MONGO HAKIMU 16:14 - KITABI HABARI MOPIOHE

¹⁴ Yi ti Delila lohutu mao̒ olei Simson leituluhu lapatao̒ tio helo tulapideo̒ pitu lo tulapide huwoi̒o lei Simson topitolo to pakaakasi posujiyalo. Lapatao̒ uito tio longawadeo̒ to ayu pakaakasi posujiyalo boito tulusi longiibode, “Simson! Taulo Pilistin malonao̒ mai!” Tei Simson olo malobongu tulusi lomantanga huwoi̒o tunggula lolopata lonto pakaakasi posujiyalo boito.

MONGO HAKIMU 16:14 Iomraidhean Croise

JABURU 106:43

Wuwuulia Eeya helo lopato olimongolio, bo timongolio lebe motohilaa momalakala, tilinggula timongolio bilinaasa todelomo duduu-sawaalo limongolio.

MONGO HAKIMU 16:13

Lapatao̒ uali Delila odelei Simson, “Aa, yio̒ debo hemo poitohe olau̒ poli. Yio̒ mohimbulo. Ntali wunggulia mai de punguwola loolo yio̒ bolo mowali punguwola!” Tei Simson lolametao̒, “Wonu pitu lopau̒ huwou̒uu̒ tulapidulo topitolo to pakaakasi posujiyalo, lapatao̒ awadulo to ayu pakaakasi posujiyalo boito, yi wau̒ mamo lupuhu wau mowali debo odelo taa biasa!”

MONGO HAKIMU 16:15

Lapatao̒ uali Delila olio, “Aa, hepolelemu wau̒ ilohilaamu lebe-lebe pomao̒ hilaamu hala-halaahu monto olau̒! Mapoo̒otolu yio̒ hemo poitohe olau̒, wau dilumutu botia olo yio̒ debo diila mohuto mopoo̒taa mai deu̒ yilongola malo odito lotolumu.”