MONGO HAKIMU 11:24 - KITABI HABARI MOPIOHE

²⁴ Wau masaatia botie wolo yio̒ ohilaa muli mohama mao̒? Huta uilohi lei Kamos, dewamu boito, ode olemu mowaliilo debo haku limongoli. Bo wolo u mailohi lo Eeya, Allahu Taa̒ala lamiaatia ode lamiaatia madebo dihima lamiaatia tio̒otutua.

MONGO HAKIMU 11:24 Iomraidhean Croise

BOHULO MONGO OLONGIA 11:7

Toitaato hui̒dee ambahu tiimuru lo Yerusalemu, tio lopo tihulao̒ tambati polubowalo Kamos, dewa taulo Moab, wau ode Molokh, dewa taulo Amon – duduuluwolo dewa umoo̒ toitupo.

JABURU 44:2

Yaa Allahu Taa̒ala, amiaatia malo dungohe lohihilao wungguli u yilungguli loluuhuru lamiaatia pasali lo huhutu polu-polutuo u hepilohutu lo Eeya to jamani muloololio mai.

JABURU 78:55

To talu umati lo Eeya, Eeya lopolahi ulipu mota teto tulusi hetila-tilayadu Eeya lipu boito to ngoa̒amila suku bangusa lo Isirai̒lu, umati lo Eeya, tilinggula timongolio lowali lotipoo̒yo to kekee-mawaalo lo musu.

YEREMIA 48:13

Moab mao̒kikiio̒ lohilao ode Kamos, dewa limongolio, tutuuwauwa debo odelo taulo Isirai̒lu helongingi ode Betel tahe yakinia limongolio boito.

YEREMIA 48:46

Matopotala Moab! Tuango lipulio tahi polubowa Dewa Kamos mapilopo binasa, wau tau̒ kekeei̒ limongolio bilintai̒o mota odelo tawalo.

YEREMIA 48:7

Moab! Yio̒ mopoyakini batanga to olinggahu wau okokayaamu. Bo botia yio̒ lohihilao mao̒laahelio. Kamos, dewamu, wolo mongo iimamu wau tahidihuma pantungio mabintao̒lio ode polayahu.

MIKHA 4:5

Timii̒du bangusa todunia molubo wau modungohe todewalio lohihilao. Bo ito mamodungohe to Eeya Allahu Taa̒alanto wau molubo o-Lio u ohiheo-hiheolo mao̒.

YIA̒APO 21:29

Wuu bangusa lo Moab, yio̒ topotala! Tamoo-mujawa Kamos, yio̒ binaasa! Yio̒ poluli mao̒ lo alaahmu mowali monao̒ ode utoonulalo mao̒, kaumu lo mongobuamu mowali tawalo li Olongia Amori.

TINGULI 18:12

Taa u hipohutua huhuu-hutuwaalo u moleeto boito oloonuo̒ Eeya Allahu Taa̒ala limongoli, wau uitolo sababuulio babaa-ngusawalo boito pilopo hala-Hio lonto talu limongoli.

YOSUA 21:43

Odi-odieelo mola Eeya helongohi mai ode umati lo Isirai̒lu ngoilanggubu huta u mapilo danti-Lio wolo tadia odeli nenemoya limongolio. Lapatao̒ lotihuloa̒ao̒ tolipu boito, umati lo Isirai̒lu malo titatapu mola teto.

YOSUA 3:10

Wonu bolo timongoli de momaju mota, Eeya tantu mamo polahi taulo Kanaa̒n, Het, Hewi, Peris, Girgasi, Amori wau Yebus. Wau tou̒ Bulua Daantia lo Eeya ngilanggubu aalamu mobalangao̒ Yordan meimulo woli mongoli, timongoli mamoo̒onto deu̒ Allahu Taa̒ala tatumu-tumulo woluo tohuungi mongoli.

MONGO HAKIMU 10:6

Umati lo Isirai̒lu luli ilodusa poli to Eeya. Timongolio diila lomandungi Eeya wau diilalo lolubo o-Lio. Timongolio helolubo bubuu-iyaalo Baal wau Asytoret, wau bubuu-iyaalo bangusa lo Siria, Sidon, Moab, Amon wau Filistin.

MONGO HAKIMU 11:23

Oditolio Eeya, Allahu Taa̒ala lo Isirai̒lu, boitolo talo polahi tau-tauwalo Amori ode polohuna daa̒ umati lo Eeya.

MONGO HAKIMU 2:1

Malai̒kati lo Eeya lonao̒ lonto Gilgal ode Bokhimi wau lotahuda mao̒ ode tau-tauwalo Isirai̒lu, “Wau̒ malo polualai olimongoli lonto Masiri, wau lodelo olimongoli ode lipu u mapilo danti-U̒ odeli nenemoya limongoli. Matilahuda-U̒ mai olo, ‘Buuhuta danti towolota-U̒ woli mongoli diila tabuntoo-U̒.

RUT 1:15

Yi malo loi̒ya ti Nao̒mi olio, “Rut, bilohilo! Wipahumu malo hualinga ode bangusaalio wau ode dedee-waalio. Ponao̒lo yio̒ olo, naa, dudui̒lo mota tio mohualingo!”