MONGO HAKIMU 16:2 - KITABI HABARI MOPIOHE

² Yi ulipu lo Gasa loo̒dungohe deu̒ tei Simson woluo mola teto. Oditolio, timongolio malomala tambati boito wau helohima olio ilo-iloonua to hulubangi lokota. Bo timongolio diila helohutu wolo-wolo tou̒ hui boito sababu to pikiilangi mola limongolio, “De wonu bolo dulahee mobutu mai, bolo ito momate olio mate-mateelo mao̒.”

MONGO HAKIMU 16:2 Iomraidhean Croise

MATIUSI 21:38

Bo tou̒ tahi pokalajawa boito loo̒onto walao̒ lotaa ohuu̒wo lohuta boito, timongolio malo loi̒ya ngota timongota, ‘Naa, botie tio, ahali lowalisilio. Dulo mapateento tio mate-mateelo mao̒, alihu mamo tapunto walisanilio!’

MATIUSI 27:1

Donggo didimodupo daa̒, ngoa̒amila iimamu tau̒wa wau tau̒wa lo Yahudi lohutu mao̒ putuusani u momate li Isa mate-mateelo mao̒.

LUKASI 21:20

“Wonu bolo timongoli moo̒onto Yerusalemu bilaala lopajule, mao̒taawa mao̒ limongoli deu̒ kota boito diilalo mohiheo maa̒ntuluolio.

WUNGGULI LOMONGO RASULU 23:15

Naa, botia Mongo wutato wolo popoo-ngawaa̒alo Mahakama Agama wajibulio molao mola tuladee odeli kamudangi pasuukani lo Roma boito u mohile olio muli modelo mai olei Paulus mai motaalua woli mongoli, pohutu debo odelo timongoli donggo ohilaa muli momalakisa palakalalio wolo lebe mou̒lintapo. Wau ami mamoti dapato momate olio mate-mateelo mao̒ tou̒ tio diipo meidungga mai odia.”

WUNGGULI LOMONGO RASULU 9:24

Bo patuju limongolio boito ilotahualio. Hui wau dulahu timongolio hipohimawa tohuhebu hulubangi lokota u momate olio mate-mateelo mao̒.

MONGO HAKIMU 15:18

Lapatao̒ tei Simson molaasa mototoa̒nga daa̒, tunggula tio longiibode to Eeya, tio loloi̒ya, “Eeya, boheli Eeya longohi olo watotia botie u loo̒haama. Botia wolo watotia mamusi mate mototoa̒ngo, tunggula wau̒upo lotau-tauwalo Filistin botie tadiila motota lo Eeya?”

MONGO HAKIMU 16:3

Bo tei Simson diila lotuluhe teto tunggula dimodupo. Tomutaa̒ lou̒ hui tio malobongu tulusi lonao̒ ode huhebu hulubangi lokota. Tio helo mahuta ngoa̒amila huhebu boito wolo wowoo-lihiyalo wau papaa-langiyalo pee̒entalo mao̒. Lapatao̒ bilintai̒o huhebu boito toitaato binggungio, wau dilelolio ode balitutuo̒ huludu to ngotuali lo Hebron.

BOHULO SEMUEL 19:11

Tou̒ huilo boito tei Saul malolao dengolo lota ode bele lei Dauda u moheehula olei Dauda wau momate olio mate-mateelo mao̒ tou̒ dumodupio mola. Bo ti Mikhal dilelio loloi̒ya mao̒ olio, “Wonu yio̒ diila molahi tou̒ huilo botie, yi loombu mola dumodupo tantulo mao̒ yio̒ mapateelio mate-mateelo mao̒.”

BOHULO SEMUEL 23:26

Tei Saul wau suludadulio lonao̒ to biihu hui̒dee wimbihia, hiambola tei Dauda wau tahidudua̒ olio tobiihu wimbihito mola. Tei Dauda hua̒a lolahi lonto olei Saul tamalo lumula lomala ohilaa moheu̒pa olimongolio.