulo meaala mate li Tuani lowatotia wau molantu mai dalalo tutumulo li Tuani lowatotia.

DANIALI 5:4

Sambela hipongiluma timongolio hipomuji-mujia dedeewaalo u pilohutu lonto hulawa, talaa̒, tombaha, ayu wau botu.

HABAKU 1:16

Lapatao̒ pajala boito hetilubo limongolio wau yilohia limongolio dewo lobake, sababu wolo pajala boito timongolio maloo̒tapu lijiki u dadaata daa̒ wau lowali maa̒amulu.

TINGULI 32:27

Bo wau̒ diila motohilaa musu lo Isirai̒lu mopou̒daa̒ hilao; diila bolo timongolio tala molantobu wau moloi̒ya deu̒ timongolio mopoo̒laaheo̒ umati-U̒,’ lebe-lebe pomao̒ Wau̒lo talohutu mai uito.

WAHI 11:10

Tuango dunia mamoti wengahe to opopate losakusi duulota boito. Timongolio mamopolame wau molalaawola palaseni, sababu nabi duulota boito malo podungga mai dadaata sikisaa ode ngoa̒amila taa todunia.

MONGO HAKIMU 15:14

Tou̒ tei Simson dilelolio demola Lehi, tau-tauwalo Pilistin tilumetea̒i ode olio wau helo hantia̒a olio. Debolo tio malowali lolotoolai wolo kawasa lo Eeya. Tataa-liyaalo u lomungu uluu̒lio hebiluntolio odito wambai̒o debo odelo tali boito tali u malopobu.

MONGO HAKIMU 15:16

Yi malo polahu mola tei Simson, “Wolo wale lokolodai pilateu̒ ngolihu lota; wolo wale lokolodai hiluntuu̒ mimii-lateyaalo limongolio.”

MONGO HAKIMU 15:8

Lapatao̒ tio malohutu olimongolio wolo diila omanusia wau helomate yila-yilateelo mao̒ dadaata towolota limongolio. Lapatao̒ uito, tio lonao̒ lapatao̒ lotibiluloa̒ todelomo gowa tohuludu botu tuwau to Etam.

BOHULO SEMUEL 31:9

Timongolio lolimadeo̒ lunggonge Saul wau lohama boo̒ lo popaatealio, lapatao̒ taulo Pilistin helolao utolia ode ngoilanggubu lipu lo Pilistin u lopo tunggulao̒ habari mopiohe boito ode ulipu wau dewa limongolio.