MONGO HAKIMU 13:8 - KITABI HABARI MOPIOHE

⁸ Loo̒dungohe uito, malo dua̒alo mola tei Manoah ode Eeya, odie, “Yaa Eeya, ambunguolo potala Eeya muli molao mai wato lo Eeya boito ode mongowatotia u mopoo̒taa mai wolo u musi pohutuo lo mongowatotia to walao̒ boito lapatao̒ tio potutuolio mai.”

MONGO HAKIMU 13:8 Iomraidhean Croise

AYUBA 34:32

Wolo yio malo molohone mola alihu poi̒laalo mai lo Eeya totalaamu? Wolo yio̒ malotadia mopohuheli huhutuumu boito?

WUNGGULI LOMONGO RASULU 9:6

Bo botia pobongulo wau tuwotolo ode kota, mota teto mapo tahuda-U̒ mai olemu wolo umusi pohutuwomu.”

MONGO HAKIMU 13:11

Tei Manoah hua̒a lodudua̒a to dilelio. Tio lohimbideo̒ tau boito wau lohintu mao̒, “Mati Tuani talodelo mai habari ode dile lowatia?” “Otutu,” tametio mao̒.

MONGO HAKIMU 13:3

Bo todulahee tuwau malai̒kati lo Eeya lopobilohe batanga olio wau lotahuda, “Ngotilonggadu botie yio̒ diila loo̒ toduo walao̒, bo diilalo mohiheo yio̒ mao̒mbodaa̒ mai, wau mamoo̒tapu walao̒ talolai̒.

MONGO HAKIMU 13:6

Lapatao̒ uito dile lei Manoah lonao̒ ode dilelio wau loloi̒ya mao̒, “Kanda, woluo utolia lo Allahu Taa̒ala lonao̒ mai ode laatia; uanggu debo odelo malai̒kati lo Allahu Taa̒ala, tilinggula watia mailoohe. Watia diila lohintu wonu lonto utoonu mai tio, wau tio olo diila lopoo̒taa mai tanggulio ode laatia.

MONGO HAKIMU 13:7

Bo tio malo loi̒ya watia mao̒mbodaa̒ mai wau mamoo̒tapu walao̒ talolai̒ ngota. Tio olo loloi̒ya deu̒ watia diila mowali mongilu angguru meaalo minumani umoo̒ huwoo̒, meaalo molamela u hitua-tuawua uharamu, sababu walao̒ boito musi wuduwola ode Allahu Taa̒ala u mowali ngotaalio tanajiri u ngotupa lo tutumulio.”

MONGO HAKIMU 13:9

Allahu Taa̒ala lodungohe polohone lei Manoah. Malai̒kati lo Eeya boito luli lonao̒ mai tou̒ dile lei Manoah donggo hulohuloa̒ to halabolu. Tou̒ boito dilelio talolai̒ diaaluo mota teto.