MONGO HAKIMU 13:3 - KITABI HABARI MOPIOHE

³ Bo todulahee tuwau malai̒kati lo Eeya lopobilohe batanga olio wau lotahuda, “Ngotilonggadu botie yio̒ diila loo̒ toduo walao̒, bo diilalo mohiheo yio̒ mao̒mbodaa̒ mai, wau mamoo̒tapu walao̒ talolai̒.

MONGO HAKIMU 13:3 Iomraidhean Croise

ILOOWALI 17:16

Wau̒ mamo balakati mai olio wau tio mamo potutu mai walao̒ talolai̒ ngota tamawohi-U̒ mai olemu. Ooo̒, Wau̒ mamo balakati mai oli Sara, wau tio mamowali tiilo loluuhuru lo babaa-ngusawalo. To wolota waliilio mawoluo mai mongo olongia.”

ILOOWALI 18:10

Ngotaalio limongolio loloi̒ya mao̒, “Donggo tio lohula mola poli Wau̒ mamuli mohualingai. Wau tou̒ boito ti Sara dilemu mamoo̒tapu mai walao̒ talolai̒.” To saaa̒ti boito ti Sara donggo dungo-dungohe tohuhebu lo Kema, to wulea lotamu boito.

ILOOWALI 18:14

Wolo woluo u hitua-tuawua udiila pongalo aakali duo̒lo Eeya? Odelo u mapilo tahuda-U̒ mai engonti, donggo tio lohula mola Wau̒ mamuli mohualingai odia. Wau tou̒ boito ti Sara mamopotutu mai walao̒ talolai̒.”

OLUO MONGO OLONGIA 4:16

Lapatao̒ ualei Elisa olio, “Taunu talutalu mai, tou̒ debo odelo utie, ti Ibu mamomudua̒ walao̒ unge ngota talolai̒.” “Paaa̒, diila pohimbulo!” ualo taabua boito. “Ti Paaa̒ wato lo Allahu Taa̒ala!”

LUKASI 1:11

Tou̒ boito malai̒kati lo Eeya lopo bilohei lobatanga odelei Jakaria. Malai̒kati boito tilimihulo to ambahu olowala lomeja tambati hepo lapowalo alama.

LUKASI 1:13

Bo malai̒kati boito loloi̒ya mao̒, “Diila oohe, Jakaria! Allahu Taa̒ala malo dungohe dua̒mu. Dilemu ti Elisabet mamopotutu mai walao̒ talolai̒ ngota. Yio̒ musi mongohi mao̒ tanggula olio Yahya.

MONGO HAKIMU 13:10

Oditolio, tio tilumetea̒ mota lopoo̒taa mao̒ sua̒li boito to olio, “Kanda, bilohilo mao̒, taa u omoo̒omolu lonao̒ mai ode laatia boito, luli lonao̒ mai!”

MONGO HAKIMU 13:15

Lapatao̒ ualei Manoah Olio, “Ambunguolo potala ti Tuani mohimapo ngopee̒. Mongowatotia mamo tubupo mai batade buboto odeli Tuani.”

MONGO HAKIMU 13:6

Lapatao̒ uito dile lei Manoah lonao̒ ode dilelio wau loloi̒ya mao̒, “Kanda, woluo utolia lo Allahu Taa̒ala lonao̒ mai ode laatia; uanggu debo odelo malai̒kati lo Allahu Taa̒ala, tilinggula watia mailoohe. Watia diila lohintu wonu lonto utoonu mai tio, wau tio olo diila lopoo̒taa mai tanggulio ode laatia.

MONGO HAKIMU 13:8

Loo̒dungohe uito, malo dua̒alo mola tei Manoah ode Eeya, odie, “Yaa Eeya, ambunguolo potala Eeya muli molao mai wato lo Eeya boito ode mongowatotia u mopoo̒taa mai wolo u musi pohutuo lo mongowatotia to walao̒ boito lapatao̒ tio potutuolio mai.”

MONGO HAKIMU 2:1

Malai̒kati lo Eeya lonao̒ lonto Gilgal ode Bokhimi wau lotahuda mao̒ ode tau-tauwalo Isirai̒lu, “Wau̒ malo polualai olimongoli lonto Masiri, wau lodelo olimongoli ode lipu u mapilo danti-U̒ odeli nenemoya limongoli. Matilahuda-U̒ mai olo, ‘Buuhuta danti towolota-U̒ woli mongoli diila tabuntoo-U̒.

MONGO HAKIMU 6:14

Lapatao̒ Eeya longohi mao̒ palenta botie odelei Gideon, “Wolo ngoilanggubu olootolumu ponao̒lo mota molopata taulo Isirai̒lu monto taulo Midian. Wau̒lo talolao mai olemu.”

BOHULO SEMUEL 1:20

Taabua boito maa ilombodaa̒ wau lopotutu mai walao̒ talolai̒. Tio lolanggulao̒ Semuel, ualio mao̒, “Wau̒ malohile mai olio lonto Eeya.”