MONGO HAKIMU 15:18 - KITABI HABARI MOPIOHE

¹⁸ Lapatao̒ tei Simson molaasa mototoa̒nga daa̒, tunggula tio longiibode to Eeya, tio loloi̒ya, “Eeya, boheli Eeya longohi olo watotia botie u loo̒haama. Botia wolo watotia mamusi mate mototoa̒ngo, tunggula wau̒upo lotau-tauwalo Filistin botie tadiila motota lo Eeya?”

MONGO HAKIMU 15:18 Iomraidhean Croise

ILOOWALI 20:11

Tei Abraham lolametao̒, “Pikiliyalo mao̒, teewe diaaluo taa u moohe to Allahu Taa̒ala, tilinggula watia mapateelio mate-mateelo mao̒ lo taa u motohilaa todile lowatia.

ILOOWALI 32:31

Tou̒ dulahee malobutu mai, tei Yako lololaa mao̒ Pniel, wau tio penggo sababu leletua lo poyonggilio malo heeide.

OLUO LO SAMUEL 1:20

Pohileaala dua̒ tau-tauwalo Gat diila moo̒dungohe habari boito. Pohileaala dua̒ huhuu-lupiwaalo Askelon diila moo̒tapu habari pasali leeto. Diila bolo taabua lo Pilistin mongua-nguatio̒ wolo meengahu diila bolo taabua kaapiru lame motingalao̒.

YAHYA 19:28

Otaawa li Isa deu̒ botia mailapato ngoa̒amilalo, wau alihu wolo u tulatuladu todelomo Kitabi mowali motoduo mai, Tio malo tahuda “Wau̒ mototoa̒ngo.”

IBRANI 11:32

Naa, watia mowali wambai̒o mobisala mai mololaalaaita, bo wakutu lowatia diila moo̒tuheto. Sababu watia diipo poli longunte olei Gideon, Barak, Simson, Yepta, Dauda, Semuel, wau mongo nabi.

MONGO HAKIMU 14:3

Bo mongo dulaa̒lio loloi̒ya mao̒, “Yilongola musi monao̒ mola ode taulo Pilistin u poo̒tapulalo dile, hiambola timongolio diila tuwotuwoto umati lo Allahu Taa̒ala? Wolo todelomo kaumunto lohihilao meaanto towolota ngoilanggubu bangusaanto diaaluo ngotaalio tadulahu tamotuuu̒de?” Tametao̒ lei Simson ode liyamolio, “Bo tadulahu lo Pilistin boitolo tao̒tohilaa laatia. Wau watia mohalapu tipaapa mohuto motolo balango olio ode laatia.”

MONGO HAKIMU 15:17

Lapatao̒ uito tilapilio tulalo wale boito. Uito sababuulio tambati boito iluntee Ramat-Lehi.

MONGO HAKIMU 16:28

Tou̒ boito tei Simson malodua̒; tio loloi̒ya, “Yaa, Eeya Taa Laba-labaalo molanggato, pohileaala dua̒ Eeya moe̒elai olo watotia. Ambunguolo muli wohia mai lotolo watotia bo pee̒enta botie wambao̒, yaa Allahu Taa̒ala, alihu wolo huhutu botie watotia moo̒tuli mao̒ to taulo Pilistin tahe loluo̒ohe mato lo watotia duuduluo.”

MONGO HAKIMU 8:4

To saaa̒ti boito tei Gideon wolo taulio tolo hetuto lota leidungga mote ode ngotuali lo Dutula Yordan. Timongolio mailoongolo daa̒ bo debo tulusi wambao̒ himo hilapita musu.

BOHULO SEMUEL 17:26

Lapatao̒ tei Dauda loloiya, “Buheli tutu taulo Pilistin takaapiru boito motehengi suludadu lo Allahu Taa̒ala tatumu-tumulo!” Lapatao̒ tio lohintu mao̒ talangota lopajule, “Wolo u mawohi mao̒ ode taa umowali momate-mateelo mao̒ taulo Pilistin boito wau moluluto polohina monto Isirailu?”

BOHULO SEMUEL 17:36

Watotia malomate yila-yilateelo mao̒ singa boli boruangi, wau taulo Pilistin takaapiru boito olo mamowali motutuuwauwa debo odelo bibii-natangiyalo boito, sababu tio buheli mohina suludadu monto Allahu Taa̒ala tatumu-tumulo.

BOHULO SEMUEL 27:1

Tei Dauda helo mikiilangi mola todelomo hilaalio, “Penu boli woloolo mola olo tou̒ dulahee tuwau tei Saul mamomate olau̒ mate-mateelo mao̒. Oditolio, diduu̒ dalala wewo olau̒, ngopohia mopolahi lobatanga ode lipu lo Pilistin. Lou̒ odito tei Saul diilalo molololohe olau̒ to Isirai̒lu, wau wau̒ olo maa̒amani.”