MONGO HAKIMU 11:34 - KITABI HABARI MOPIOHE

³⁴ Tou̒ Yepta luli lohualinga ode Mispa, walai̒o tadulahu mai lolutulao̒ olio wolo elungo sambela hemo laa̒apa rabana. Uitolo walai̒o tatuwa-tuwaulo.

MONGO HAKIMU 11:34 Iomraidhean Croise

OLUO LO SAMUEL 6:14

Lapatao̒ tei Dauda helo ngelu-ngelungo wolo lealeaatu lo sumangati u mohurumati to Eeya. Tou̒ boito tio bo pakepake palipa limbulimbu lo lineni u pilopo bintolo to wohutalio.

JABURU 150:4

Pujiaalo mola Eeya wolo rabana wau elungo boli elungo, pujiaalo mola Eeya wolo kocapi wau tulali.

JABURU 68:25

Ngoa̒amila moo̒onto pawai ohohaama lo Eeya, yaa Allahu Taa̒ala, Allahu Taa̒ala lowatia, olongia lowatia, hedilepito lotaa dadaata ode tambati potibiluloa̒-Lio.

PILOTIMUA̒TA 15:20

Lapatao̒ ti Miriyama, ngotaalio lo nabia titaata lei Haruna lohama mai rabanaalio, wau ngoa̒amila mongobua helo dudua̒ lolaa̒pa rabana wau longelungo.

YEREMIA 31:13

Tou̒ boito mongo dulahu mamo ngelungo wolo hiwengahe lohilao. Mongo panggola wau taa humula pee̒-pee̒enta sanangi tutu, sababu Wau̒ mamoliyanga olimongolio. Suusa hilaa limongolio lomelo-U̒ mowali meengahu, pongolaasa suusa daa̒ lohilao lomelo-U̒ mowali osanangi tutu.

YEREMIA 31:4

Bangusaamu mapowaliyo-U̒ laito otilapulo debo odelo muloololio mai. Pee̒entapo timongoli mamohama rabana, wau mongelungo wolo wengahu.

JAKARIA 12:10

Lapatao̒ wali mai lei Dauda boli ulipu lo Yerusalemu mahiya-U̒ hilao u motohilaa motolia̒ngo wau motohilaa modua̒. Timongolio mamoo̒onto olio tamaa ngilamo limongolio wau hiliyongolio debo odelo taa lohiliyongao̒ opopate lo walai̒o bo tuwa-tuwaulo. Timongolio mahumoyongo wolo mooloolo daa̒, debo odelo taa u mai̒loolia lowalao̒ tamohuhula daa̒.

LUKASI 7:12

Tou̒ ti Isa leidungga totili huhebu hulubangi lokota, tau-tauwalo donggo hemo depita milate ode bulemengo kota. Tailate yito walao̒ talolai̒, walao̒ bo tuwa-tuwaulo ngotaalio lojanda. Dadaata tuango lipu lokota loduduo̒ woli Ibu boito.

LUKASI 8:42

sababu bo ngota-ngotaalo walai̒o taabua u tutumulio mopulaa dulo taunu mawimbide mate. Tou̒ ti Isa donggo dulu-dulungo ode bele lei Yairus, tau-tauwalo hemo huntu-huntula o-Lio lonto totoonulalo tutulio.

LUKASI 9:38

Talolai̒ ngota lonto huungo lotaa dadaata boito malo nguatio̒, “Paaa̒ Guru, tulungia mai bilohi mao̒ walao̒ watia – tio ngota-ngotaalo walao̒ watia!

MONGO HAKIMU 10:17

Tou̒ boito suludadu lei Amon donggo dapa-dapato u mopaatea. Timongolio lotikema to Gilead. Umati lo Isirai̒lu olo malo tia̒mbu wau lotikema to Gilead.

MONGO HAKIMU 11:11

Yi malo monggato tei Yepta pee̒-pee̒enta wolo mongo tau̒wa lo Gilead. Lapatao̒ ulipu lo Gilead lumudua̒ao̒ olio lowali talo tolokawasa wau tau̒wa. Wau totalu lo Eeya to Mispa, tei Yepta helo podudulao̒ hihii-leyaalo wolo moo̒ohuu̒lio ode ulipu lo Gilead.

MONGO HAKIMU 20:1

Yi malonao̒ mai ngoilanggubu umati lo Isirai̒lu lonto Dan to tilayo demola Bersyeba to huliaalio, wau Gilead totiimuru, u lopoo̒polu mai titiango boito. Timongolio lotia̒mbu wau helo panggala to Mispa totalu lo Eeya.

MONGO HAKIMU 21:21

wau potidaha-dahaalo mota teto. De wonu mongo dulahu lo Silo lumualai u mongelungo ngotilonggadu lameyangi timii̒du taunu ode Eeya, yi timongoli musi lumualao̒ lonto ii̒i-lengiyalo angguru boito. Lapatao̒ ngota-ngota musi moheu̒upao̒ tadulahu ngota towolota limongolio wau mopotetea̒ ode madala lei Benyamin u powaliyola dilemu.